Римлилерге 4

Ибраим иманы ярдымынен акъланды

1Дедемиз Ибраим акъкъында не айтайыкъ? О неге иришти? 2Эгер Ибраим ишлери ярдымынен озюни инсафлы олып косьтерген олса, озюнинъ огюнде макътанмакъ мумкюн. Амма Алланынъ огюнде макътанып оламай. 3#Баш 15.6; Якъ 2.23; Гал 3.6Языда не айтылгъан? Ибраим Аллагъа иман этти ве Алла тарафындан бу онъа инсафлыкъ деп сайылды. 4Иш япкъан адамгъа берильген акъкъы бахшыш дегиль, къазанч оларакъ сайыла. 5#Рим 3.22Амма адам ишлерине таянмаса ве инсафсызны акълагъан Аллагъа ишанса, онынъ иманы инсафлыкъ деп сайылыр. 6#Збр 31.1-2Ишлерине таянмайып, Алла тарафындан инсафлы сайылгъан адамгъа Давут да «бахтлы» дей:

7Эгер адамнынъ къанунсыз ишлери багъышланса,

онынъ гуналары афу этильсе,

не де бахтлыдыр бойле адам!

8 # 2 Кор 5.19 РАББИ тарафындан гуналары сайылмагъан адам не де бахтлыдыр!

9 # Рим 3.30 Бу бахыт сюннет этильгенлер ичюн, я да сюннет этильмегенлер де ичюнми? Биз: «Ибраимнинъ иманы онъа инсафлыкъ деп сайылды», – айтамыз. 10Не вакъыт сайылды? Сюннеттен эвель, я да сюннеттен сонъмы? Сюннеттен сонъ дегиль, сюннеттен эвель сайылды, 11#Баш 15.6; 17.10ве тек сонъра Ибраим сюннет олды, демек, инсафлыкъ бельгисини алды. Инсафлыгъы исе иманынен, сюннет олмагъан вакътында кельди. Бойле этип, Ибраим даа сюннет этильмеген, амма иман эткен эписининъ бабасы олды, ве Алла оларны да инсафлы деп сайды. 12Айны вакъытта, Ибраим сюннет олгъанларнынъ да, демек, иманлары Ибраимнинъ сюннет олмагъан вакътындаки иманына тенъ олып, сюннет олгъанларнынъ бабасы олды.

Ибраимге берильген сёз бутюн иманлыларгъа ляйыкъ

13 # Баш 17.4-6; Гал 3.16; Еуд 7.6 Алла Ибраимге ве онынъ эвлятларына бутюн дюньянынъ сабылары оладжакъларына сёз берди, амма Къанунны туткъанлары ичюн дегиль, иманынен инсафлы сайылгъанлары ичюндир. 14#Гал 3.17-18Эгер Къанунны туткъанларгъа сабы олмагъа мумкюн олса эди, иман бошуна олур эди, берильген сёзнинъ къувети де ёкъ олур эди. 15#Рим 7.7; 1 Кор 15.56; Гал 3.10Къанун тек Алланынъ джезасына ёл ача, къанун олмагъан ерде исе къануннынъ бозулувы да олмай. 16#Гал 3.22Шунынъ ичюн иман керек. Сонъра Алла эйилигини косьтерип, эпимизнинъ бабамыз Ибраимнинъ бутюн эвлятлары: тек Къанунны туткъанлар дегиль, Ибраим дайын иман эткенлер де, – мытлакъа Алланынъ вадеси беджериледжегини корерлер. 17#Баш 17.5; Юх 5.21Ибраим акъкъында бойле язылгъан эди: «Мен сени сайысыз халкъларнынъ бабасы-дедеси этеджегим». Бойлеликнен, Ибраим Аллагъа инанып, Онынъ огюнде бизим бабамыз олды. (Алла олюлерни тирильте ве олмагъан шейлерни сёзнен ярата!) 18#Баш 15.5Умют къалмагъанда, Ибраим ишанчнен иман этти ве йылдызлар сайысыз олгъаны киби, «сенинъ эвлятларынъ да бойле оладжакътыр» айтылгъанына коре чокътан-чокъ халкъларнынъ бабасы олды. 19#Баш 17.17; 18.11; Еуд 11.12Къарарнен юз яшында олгъанда, Ибраим озь бедени ве Саренинъ къурсагъы олю киби олгъаныны корип, иманы кучьсюз олмады. 20Ибраим Алланынъ сёзюнден шубеленмеди. Аксине, иманы онъа кучь берди, ве о, Аллагъа шукюр этти. 21Ибраим Алланынъ берген сёзни беджереджегине бутюнлей эмин эди. 22#Баш 15.6Шунынъ ичюн бу «инсафлыкъ деп сайылды». 23«Инсафлыкъ деп сайылды» сёзлери тек Ибраим акъкъында дегиль, 24-25#Мт 20.28; Рим 10.9; 1 Кор 9.9-10; 2 Кор 5.21; Гал 1.4бизлер акъкъында да, гуналарымыз ичюн олюмге берильген ве бизни акъламакъ ичюн тирильген Рабби Исаны тирильткен Аллагъа инангъанлар акъкъында язылгъан эди. Иманымыз да инсафлыкъ деп сайыладжакъ.

Currently Selected:

Римлилерге 4: CTB

Highlight

Copy

Compare