ISAIAH 52
52
Nyooru Jerusalem toroornatet
1 # Ng'a 21.2,27 Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen. 2Lelekte temburyek; ng'eet, tebi ng'wony, ee Jerusalem: ityaach ratuutik che mi kaating'ung', ee cheptap Zion ne kigeluul. 3Amu mwaei Kamuktaindet ne Toroor kole, ki kialdak puch; ak kityaachok ama eng' fedha. 4Amu mwaei Kiptaiyat Kamuktaindet ne Toroor kole, ki choortagei piikyuk eng' tai koba Misiri koek toek eng' olooto: ak ki inyaliil icheek Assyrianindet puch. 5#Rom 2.24 Mwaei anyun Kamuktaindet ne Toroor kole, ayae nee eng' yu, amu ki kimut piikyuk puch? Iteitos icheek che pou, mwaei Kamuktaindet ne Toroor, ak kichubei kainennyu kotugul, peetuut komugul. 6Nae anyun piikyuk kainennyu: naei anyun eng' peetuunooto kole anee ne ang'alaali; ogeero, anee. 7#Nah 1.15; Rom 10.15; Eph 6.15 Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'! 8Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion. 9Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem. 10Amu ki kobarta Kamuktaindet ne Toroor eunnyi ne tiliil eng' taitap pororyosyek tugul; ak keerei tabanwek tugul che po ng'wony yetunetap Kamuktaindennyo. 11#2Kor 6.17 Oba, oba, omande eng' olooto, amat otwaa kiy ne ma tiliil; omande eng' kwenunnyi; otiliiliitu, okweek che oibe tuguugap Kamuktaindet ne Toroor. 12Amu momandoi eng' kagirgiret, anan omwei: amu indoenok Kamuktaindet ne Toroor; ak letwok Kamuktaindetap Israel.
Nyalilda ak toroornatetap Otwogindet
13Ogeero, poisyee otwogindennyu ng'omnateet, kieeti ak kitoroori, ak kotororit miising'. 14Ko uu ye kikwong'enen che chaang', (ki king'em togeennyi kosiir ne po chii age tugul, ak ki king'em itoondanyi kosiir weeriigap piik,) 15#Rom 15.21 ibisi anyun pororyosyek che chaang'; namei kuut laitorinik amu ineendet: amu tuun keerei tuguuk che kitom kemwachi icheek, ak koguiyo tuguuk che kitom kogas.
Currently Selected:
ISAIAH 52: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ISAIAH 52
52
Nyooru Jerusalem toroornatet
1 # Ng'a 21.2,27 Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen. 2Lelekte temburyek; ng'eet, tebi ng'wony, ee Jerusalem: ityaach ratuutik che mi kaating'ung', ee cheptap Zion ne kigeluul. 3Amu mwaei Kamuktaindet ne Toroor kole, ki kialdak puch; ak kityaachok ama eng' fedha. 4Amu mwaei Kiptaiyat Kamuktaindet ne Toroor kole, ki choortagei piikyuk eng' tai koba Misiri koek toek eng' olooto: ak ki inyaliil icheek Assyrianindet puch. 5#Rom 2.24 Mwaei anyun Kamuktaindet ne Toroor kole, ayae nee eng' yu, amu ki kimut piikyuk puch? Iteitos icheek che pou, mwaei Kamuktaindet ne Toroor, ak kichubei kainennyu kotugul, peetuut komugul. 6Nae anyun piikyuk kainennyu: naei anyun eng' peetuunooto kole anee ne ang'alaali; ogeero, anee. 7#Nah 1.15; Rom 10.15; Eph 6.15 Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'! 8Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion. 9Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem. 10Amu ki kobarta Kamuktaindet ne Toroor eunnyi ne tiliil eng' taitap pororyosyek tugul; ak keerei tabanwek tugul che po ng'wony yetunetap Kamuktaindennyo. 11#2Kor 6.17 Oba, oba, omande eng' olooto, amat otwaa kiy ne ma tiliil; omande eng' kwenunnyi; otiliiliitu, okweek che oibe tuguugap Kamuktaindet ne Toroor. 12Amu momandoi eng' kagirgiret, anan omwei: amu indoenok Kamuktaindet ne Toroor; ak letwok Kamuktaindetap Israel.
Nyalilda ak toroornatetap Otwogindet
13Ogeero, poisyee otwogindennyu ng'omnateet, kieeti ak kitoroori, ak kotororit miising'. 14Ko uu ye kikwong'enen che chaang', (ki king'em togeennyi kosiir ne po chii age tugul, ak ki king'em itoondanyi kosiir weeriigap piik,) 15#Rom 15.21 ibisi anyun pororyosyek che chaang'; namei kuut laitorinik amu ineendet: amu tuun keerei tuguuk che kitom kemwachi icheek, ak koguiyo tuguuk che kitom kogas.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019