TIMOTHY KÜRAO 3
3
Kühu Kukhwümi zho dzü
1Thüma kühopüri kühu kukhwümi yitho thinyiyo küzhomi mha kam küzho phuyo. 2Süla kühu kukhwümi pon mipon puthayi külhomi, pu cemi pülübikünemi mhakuhopü lüri uküthükürü küyimi puzho küvemi mu thümakümünumi, mi müsonyiyo küzhomi mu mi müthayi küsümi molizosu. 3Pu kümüzümi mori mi vünyi sayo küzhomi mode thüma kümüzimi molizo su: Pu mizü künyonyi sayo küzhomi mu süceraka mühoyokümomi molizo su. 4Puno putho pu celümi ri kükha münu zütayo küzhomi, puneko pori pükhri müprü de puzü züyo küzhomi molize 5Simode thüma kühopuri puthon pu celümi kükhayi semolize puno dipübide u Kümünupüh kühu küsü münuyi veta? 6Puno ko müthu tade Satan bi u Kümünupüh pon pu müzhoküva kümüprü la masami zohite. 7Sizomoli pun mithapüta mu Satan ratho lüno pumapü küta kümüprüla chozoumi mhuzülü ri thürho püyiyo küzhomi molizo su.
Dikonmi Zho Dzü
8Süsü bi Dikon shie thüma kümüzimi udzü müdayo kümomi, hezokranyi yo kümomi, kümüthu lüno mizü yinyio kümomi molizosu. 9Süko ulümüzi de kümülü dzü kümüsü sü poyo küzhomi molizo su. 10Sülizo thüma süko rüle küveküsu se mürayi de uko küzho di lize uko pon Dikon kam thiyite. 11Dikonpüko ri sübide uzhomüzi mu mitha mi mülüyo küzhomi moli mha kuhopülüri u küthükürüyo küzhomi mu küzüthomi molizo su. 12Dikonmi ri u nopüne pülübi küti mi, unune mu u celümiko kükhamünu sütayo küzhomi molizo su. 13Süsari Dikon thi münu küzhomi u kümülü ri neyi de Jisu Khrista cecho nkümülü thüpu küthi mamayi yo.
Dzü kümüsü küzhotho-o
14Eno nce voze küti lüde dzü hiko thopü nce sü züho. 15Eno bachota zori u Kümünupüh celü kübami uzho küdipü biyi molizosushi npon seba nyi. Ce süsü rhütayo küzho u Kümünupüh kuhu, küthoo kütüco mu punophuyo zo. 16Sülize mipu pori unanyilü dzü kümüsü mhase küzhotho sü yisü molikündizo. “Süsü thüma müvee no mi mhingo thivo, pu rüpü yolün puyisü matho zole küti seyi tüyo choyimi pungo, thüma lünyiko dolü no pu dzü popü mi müka: cejü hiyolü külhümi pu mülü, puzüde müso kevetho yolükhote”
Currently Selected:
TIMOTHY KÜRAO 3: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
TIMOTHY KÜRAO 3
3
Kühu Kukhwümi zho dzü
1Thüma kühopüri kühu kukhwümi yitho thinyiyo küzhomi mha kam küzho phuyo. 2Süla kühu kukhwümi pon mipon puthayi külhomi, pu cemi pülübikünemi mhakuhopü lüri uküthükürü küyimi puzho küvemi mu thümakümünumi, mi müsonyiyo küzhomi mu mi müthayi küsümi molizosu. 3Pu kümüzümi mori mi vünyi sayo küzhomi mode thüma kümüzimi molizo su: Pu mizü künyonyi sayo küzhomi mu süceraka mühoyokümomi molizo su. 4Puno putho pu celümi ri kükha münu zütayo küzhomi, puneko pori pükhri müprü de puzü züyo küzhomi molize 5Simode thüma kühopuri puthon pu celümi kükhayi semolize puno dipübide u Kümünupüh kühu küsü münuyi veta? 6Puno ko müthu tade Satan bi u Kümünupüh pon pu müzhoküva kümüprü la masami zohite. 7Sizomoli pun mithapüta mu Satan ratho lüno pumapü küta kümüprüla chozoumi mhuzülü ri thürho püyiyo küzhomi molizo su.
Dikonmi Zho Dzü
8Süsü bi Dikon shie thüma kümüzimi udzü müdayo kümomi, hezokranyi yo kümomi, kümüthu lüno mizü yinyio kümomi molizosu. 9Süko ulümüzi de kümülü dzü kümüsü sü poyo küzhomi molizo su. 10Sülizo thüma süko rüle küveküsu se mürayi de uko küzho di lize uko pon Dikon kam thiyite. 11Dikonpüko ri sübide uzhomüzi mu mitha mi mülüyo küzhomi moli mha kuhopülüri u küthükürüyo küzhomi mu küzüthomi molizo su. 12Dikonmi ri u nopüne pülübi küti mi, unune mu u celümiko kükhamünu sütayo küzhomi molizo su. 13Süsari Dikon thi münu küzhomi u kümülü ri neyi de Jisu Khrista cecho nkümülü thüpu küthi mamayi yo.
Dzü kümüsü küzhotho-o
14Eno nce voze küti lüde dzü hiko thopü nce sü züho. 15Eno bachota zori u Kümünupüh celü kübami uzho küdipü biyi molizosushi npon seba nyi. Ce süsü rhütayo küzho u Kümünupüh kuhu, küthoo kütüco mu punophuyo zo. 16Sülize mipu pori unanyilü dzü kümüsü mhase küzhotho sü yisü molikündizo. “Süsü thüma müvee no mi mhingo thivo, pu rüpü yolün puyisü matho zole küti seyi tüyo choyimi pungo, thüma lünyiko dolü no pu dzü popü mi müka: cejü hiyolü külhümi pu mülü, puzüde müso kevetho yolükhote”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.