Римлилерге 2

Алланынъ адалетли укюми

1 # 2 Пад 12.5-7; Мт 7.2; Лк 6.37; Юх 8.7 Шунынъ ичюн, эгер сен башкъаларны суд этсенъ, ким олсанъ ол, озюнъни акъламакъ ичюн ич бир джевап берип оламайджакъсынъ. Башкъа адамны суд эткенде, сен укюм джезасыны озюнъе бересинъ. Башкъасыны суд этип, озюнъ де суд этильген ишлерни япасынъ! 2Билемиз ки, бойле ишлер япкъанларны Алла адалетнен суд этеджек. 3Бойле ишлерни суд этип, оларны озюнъ япсанъ, Алланынъ укюминден къуртулып оладжакъсынъмы, эй, адам? 4#2 Пётр 3.9, 15; Сыр 2.21Алланынъ сынъырсыз яхшылыгъы, мерамети ве буюк сабыры сизлер ичюн ич бир шей дегильми? Онынъ эйилиги сизни тёвбеге кетиреяткъаныны анъламайсынъызмы? 5#Якъ 5.3Мына, сен тёвбе этмейип, инат олатурсанъ, озюнъе дешетли джеза азырлайсынъ. Алла адалетнен бу дюньяны суд эткенде, бу джеза Алланынъ гъазабы куню санъа келеджек. 6#Икм 24.12О, эр кимни япкъанына коре такъдирлейджек. 7Яхшы ишлер эр вакъыт япып, шурет, урьмет ве эбедий яшайышны къыдыргъан адамларгъа эбедий омюрни береджек. 8Амма тек озюни тюшюнген, акъикъаткъа инанмагъан, акъсызлыкъкъа берильген адамларнынъ башына ачув ве гъазап тюшеджек. 9#Ехез 18.20; 1 Пётр 4.17; Рим 1.16Яманлыкъ япкъан эр бир адам, эм еудийлер, эм башкъа халкълар кедерни ве азапны къазанаджакъ. 10#Еш 57.19; 1 Пётр 1.7Яхшылыкъ япкъан эр бир адам исе, эм еудийлер, эм башкъа халкълар шуретни, урьмет ве тынчлыкъ-аманлыкъны къазанаджакъ. 11#Текр 10.17; Мт 22.16; Лк 20.21; Фаал 10.34Алла адамларны айырмай.

Къанун олгъаны суддан къорчаламай

12 # 1 Кор 9.21 Алланынъ Къануны берильмеген халкълар гуна япса, Къанундан четте гъайып оладжакълар. Къанун берильген халкълар гуна япса, Къанунгъа коре суд этиледжеклер. 13#Лк 11.28; Якъ 1.22-23Къанунны тек эшиткен адамлар Алланынъ огюнде акълы олмайджакъ, Къанунны беджергенлер акъланаджакълар. 14Къануны олмагъан халкълар Къанун буюргъан шейлерни озю-озюнден япсалар, Къанун оларгъа берильмеген олса да, озьлери Къануннынъ буюргъанларына коре яшайлар. 15#Йрм 31.33Бойлеликнен анълашыла ки, Къануннынъ буюргъанлары оларнынъ юреклеринде язылгъандыр. Виджданлары ве фикирлери оларны де къабаатлап де акълап, бунъа шаат олалар. 16#Джем 12.14Мен илян эткен Къуванчлы Хаберге коре, Алла адамларнынъ гизли ишлерини Иса Месих аркъалы суд этеджек куньде бойле оладжакъ.

Еудийлер ве Къанун

17 # Рим 3.27; 9.4-5 Мына, сизлер озюнъизге «еудий» дейсинъиз, Къанунгъа таянасынъыз, Алланен макътанып юресинъиз. 18Сиз Алланынъ истегини билесинъиз ве яхшыны айырмагъа Къанундан огрендинъиз, 19#Юх 9.40кёр адамларгъа ёл косьтергенинъизге ве къаранлыкъта къалгъанларгъа ярыкъ олгъанынъызгъа эминсинъиз. 20Къанундаки бильги ве акъикъатны анълап, насиаткъа мухтадж олгъанларны тербиелейсинъиз ве балаларны огретесинъиз. 21#Чыкъ 20.15; Мт 23.3Лякин башкъаларыны огретип, не ичюн озьлеринъиз огренмейсинъиз? «Хырсызлама», – деп, не ичюн озьлеринъиз хырсызлайсынъыз? 22#Чыкъ 20.14«Ороспулыкъ япма», – деп, не ичюн озьлеринъиз ороспулыкъ япасынъыз? Путларны кореджек козюнъиз олмайып, не ичюн путханелерни чайпап, шейлерини озьлеринъизге аласынъыз? 23Къануннен макътанып, не ичюн Къанунны бозасынъыз ве Аллагъа урьметсизлик косьтересинъиз? 24#Еш 52.5; Ехез 36.20Языда язылгъаны киби, башкъа халкълар Алланынъ Адыны сизлерден себеп яманлайлар.

25 # Гал 5.3 Сюннет тек Къанунны туткъан адамларгъа файда кетире. Амма эгер Къанунны тутмасанъыз, сюннет олмагъан адам киби оласынъыз. 26#Эф 2.11Шунынъ ичюн, эгер сюннет олмагъанлар Къанун буюргъан эмирлерини тутсалар, оларнынъ сюннет олмагъаны сюннет олгъаны киби къабул олунмазмы? 27#Мт 12.41; 2 Кор 3.6Сонъ сюннет олмагъан, амма Къанунны туткъанлар сизни, Къанун ве сюннет олгъан, амма оны тутмагъанларны суд этеджеклер. 28#Рим 9.6-8; 1 Кор 7.19Къыяфетине коре еудий олгъанлар даа акъикъий еудий дегиль, бедени сюннет этильген де даа акъикъий сюннет олгъан дегиль. 29#Текр 10.16; 30.6; Йрм 4.4; Эф 2.11; Флп 3.3; Кол 2.11; 2 Кор 10.18Акъикъий еудий – юрегинден еудий олгъан адамдыр. Акъикъий сюннет – адамнынъ юрегиндедир. Бу, язылы Къануннынъ дегиль, Рухнынъ ишидир. Бойле адам адамларнынъ дегиль, Алланынъ макътавыны къазаныр.

Currently Selected:

Римлилерге 2: CTB

Highlight

Copy

Compare