Xefaniyas 1
1
1Nov yog cov lus uas tus TSWV hais rau Xefaniyas ntu uas Amoos tus tub Yauxiyas ua vajntxwv kav tebchaws Yudas. (Xefaniyas yog cajces los ntawm Vajntxwv Hexekiyas, Amaliyas, Nkedaliyas, thiab Khusis.) #2Vaj 22:1—23:30; 2Xwm 34:1—35:27
Hnub Uas Tus TSWV Txiavtxim
2Tus TSWV hais tias, “Kuv yuav rhuav txhua yam uas nyob hauv lub ntiajteb kom puastsuaj mus, 3tsis hais neeg, tsiajtxhu, noog thiab ntses huv tibsi. Kuv yuav muab cov neeg ua phem ua qias rhuav kom piamsij#1:3: Phau no peb hais tias Kuv yuav muab cov neeg ua phem ua qias rhuav kom piamsij; phau lus Henplais hais tias ua kom lawv dawm. tag. Kuv yuav rhuav txhua haivneeg kom puastsuaj tag tsis tseg ib tug li. Kuv yog tus TSWV uas hais tej lus no.
4“Kuv yuav rautxim rau cov neeg hauv Yeluxalees thiab tagnrho cov hauv Yudas. Kuv yuav muab tej qub chaw uas luag pe Npa-as rhuav kom puastsuaj tag mus thiab yuav tsis muaj leejtwg nco tau cov povthawj hlob uas tiam Npa-as li lawm. 5Kuv yuav muab txhua tus neeg uas nce mus rau saum rutsev, txheej tsev lastshav, thiab pe lub hnub, lub hli, thiab tej hnubqub, rhuav kom puastsuaj tag. Kuv tseem yuav muab cov neeg uas pehawm Kuv thiab muab lub siab npuab Kuv tiamsis ho tuav tus nyuag vajtswv Maulej lub npe coglus, ua kom puastsuaj huv tibsi. 6Kuv yuav muab txhua tus neeg uas tso Kuv tseg, tsis caum Kuv qab, thiab tsis los cuag Kuv lossis tsis thov Kuv ua tus coj lawv, rhuav kom puastsuaj tag huv tibsi.”
7Hnub uas tus TSWV yuav zaum ntawm Nws lub zwmtxwv txiavtxim twb los ze lawm; yogli ntawd, nej ciali nyob twjywm ntawm Nws xubntiag. Tus TSWV tabtom npaj Nws haivneeg mus ua khoom fij thiab twb caw lawv cov yeebncuab tuaj muab lawv tua lawm. 8Tus TSWV hais tias, “Txog hnub uas tua, Kuv yuav rautxim rau cov nomtswv, vajntxwv cov tub, thiab txhua tus uas mus xyaum coj lwm haivneeg tej kevcai. 9Kuv yuav rautxim rau txhua tus uas pe dab, ua tubsab thiab mus tua neeg huab luag tej khoom nqa los tso puvnkaus hauv lawv tus nyuag tswv lub tsev.”#1:9: lawv tus nyuag tswv lub tsev; lossis lawv tus nyuag vajtswv lub tuamtsev.
10Tus TSWV hais tias, “Thaum txog hnub ntawd, nej yuav hnov lub suab quaj ntawm lub Roojvag Ntses hauv lub nroog Yeluxalees tuaj. Nej yuav hnov tej suab quaj ntsoogqees ntawm lub nroog txuas tshiab thiab hnov tej suab sibtsoo nrov qeeg nkaws saum tej povroob tuaj. 11Nej cov uas nyob theem qis ntawm lub nroog, nej ciali quajntsuag thaum nej hnov tej no, rauqhov txhua tus tublag tubluam yuav puastsuaj tag huvsi!
12“Thaum ntawd Kuv yuav taws teeb mus tshawb nrhiav lub nroog Yeluxalees. Kuv yuav rautxim rau cov neeg uas txaussiab thiab ciasiab rau lawv tuskheej; cov uas lawv xav hauv lawv lub siab hais tias, ‘Tus TSWV yeej tsis ua zoo lossis tsis ua phem rau peb li!’ 13Lawv tej nyiaj yuav raug luag huab thiab lawv tej vajtse yuav raug rhuav kom puastsuaj tag. Lawv yuav tsis tau nyob hauv tej tsev uas lawv ua lossis yuav tsis tau haus tej cawv txivhmab uas lawv cog.”
14Hnub tseemceeb uas yog tus TSWV hnub twb los ze lawm— ze heev thiab los ceev kawg li! Hnub ntawd yuav iabsiab kawg nkaus, txawm yog #1:14: Hnub ntawd … txawm yog; lossis Ua tibzoo mloog! Hnub uas txhawj-ntshai ntawd tabtom los lawm, txawm yog. tej tubrog uas siab tawv los yuav ciali tsa suab hlo quaj thiab tag kev ciasiab! 15Hnub ntawd yuav yog ib hnub uas muaj kev npautaws heev, yog ib hnub uas muaj kev txomnyem thiab ntxhovsiab, yog ib hnub uas muaj kev piamsij puasntsoog, yog ib hnub uas tsausntuj dubnciab, yog ib hnub uas pos huab thiab tsaus nti, 16yog ib hnub uas hnov cov tubrog tej suab raj suab xyu, thiab hnov tej suab sibntaus sibtua quaj ntsoogqees hauv tej nroog uas txhim zeb khovkho thiab saum tej chaw tsomfaj tuaj.
17Tus TSWV hais tias, “Kuv yuav tso subtawg subntsha los rau tibneeg kom txhua tus mus kev yam li tus digmuag. Vim lawv tau ua txhaum tawmtsam Kuv, mas nimno lawv cov ntshav yuav raug nchuav tawm yam nkaus li nchuav dej, thiab lawv tej cev tuag yuav lwj pawglug rau hauv av.”
18Thaum txog hnub ntawd, tus TSWV yuav qhia Nws txoj kev chim rau sawvdaws; txawm yog lawv tej nyiaj tej kub los yuav cawm tsis tau lawv. Nws txoj kev chim yuav hlawv lub ntiajteb kom puastsuaj mus. Nws yuav rhuav kom txhua tus uas nyob hauv lub ntiajteb no puastsuaj kiag mus.
Currently Selected:
Xefaniyas 1: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
