Zabúr 3
3
Dáúd ká Mazmúr, jab wuh apne beṭe Abísalom ke sámne se bhágá.
1Ai Ḳhudáwand, mere satánewále kitne baṛh gaye!
Wuh jo mere ḳhiláf uṭhte haiṉ bahut haiṉ.
2Bahut se merí ján ke báre meṉ kahte haiṉ,
Ki Ḳhudá kí taraf se us kí kumak na hogí. (Siláh.)
3Lekin tú, ai Ḳhudáwand, har taraf merí sipar hai:
Merá faḳhr aur sarfaráz karnewálá.
4Maiṉ baland áwáz se Ḳhudáwand ke huzúr faryád kartá húṉ,
Aur wuh apne koh i muqaddas par se mujhe jawáb detá hai. (Siláh.)
5Maiṉ leṭkar so gayá:
Maiṉ jág uṭhá; kyúṉki Ḳhudáwand mujhe sambháltá hai.
6Maiṉ un das hazár ádmíoṉ se nahíṉ ḍarne ká,
Jo girdágird mere ḳhiláf saffbasta haiṉ.
7Uṭh, ai Ḳhudáwand; ai mere Ḳhudá, mujhe bachá le.
Kyúṉki tú ne mere sab dushmanoṉ ko jabṛe par márá hai:
Tú ne sharíroṉ ke dáṉt toṛ ḍále haiṉ.
8Naját Ḳhudáwand kí taraf se hai:
Tere logoṉ par terí barakat ho. (Siláh.)
Currently Selected:
Zabúr 3: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
