Khiav Dim 23
23
Hais Txog Kev Ua Ncajncees Rau Txhua Tus
1“Tsis txhob xyav tej zaj uas tsis tseeb rau nraum toj nraum pes, thiab tsis txhob ua timkhawv cuav pab tus neeg txhaum. #Khiav 20:16; Levi 19:11-12; 2Kev 5:20 2Tsis txhob mus nrog cov neeg feem coob ua phem, lossis nrog lawv ntxeev txoj kev ncajncees. 3Tsis txhob lam tuaj tus neeg pluag tog thaum mus hais nws rooj plaub. #Levi 19:15
4“Yog koj mus pom koj tus yeebncuab tus nyuj lossis tus neesluav uas ploj lawm, koj ciali cab kiag rovqab los rau nws. 5Yog koj mus pom tus neeg uas ntxub koj tus neesluav ntog vim thauj nra hnyav, koj ciali mus pab nws tsa tus neesluav ntawd sawv, tsis txhob dhau mus. #2Kev 22:1-4
6“Tsis txhob txiavtxim tsis ncaj rau tus neeg pluag thaum nws tuaj rau hauv tsev tu plaub. 7Tsis txhob liam tej yam tsis tseeb rau lwmtus, thiab tsis txhob muab tus neeg dawbhuv tua povtseg, rauqhov Kuv yuav rautxim rau txhua tus uas ua phem li ntawd. 8Tsis txhob txais luag tej nyiaj xiab, rauqhov tej nyiaj xiab ntawd ua rau neeg qhovmuag dig, ces ciali tsis pom qhov uas yog thiab ntxeev cov neeg ncajncees txojcai. #Levi 19:15; 2Kev 16:19
9“Tsis txhob caijtsuj cov neeg poob tebchaws; nej yeej paub tias ua neeg txawv tebchaws zoo licas, rauqhov nej twb ua neeg txawv tebchaws nyob rau hauv tebchaws Iziv los lawm. #Khiav 22:21; Levi 19:33-34; 2Kev 24:17-18; 27:19
Xyoo Thib Xya Thiab Hnub Thib Xya
10“Nej muab rau xyoo los cog qoob cog loo thiab sau nej tej qoobloo hauv nej tej teb. 11Tiamsis xyoo thib xya cia tej teb tau so, thiab tsis txhob sau ib yam dabtsi uas tuaj hauv nej tej teb ntawd li. Cov neeg pluag yuav noj tej uas tuaj hauv tej teb ntawd, thiab tej tsiaj qus yuav noj tej uas seem nyob rau hauv. Nej tej vaj txivhmab thiab nej tej txiv ntoo-roj los ua ib yam li ntawd. #Levi 25:1-7
12“Nej ua nej tej haujlwm rau hnub, tiamsis nej tsis txhob ua haujlwm rau hnub thib xya, kom nej tej tubqhe thiab cov neeg txawv tebchaws uas ua haujlwm rau nej thiab nej tej tsiaj thiaj tau so lossiav. #Khiav 20:9-11; 31:15; 34:21; 35:2; Levi 23:3; 2Kev 5:13-14
13“Ncontsoov txhua yam uas Kuv, uas yog tus TSWV, hais rau nej lawm. Tsis txhob thov txog lwmtus nyuag vajtswv li; thiab tsis txhob hais txog lawv tej npe hlo li.
Ib Xyoos Ua Peb Zaug Kevcai
(Khiav Dim 34:18-26; 2 Kevcai 16:1-17)
14“Yuavtsum ua kevcai uatsaug rau Kuv ib xyoos twg peb zaug. 15Lub hli Anpis, yog lub hli uas nej tawm hauv tebchaws Iziv los, yogli ntawd, nej ciali ua Kevcai noj Ncuav Tsis Xyaw Keeb rawsli Kuv tau xaaj tseg rau nej lawm. Xya hnub uas nej ua kevcai ntawd nej tsis txhob noj tej ncuav xyaw keeb hlo li. Nej tsis txhob tuaj pehawm Kuv tes dawb tes npliag. #Khiav 12:14-20; Levi 23:6-8; Teev 28:17-25
16“Ua Kevcai Sau Qoobloo rau thaum lub caij uas nej pib saum nej tej qoob.
“Ua Kevcai Nyob Tsev Pheebsuab rau lub caij nplooj ntoos zeeg, uas yog thaum nej sau nej tej txivhmab txivntoo hauv nej tej vaj. #Levi 23:15-21; Teev 28:26-31; Levi 23:39-43
17“Txhua xyoo nyob rau peb zaug uas nej ua cov kevcai no, nej cov txivneej yuavtsum tuaj pehawm Kuv, uas yog tus TSWV, nej tus Vajtswv.
18“Thaum nej muab tsiaj tua hlawv fij rau Kuv ntawd, tsis txhob muab cov ncuav uas xyaw keeb fij rau Kuv. Cov npluag roj ntawm cov tsiaj uas muab tua fij rau Kuv thaum nej ua cov kevcai no, tsis pub seem mus txog tagkis sawvntxov li.
19“Txhua xyoo nej yuavtsum coj tej qoobloo uas nej xub sau tau los tuaj fij rau hauv tus TSWV, uas yog nej tus Vajtswv lub tuamtsev.
“Tsis txhob muab menyuam yaj lossis menyuam tshis cov nqaij hau rau hauv nws niam cov kua mis. #2Kev 26:2; Khiav 34:26; 2Kev 14:21
Tej Lus Cogtseg Thiab Tej Lus Piav Qhia
20“Kuv yuav txib ib tug timtswv ua nej ntej, tsomkwm nej thaum nej tabtom taug kev thiab nws yuav coj nej mus kom txog qhov chaw uas Kuv twb tau npaj tseg rau nej lawm. 21Nej yuavtsum mloog nws lus thiab hwm nws. Tsis txhob ntxeevsiab tawmtsam nws, rauqhov Kuv yog tus tso nws los, mas nws yuav tsis zamtxim rau txoj kev ntxeevsiab ntawd. 22Tiamsis yog nej hwm nws thiab ua rawsli Kuv xaaj, Kuv yuav tawmtsam nej tej yeebncuab. 23Kuv tus timtswv yuav mus ua nej ntej thiab coj nej mus kom txog hauv lub tebchaws uas cov Amaules, cov Hitis, cov Pelixes, cov Kana-as, cov Hivis, thiab cov Yenpus nyob, thiab Kuv yuav ua kom lawv puastsuaj tag.
24“Nej tsis txhob pehawm lawv tej nyuag vajtswv hlo li, thiab tsis txhob mus xyaum coj lawv tej kevcai, tiamsis ciali muab lawv tej nyuag vajtswv ntawd rhuav povtseg thiab muab lawv tej ncej zeb uas muaj hwjchim tsoo kom ntsoog tag povtseg. 25Yog nej pehawm Kuv, uas yog tus TSWV, nej tus Vajtswv, Kuv yuav foom koobhmoov kom nej muaj noj muaj haus nplua-mias thiab yuav tshem nej tej kab mob kev nkeeg mus huv tibsi. 26Nyob hauv nej lub tebchaws, nej cov pojniam yuav tsis nchuav menyuam lossis lam ciali tshob tsis muaj tub muaj ki li. Kuv yuav pub kom nej muaj sia nyob ntev.
27“Kuv yuav ua rau cov neeg uas tawmtsam nej ntshai Kuv; Kuv yuav coj kev ntxhovsiab los rau cov neeg uas nej yuav mus tawmtsam, thiab Kuv yuav ua kom nej cov yeebncuab khiav tawm ntawm nej mus. 28Kuv yuav ua kom nej cov yeebncuab yoob tag;#23:28: Kuv yuav … yoob tag; lossis Kuv yuav tso nkawj los plev nej cov yeebncuab. Kuv yuav raws cov Hivis, cov Kana-as, thiab cov Hitis kom khiav uantej nej mus txog. 29Kuv yuav tsis raws lawv khiav kom tag hauv ib lub xyoos. Yog Kuv ua li ntawd, lub tebchaws yuav ciaj nrojtsuag thiab yuav muaj tsiaj qus coob heev. 30Kuv yuav raws lawv tawm zujzus mus txog thaum nej huamvam coob, mamli muab hlo lub tebchaws rau nej.
31“Kuv yuav tu ciam rau nej lub tebchaws pib kiag ntawm ceg Hiavtxwv Liab mus txog ntua ntawm Hiavtxwv Meditelanees, thiab pib kiag ntawm tiaj suabpuam mus txog ntua ntawm tus Dej Yufatis. Kuv yuav muab hwjchim rau nej raws cov neeg uas nyob hauv lub tebchaws ntawd kom khiav uantej uas nej mus nyob. 32Nej tsis txhob mus nrog lawv coglus rau ib yam dabtsi lossis coglus rau lawv tej nyuag vajtswv hlo li. 33Tsis txhob cia cov neeg ntawd nrog nej nyob hauv nej lub tebchaws; yog nej cia lawv nrog nej nyob, lawv yuav coj nej mus ua txhaum tawmtsam Kuv. Yog nej mus pehawm lawv tej nyuag vajtswv, qhov ntawd yuav yog ib rooj ntxiab uas tais nej ntag.”
Currently Selected:
Khiav Dim 23: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 23
23
Hais Txog Kev Ua Ncajncees Rau Txhua Tus
1“Tsis txhob xyav tej zaj uas tsis tseeb rau nraum toj nraum pes, thiab tsis txhob ua timkhawv cuav pab tus neeg txhaum. #Khiav 20:16; Levi 19:11-12; 2Kev 5:20 2Tsis txhob mus nrog cov neeg feem coob ua phem, lossis nrog lawv ntxeev txoj kev ncajncees. 3Tsis txhob lam tuaj tus neeg pluag tog thaum mus hais nws rooj plaub. #Levi 19:15
4“Yog koj mus pom koj tus yeebncuab tus nyuj lossis tus neesluav uas ploj lawm, koj ciali cab kiag rovqab los rau nws. 5Yog koj mus pom tus neeg uas ntxub koj tus neesluav ntog vim thauj nra hnyav, koj ciali mus pab nws tsa tus neesluav ntawd sawv, tsis txhob dhau mus. #2Kev 22:1-4
6“Tsis txhob txiavtxim tsis ncaj rau tus neeg pluag thaum nws tuaj rau hauv tsev tu plaub. 7Tsis txhob liam tej yam tsis tseeb rau lwmtus, thiab tsis txhob muab tus neeg dawbhuv tua povtseg, rauqhov Kuv yuav rautxim rau txhua tus uas ua phem li ntawd. 8Tsis txhob txais luag tej nyiaj xiab, rauqhov tej nyiaj xiab ntawd ua rau neeg qhovmuag dig, ces ciali tsis pom qhov uas yog thiab ntxeev cov neeg ncajncees txojcai. #Levi 19:15; 2Kev 16:19
9“Tsis txhob caijtsuj cov neeg poob tebchaws; nej yeej paub tias ua neeg txawv tebchaws zoo licas, rauqhov nej twb ua neeg txawv tebchaws nyob rau hauv tebchaws Iziv los lawm. #Khiav 22:21; Levi 19:33-34; 2Kev 24:17-18; 27:19
Xyoo Thib Xya Thiab Hnub Thib Xya
10“Nej muab rau xyoo los cog qoob cog loo thiab sau nej tej qoobloo hauv nej tej teb. 11Tiamsis xyoo thib xya cia tej teb tau so, thiab tsis txhob sau ib yam dabtsi uas tuaj hauv nej tej teb ntawd li. Cov neeg pluag yuav noj tej uas tuaj hauv tej teb ntawd, thiab tej tsiaj qus yuav noj tej uas seem nyob rau hauv. Nej tej vaj txivhmab thiab nej tej txiv ntoo-roj los ua ib yam li ntawd. #Levi 25:1-7
12“Nej ua nej tej haujlwm rau hnub, tiamsis nej tsis txhob ua haujlwm rau hnub thib xya, kom nej tej tubqhe thiab cov neeg txawv tebchaws uas ua haujlwm rau nej thiab nej tej tsiaj thiaj tau so lossiav. #Khiav 20:9-11; 31:15; 34:21; 35:2; Levi 23:3; 2Kev 5:13-14
13“Ncontsoov txhua yam uas Kuv, uas yog tus TSWV, hais rau nej lawm. Tsis txhob thov txog lwmtus nyuag vajtswv li; thiab tsis txhob hais txog lawv tej npe hlo li.
Ib Xyoos Ua Peb Zaug Kevcai
(Khiav Dim 34:18-26; 2 Kevcai 16:1-17)
14“Yuavtsum ua kevcai uatsaug rau Kuv ib xyoos twg peb zaug. 15Lub hli Anpis, yog lub hli uas nej tawm hauv tebchaws Iziv los, yogli ntawd, nej ciali ua Kevcai noj Ncuav Tsis Xyaw Keeb rawsli Kuv tau xaaj tseg rau nej lawm. Xya hnub uas nej ua kevcai ntawd nej tsis txhob noj tej ncuav xyaw keeb hlo li. Nej tsis txhob tuaj pehawm Kuv tes dawb tes npliag. #Khiav 12:14-20; Levi 23:6-8; Teev 28:17-25
16“Ua Kevcai Sau Qoobloo rau thaum lub caij uas nej pib saum nej tej qoob.
“Ua Kevcai Nyob Tsev Pheebsuab rau lub caij nplooj ntoos zeeg, uas yog thaum nej sau nej tej txivhmab txivntoo hauv nej tej vaj. #Levi 23:15-21; Teev 28:26-31; Levi 23:39-43
17“Txhua xyoo nyob rau peb zaug uas nej ua cov kevcai no, nej cov txivneej yuavtsum tuaj pehawm Kuv, uas yog tus TSWV, nej tus Vajtswv.
18“Thaum nej muab tsiaj tua hlawv fij rau Kuv ntawd, tsis txhob muab cov ncuav uas xyaw keeb fij rau Kuv. Cov npluag roj ntawm cov tsiaj uas muab tua fij rau Kuv thaum nej ua cov kevcai no, tsis pub seem mus txog tagkis sawvntxov li.
19“Txhua xyoo nej yuavtsum coj tej qoobloo uas nej xub sau tau los tuaj fij rau hauv tus TSWV, uas yog nej tus Vajtswv lub tuamtsev.
“Tsis txhob muab menyuam yaj lossis menyuam tshis cov nqaij hau rau hauv nws niam cov kua mis. #2Kev 26:2; Khiav 34:26; 2Kev 14:21
Tej Lus Cogtseg Thiab Tej Lus Piav Qhia
20“Kuv yuav txib ib tug timtswv ua nej ntej, tsomkwm nej thaum nej tabtom taug kev thiab nws yuav coj nej mus kom txog qhov chaw uas Kuv twb tau npaj tseg rau nej lawm. 21Nej yuavtsum mloog nws lus thiab hwm nws. Tsis txhob ntxeevsiab tawmtsam nws, rauqhov Kuv yog tus tso nws los, mas nws yuav tsis zamtxim rau txoj kev ntxeevsiab ntawd. 22Tiamsis yog nej hwm nws thiab ua rawsli Kuv xaaj, Kuv yuav tawmtsam nej tej yeebncuab. 23Kuv tus timtswv yuav mus ua nej ntej thiab coj nej mus kom txog hauv lub tebchaws uas cov Amaules, cov Hitis, cov Pelixes, cov Kana-as, cov Hivis, thiab cov Yenpus nyob, thiab Kuv yuav ua kom lawv puastsuaj tag.
24“Nej tsis txhob pehawm lawv tej nyuag vajtswv hlo li, thiab tsis txhob mus xyaum coj lawv tej kevcai, tiamsis ciali muab lawv tej nyuag vajtswv ntawd rhuav povtseg thiab muab lawv tej ncej zeb uas muaj hwjchim tsoo kom ntsoog tag povtseg. 25Yog nej pehawm Kuv, uas yog tus TSWV, nej tus Vajtswv, Kuv yuav foom koobhmoov kom nej muaj noj muaj haus nplua-mias thiab yuav tshem nej tej kab mob kev nkeeg mus huv tibsi. 26Nyob hauv nej lub tebchaws, nej cov pojniam yuav tsis nchuav menyuam lossis lam ciali tshob tsis muaj tub muaj ki li. Kuv yuav pub kom nej muaj sia nyob ntev.
27“Kuv yuav ua rau cov neeg uas tawmtsam nej ntshai Kuv; Kuv yuav coj kev ntxhovsiab los rau cov neeg uas nej yuav mus tawmtsam, thiab Kuv yuav ua kom nej cov yeebncuab khiav tawm ntawm nej mus. 28Kuv yuav ua kom nej cov yeebncuab yoob tag;#23:28: Kuv yuav … yoob tag; lossis Kuv yuav tso nkawj los plev nej cov yeebncuab. Kuv yuav raws cov Hivis, cov Kana-as, thiab cov Hitis kom khiav uantej nej mus txog. 29Kuv yuav tsis raws lawv khiav kom tag hauv ib lub xyoos. Yog Kuv ua li ntawd, lub tebchaws yuav ciaj nrojtsuag thiab yuav muaj tsiaj qus coob heev. 30Kuv yuav raws lawv tawm zujzus mus txog thaum nej huamvam coob, mamli muab hlo lub tebchaws rau nej.
31“Kuv yuav tu ciam rau nej lub tebchaws pib kiag ntawm ceg Hiavtxwv Liab mus txog ntua ntawm Hiavtxwv Meditelanees, thiab pib kiag ntawm tiaj suabpuam mus txog ntua ntawm tus Dej Yufatis. Kuv yuav muab hwjchim rau nej raws cov neeg uas nyob hauv lub tebchaws ntawd kom khiav uantej uas nej mus nyob. 32Nej tsis txhob mus nrog lawv coglus rau ib yam dabtsi lossis coglus rau lawv tej nyuag vajtswv hlo li. 33Tsis txhob cia cov neeg ntawd nrog nej nyob hauv nej lub tebchaws; yog nej cia lawv nrog nej nyob, lawv yuav coj nej mus ua txhaum tawmtsam Kuv. Yog nej mus pehawm lawv tej nyuag vajtswv, qhov ntawd yuav yog ib rooj ntxiab uas tais nej ntag.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.