MALACHI 4
MARING-BSI

MALACHI 4

4
Umpuei Tlaini
1“Thilak, Meibomra meithlan chok'naksine, tangcha thimi raple heirou khril lhangaimak thimi rapya kangnungei tlaini khat hungeirouhui,” toubine Thangwan-Shimleiyei Pu Umpune shunlei; “heitoubi heiyei tlainirouri yayari yrungkhi heirou bankhi koulhuimakni namma kaangtlumyerrou. 2Heiya Keiyei minya chi-rikraine cha thimirap nanungeiri tharmu chimmei kinni, kna buldamna louh'le kalhonni kathukheirou; heirouri halshangrei malhetthutkur halshun rapni hakraone chunchakur heinaksine nakhi langthouni haraorouwa. 3Heirou Keine lhou heiwaya touthutkur tlainirouri, nane yekna lhangaimak thimi rapya naiyei hopangni tatmanuirouwa; heitoubi yarap heiri naiyei homairei rahui holchirouwa,” toubine Thangwan-Shimleiyei Pu Umpune shunlei.
4“Keine Israelrap namanung'tlim Horeb Lhungdoura Keiyei shok Moses'nung piwurkhou Keiyei chaytlouwei lammitrap heirou picharrei lammit rapya nane ningthutrou da.”
5 # Mt 17.11; Mk 9.12. “Thilak, Umpuei chi'kna heirou tangkur Tlaini hungthukbong maibongrou, Keine nanungei Thimkhui Elijah'ya yenmalhetpirou. 6#Lk 1.17. Heirou ane pawa rapbei ukningya yaiyei chanao rapnungei hollhakyerrou, heitoubi chanao rapbei ukningni yaiyei pawa rapnung hollhakyerbi, heitoubi ya khatle khat kringrilyerou; heinimanungri Keine naidoura tlaipangpal namma manchobi tlumyerrou.”

Maring Naga Bible - KHYINGEI PU'TLOU

Copyright © 2013 by The Bible Society of India
Used by permission. All rights reserved worldwide.

Learn More About KHYINGEI PU'TLOU (BSI)