Matayus 1
1
Bedabedâ Yɛsu
(Luk 3:23-38)
1Vemo ba sé bazâ bedabedâ Yɛsu Kristi, yɛ de à sè yerê Davit, womo de à sè yerê Abraham arɔng:
2Abraham à sè dâ Yishak,
Yishak à sè dâ Yakɔp,
Yakɔp à sè dâ Yuda na begwa mɛ,
3Yuda à sè dâ Pɛrɛs tanga Zɛrak, ko neng mɛn, à Tamar.
Pɛrɛs à sè dâ Hesron,
Hesron à sè dâ Ram,
4Ram à sè dâ Aminadap,
Aminadap à sè dâ Nashon,
Nashon à sè dâ Salmon,
5Salmon à sè dâ Bowas, ko neng mɛ, à Rahap.
Bowas à sè dâ Obet, ko neng mɛ, à Rut.
Obet à sè dâ Yɛsɛ,
6ko Yɛsɛ à sè dâ Gbɔng Gwɔ̀m Davit.
Davit à sè dâ Sɔlɔmɔn, ko neng mɛ à kana sè hwâ Uriya.
7Sɔlɔmɔn à sè dâ Rɛhɔbɔwam,
Rɛhɔbɔwam à sè dâ Abiya,
Abiya à sè dâ Asa,
8Asa à sè dâ Yɛhɔshafat,
Yɛhɔshafat à sè dâ Yoram,
Yoram à sè dâ Uziya,
9Uziya à sè dâ Yotam,
Yotam à sè dâ Ahas,
Ahas à sè dâ Hɛzɛkiya,
10Hɛzɛkiya à sè dâ Manase,
Manase à sè dâ Amɔn,
Amɔn à sè dâ Yoshiya,
11ko Yoshiya à sè dâ Yɛhɔyakin na begwa mɛ. E jeng yane, bà jut BeIsrayɛl wɔ e ji sesam e Babilɔn.
12E bama de bà jut BeIsrayɛl wɔ e ji sesam e Babilɔn,
Yɛhɔyakin à sè dâ Sheyaltyel,
Sheyaltyel à sè dâ Zɛrubabɛl,
13Zɛrubabɛl à sè dâ Abihut,
Abihut à sè dâ Ɛlyakim,
Ɛlyakim à sè dâ Azor,
14Azor à sè dâ Zadɔk,
Zadɔk à sè dâ Akim,
Akim à sè dâ Eliyut,
15Eliyut à sè dâ Ɛlɛyazar,
Ɛlɛyazar à sè dâ Matan,
Matan à sè dâ Yakɔp,
16ko Yakɔp à sè dâ Yɔsɛf, yɛ rwâs Marya womo de à tɔ Yɛsu de be tang ɛ, à Kristi, yɛ Mwat de Dagwi a kasa na a sey bemat.
17Nepyak yére yi e jeng Abraham vɔk e jeng Davit na sé kuru na yɛ nyaas. Yi e jeng Davit vɔk e jeng de bà jut BeIsrayɛl wɔ e ji sesam e Babilɔn, nepyak o na sé kuru na yɛ nyaas. Ko yi e jeng de bà jut BeIsrayɛl wɔ e Babilɔn vɔk e jeng tɔ̂ Kristi, nepyak yére mo na sé kuru na yɛ nyaas arɔng.
Tɔ̂ Yɛsu Kristi
(Luk 2:1-7)
18Bá tɔ Yɛsu Kristi e gwong gwomo ngan: Neng mɛ Marya á sè hwong de Yɔsɛf a hwono hɛ. Ko gyam na a jut ɛ, ba sɛ̀, a vɔk jim yi na Gabik Jɛrɛ. 19Yɔsɛf, mwat de ê ra weneng mɛ mo, á sè mwat rwat, ko a simo na a tɛ̀ a Marya rekyen e nuyêl bemat wɛt. Yaga ano, a yong ɛ̀ na a hàla hɛ yaang. 20Sede yɛ á sè bare pyɛ yemo, tom-lagwi hwak de Darwey a tomo hɛ a dura a yɛ tó mɛ e ji negwi, ko a yang ɛ, “À Yɔsɛf, hwêy Davit, hwo vo bengyip na hwo jut Marya vɔk e lɔ mō na a sè hwā mō wɛt, yaga jim mɛ mo ya sé yi na Gabik Jɛrɛ. 21A rɔda tɔ hwey wen, ko hwà rɔda vo a hɛ rezâ Yɛsu, yaga a rɔda sey bemat mɛ yi e banɛn mɛn.”
22Mwa pyɛ́ yemo ya té, yaga na be sila mɛ̀ há de Darwey à kana ha yi na zarap Dagwi wɔgɔ, 23“Hwong de a tɔk rwas wɛt a rɔda vɔk jim, a rɔda tɔ hwey wen, ko ba rɔda tâng hɛ, à Imanuwɛl.” Cap-hâ reza mo, yɛ à Dagwi a sé tanga wot.
24Jeng de Yɔsɛf a sene yi e de nevwa, a ra pyɛ de tom-lagwî Darwey o a nɔng ɛ nu na a ra, ko a jut Marya na a sè hwā mɛ. 25Ko a man na yɛ wɛt sɛ̌ jeng de a tɔ hwey o. Ko a vo a hɛ rezâ Yɛsu.
Currently Selected:
Matayus 1: bomBI
Highlight
Share
Copy
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust
