Nahus 3
3
1Kev puastsuaj yuav los raug lub nroog uas muaj txoj kev dag, kev tua neeg,
puvnpo kev npluanuj, uas yog mus txhav thiab huab los xwb.
2Ciali mloog nawb! Tej suab nplawm nees,
tej suab tsheb nees nrov dig dawg,
tej suab nees khiav tsosas ntws,
thiab tej suab tsheb nees uarog qeeg nkaws!
3Cov neeg uas caij nees khiav tuaj,
tej ntaj thiab tej hmuv ci nplas!
Neeg tuag sib tsub sib nias ua tsheej pawg;
neeg tuag suav tsis txheeb,
neeg tseem dawm cov tuag ntawd thiab!
4Nineves, uas yog tus niamntiav tabtom mag rautxim.
Tus pojniam uas ntxim nyiam thiab puvnpo txoj kev zoonkauj uas tua tau tibneeg,
nws ua khawvkoob rau ntau haivneeg thiab coj lawv los ua nws qhev.#3:4: coj lawv los ua nws qhev lossis dag-ntxias lawv.
5Tus TSWV uas muaj Hwjchim Loj Kawg Nkaus hais tias,
“Nineves, Kuv yuav rautxim rau koj!
Kuv yuav muab koj daim tiab los npog koj lub ntsejmuag
thiab cia txhua haivneeg ntsia koj liabqab,
luag yuav pom koj tej chaw txajmuag.
6Kuv yuav saib koj tsis muajnqis
thiab muab txoj kev phem kev qias los qhwv koj.
Tej neeg uas pom koj yuav luag koj plig.
7Txhua tus uas pom koj yuav fee rau lwmqhov;
Lawv yuav hais tias, ‘Nineves raug puastsuaj lawm lau!
Leejtwg thiaj yuav hlub tshua txog nws?
Leejtwg thiaj yuav mus nplig nws siab?’ ”
8Nineves, koj tseem zoo tshaj Thenpes, uas yog Iziv lub tuamceeb nroog thiab lov? Nws kuj muaj ib tug dej thaiv nws ib yam li tus ntsayeej—tus Dej Nais yog tus uas thaiv nws. 9Nws kav tebchaws Itiupias#3:9 Phau lus Henplais hais tias Khuses: Khuses yog ib lub npe thaum ub uas nyob rau ib cheebtsam qabteb ntawm tus Dej Nais. Cheebtsam no, nyob rau tiam thaum nomtswv Loos kav tebchaws, yog hu ua Itiupias, uas tus ciam yog los ti nkaus rau tebchaws Xudas thiab tiam nimno hu ua Itiupias. thiab tebchaws Iziv. Nws lub hwjchim yeej tsis muaj qhov kawg li; Phuj thiab Linpias yog ib lub tebchaws uas koomtes nrog nws thiab. 10Txawm li ntawd los cov neeg hauv lub nroog Thenpes tau raug luag ntes coj mus lawm. Lawv tej menyuam raug luag ntaus tuag nyob rau txhua txojkev. Luag muab saw hlau khi lawv tej thawjcoj thiab muab rau cov neeg uas tuaj ntes tau lawv ntawd rho ntawv thiab muab lawv cab mus.
11Nineves, koj yuav vau ib yam li tus neeg qaugcawv! Koj yuav nrhiav kev khiav kom dim ntawm koj cov yeebncuab. 12Koj tej ntsayeej uas ruaj-khov yuav zoo li tej ntoo txiv ncuavpias uas cov txiv siav lawm: tuav tsob ntoo co ces tej txiv poob los nkag koj qhovncauj xwb! 13koj tej tubrog yuav tsis muajzog thiab pab tsis tau koj yam li tej pojniam; koj lub tebchaws yuav tivthaiv tsis yeej koj tej yeebncuab. Hluavtaws yuav kub koj tej las roojloog huv tibsi. 14Ciali mus nqa dej los npaj cia, vim luag yuav tuaj vij koj. Npaj koj cov ntsayeej uas ruaj-khov kom khov dua qub ntxiv! Ciali tuav av nplaum los puab ua thwvcib, thiab muab tej thwvcib ntawd hlawv kom tawv. 15Txawm yog koj yuav ua licas los xij, koj yuav raug hlawv kubhnyiab tuag lossis raug tua tuag los ntawm hniav ntaj. Koj yuav raug kev puastsuaj zoo yam li tej qoobloo uas kooj txomfav muab noj tag du lug.
Koj tau huamvam coob yam li kooj txomfav! 16Koj tej tublag tubluam tseem ntau tshaj tej hnubqub saum nruabntug! Tiamsis nimno lawv ploj tag, yam li tej kooj txomfav uas tau nthuav tis ya tag lawm. 17Koj cov nomtswv zoo yam tej kooj txomfav uas los nyob ntawm tej phabntsa tej hnub uas no-no. Tiamsis thaum lub hnub tawm tuaj lawm, lawv ya khiav tag, tsis muaj leejtwg paub xyov lawv ya mus rau qhovtwg lawm!
18Tus Huabtais uas kav tebchaws Axilias, koj cov tswvxeev tuag tas, thiab koj cov nomtswv loj yuav tsaugzog mus ibtxhis! Koj cov pejxeem khiav uasab uasua mus rau saum tej roob; yuav tsis muaj leejtwg coj lawv rovqab los tsev li lawm. 19Tsis muaj tshuaj kho koj tej qhovtxhab, thiab koj tej qhovtxhab los yuav tsis txawj zoo. Txhua tus uas hnov txog koj tej kev puastsuaj, yuav luag npuajtes zoosiab heev. Puas muaj leejtwg khiav dim koj txojkev ua limhiam uas tsis paub kawg li?
Currently Selected:
Nahus 3: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Nahus 3
3
1Kev puastsuaj yuav los raug lub nroog uas muaj txoj kev dag, kev tua neeg,
puvnpo kev npluanuj, uas yog mus txhav thiab huab los xwb.
2Ciali mloog nawb! Tej suab nplawm nees,
tej suab tsheb nees nrov dig dawg,
tej suab nees khiav tsosas ntws,
thiab tej suab tsheb nees uarog qeeg nkaws!
3Cov neeg uas caij nees khiav tuaj,
tej ntaj thiab tej hmuv ci nplas!
Neeg tuag sib tsub sib nias ua tsheej pawg;
neeg tuag suav tsis txheeb,
neeg tseem dawm cov tuag ntawd thiab!
4Nineves, uas yog tus niamntiav tabtom mag rautxim.
Tus pojniam uas ntxim nyiam thiab puvnpo txoj kev zoonkauj uas tua tau tibneeg,
nws ua khawvkoob rau ntau haivneeg thiab coj lawv los ua nws qhev.#3:4: coj lawv los ua nws qhev lossis dag-ntxias lawv.
5Tus TSWV uas muaj Hwjchim Loj Kawg Nkaus hais tias,
“Nineves, Kuv yuav rautxim rau koj!
Kuv yuav muab koj daim tiab los npog koj lub ntsejmuag
thiab cia txhua haivneeg ntsia koj liabqab,
luag yuav pom koj tej chaw txajmuag.
6Kuv yuav saib koj tsis muajnqis
thiab muab txoj kev phem kev qias los qhwv koj.
Tej neeg uas pom koj yuav luag koj plig.
7Txhua tus uas pom koj yuav fee rau lwmqhov;
Lawv yuav hais tias, ‘Nineves raug puastsuaj lawm lau!
Leejtwg thiaj yuav hlub tshua txog nws?
Leejtwg thiaj yuav mus nplig nws siab?’ ”
8Nineves, koj tseem zoo tshaj Thenpes, uas yog Iziv lub tuamceeb nroog thiab lov? Nws kuj muaj ib tug dej thaiv nws ib yam li tus ntsayeej—tus Dej Nais yog tus uas thaiv nws. 9Nws kav tebchaws Itiupias#3:9 Phau lus Henplais hais tias Khuses: Khuses yog ib lub npe thaum ub uas nyob rau ib cheebtsam qabteb ntawm tus Dej Nais. Cheebtsam no, nyob rau tiam thaum nomtswv Loos kav tebchaws, yog hu ua Itiupias, uas tus ciam yog los ti nkaus rau tebchaws Xudas thiab tiam nimno hu ua Itiupias. thiab tebchaws Iziv. Nws lub hwjchim yeej tsis muaj qhov kawg li; Phuj thiab Linpias yog ib lub tebchaws uas koomtes nrog nws thiab. 10Txawm li ntawd los cov neeg hauv lub nroog Thenpes tau raug luag ntes coj mus lawm. Lawv tej menyuam raug luag ntaus tuag nyob rau txhua txojkev. Luag muab saw hlau khi lawv tej thawjcoj thiab muab rau cov neeg uas tuaj ntes tau lawv ntawd rho ntawv thiab muab lawv cab mus.
11Nineves, koj yuav vau ib yam li tus neeg qaugcawv! Koj yuav nrhiav kev khiav kom dim ntawm koj cov yeebncuab. 12Koj tej ntsayeej uas ruaj-khov yuav zoo li tej ntoo txiv ncuavpias uas cov txiv siav lawm: tuav tsob ntoo co ces tej txiv poob los nkag koj qhovncauj xwb! 13koj tej tubrog yuav tsis muajzog thiab pab tsis tau koj yam li tej pojniam; koj lub tebchaws yuav tivthaiv tsis yeej koj tej yeebncuab. Hluavtaws yuav kub koj tej las roojloog huv tibsi. 14Ciali mus nqa dej los npaj cia, vim luag yuav tuaj vij koj. Npaj koj cov ntsayeej uas ruaj-khov kom khov dua qub ntxiv! Ciali tuav av nplaum los puab ua thwvcib, thiab muab tej thwvcib ntawd hlawv kom tawv. 15Txawm yog koj yuav ua licas los xij, koj yuav raug hlawv kubhnyiab tuag lossis raug tua tuag los ntawm hniav ntaj. Koj yuav raug kev puastsuaj zoo yam li tej qoobloo uas kooj txomfav muab noj tag du lug.
Koj tau huamvam coob yam li kooj txomfav! 16Koj tej tublag tubluam tseem ntau tshaj tej hnubqub saum nruabntug! Tiamsis nimno lawv ploj tag, yam li tej kooj txomfav uas tau nthuav tis ya tag lawm. 17Koj cov nomtswv zoo yam tej kooj txomfav uas los nyob ntawm tej phabntsa tej hnub uas no-no. Tiamsis thaum lub hnub tawm tuaj lawm, lawv ya khiav tag, tsis muaj leejtwg paub xyov lawv ya mus rau qhovtwg lawm!
18Tus Huabtais uas kav tebchaws Axilias, koj cov tswvxeev tuag tas, thiab koj cov nomtswv loj yuav tsaugzog mus ibtxhis! Koj cov pejxeem khiav uasab uasua mus rau saum tej roob; yuav tsis muaj leejtwg coj lawv rovqab los tsev li lawm. 19Tsis muaj tshuaj kho koj tej qhovtxhab, thiab koj tej qhovtxhab los yuav tsis txawj zoo. Txhua tus uas hnov txog koj tej kev puastsuaj, yuav luag npuajtes zoosiab heev. Puas muaj leejtwg khiav dim koj txojkev ua limhiam uas tsis paub kawg li?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.