Zabúr 4
4
Mír mug̣anní ke liye; tárdár sázoṉ ke sáth. Dáúd ká Mazmúr.
1Jab maiṉ pukárúṉ to mujhe jawáb de, ai merí sadáqat ke Ḳhudá;
Tangí meṉ tú ne mujhe kushádagí baḳhshí: mujh par rahm kar aur merí du‘á sun le.
2Ai baní Ádam, kab tak merí ‘izzat ke badle ruswáí hogí?
Tum kab tak batálat se mahabbat rakkhoge aur jhúṭh ke darpai rahoge? (Siláh.)
3Ján rakkho ki Ḳhudáwand ne díndár ko apne liye alag kar rakkhá hai:
Jab maiṉ Ḳhudáwand ko pukárúṉgá to wuh sun legá.
4Thartharáo aur gunáh na karo:
Apne apne bistar par dil meṉ socho aur ḳhámosh raho. (Siláh.)
5Sadáqat kí qurbáníáṉ guzráno,
Aur Ḳhudáwand par tawakkul karo.
6Bahut kahte haiṉ, Kaun ham ko kuchh bhaláí dikháegá?
Ai Ḳhudáwand, tú apne chihre ká núr ham par jalwagar farmá.
7Tú ne mere dil ko us se ziyáda ḳhushí baḳhshí hai,
Jo un ko g̣alle aur mai kí firáwání se hotí thí.
8Maiṉ salámatí se leṭ jáúṉgá, aur so rahúṉgá;
Kyúṉki, ai Ḳhudáwand, faqat tú hí mujhe mutma’inn rakhtá hai.
Currently Selected:
Zabúr 4: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
