2 Gaolliqthu 6
6
1Nv juq Miqyail nee mail teevq gaq khe-ai ganl nl nail ngaol. Al heel ngel-i mail, nv juq nul juq bhai niail hai hal nail ngaol. Nul juq Miqyail nail geeqlaoq eel jaol bhai hav bhoel-a nail al aqnieivq ail thaq bhi pevq-ail. 2Khul khi mail dai ngal-aq neq, aivq ge nail:
“Aq yanq tsaq-u phao,
ngal naoq nail daoq bhai
nal daiq-a nail ngaol.
Hevq kovq nail aqn al n bhai
ngal naoq bhai
tsao jao-ai bhiq naol” dai,
ge-ai thaq nail ngaol.
Niil aq-il neq, aqyanq tsaq nail ngaol. Yaq n n-gaol neq, hevq kovq nail aqn kev lee-aoq nail ngaol.
Khoeq nail jiovq nail phaq bhai khal hai ya daq nail ganl
3Nv juq ganl nl nail bhai yu oeqbal thaq duq maq jiav dai, nv juq teevq gaq bhai iqsanl phaq thiq maq bhi thiq-ail. 4Yu nv juq bhai mal dil Miqyail nail ganl nl nail tsaol-aq nial dai, heeq nia dai, yaoq phaq yaoq-ao nee nail lavqkhoel-ai nv juq nl nail ngaol. Ol dee dee nail, ya daq dee dee nail, noeq dee noeq deel nail, 5yu-i mail deeq lavq nail, thaonq bhai laol lavq nail, yu lav suq saq lal nail, ganl ya nl dee dee nail, maq ya iq thaiq nail dai khi, moevq nail sivq nail, nv juq niil juq bhai daq daq ail nl-a nail ngaol. 6Meeq nail haol nail neema aol nail, neenoeq neekha aol nail, nee noeq heelma ma dai noeq nail, aqmeeq phaq aol nail, Meeq nail Haol nail Aqhaqlal bhai juq nail, neema lavqkhoel bhai kev dai gaiq-a nail, 7mal dil tsaq nail daoq bhai cavq bhiq nail, Miqyail nail bhaqaoq bhai juq nail, tsaq nail daol nail khenkha-ao bhai lavqtsel lavqmal nieivq thaiq khi ganl nl nail ngaol. 8Khaoqsail ya nail maqkhaiq, yu-i mail khal nl movq ail nl lavq nail maqkhaiq, yu-i mail tsiq eeq lavq nail maqkhaiq, yu-i mail ge doil lavq nail maqkhaiq, nv juq nl nail ngaol. Yu bhai goiqbhaoq bhaoq jaq nail tsaol-aq ngaol dai, yu nv juq bhai saol-nvq lavq khi ngaol-aoq, nv juq mal dil tsaq nail phaq nl nail ngaol. 9“Nul juq bhai maq heeq kivq ail” dai, yu nv juq bhai saol-nvq lavq khi ngaol-aoq, tsaol-aq iqsanl mail nv juq bhai heeq nia nail ngaol. Sil heeq phaq-ail pevq ail-a nail tsaol-aq ngaol dai, yu nv juq bhai saol-nvq lavq khi ngaol-aoq, aqdoevq doevq nail tsaol-aq ngaol. Khoeq lavq jiovq lavq-a nail bhai ya daq nail tsaol-aq khe-ai pevq khi ngaol-aoq, heivq lavq nail bhai maq ya daq-ail. 10Noeq haq nail tsaol-aq khe-ai pevq khi ngaol-aoq, khaq mao iqsanl lavqkhiq tsail nail ngaol. Haq nail aoq nail tsaol-aq khe-ai pevq khi ngaol-aoq, tsaol-aq mao dai bhai hulmeeq bhiq meeq lal nail ngaol. Khul teevq phaq ail maq jiav nail tsaol-aq khe-ai pevq khi ngaol-aoq, yaoq phaq yaoq-ao neejiav nail tsaol-aq ngaol.
11Gaolliqthu meenq bhai jaol nail juq-ol, nv juq nul juq bhai yaoq phaq yaoq-ao nee bhaq laoq kheq dai cavq bhiq-a nail ngaol. Nv juq nail neema lavqkhoel-ai nul juq iqsanl bhai gaiq-a dee dee naol. 12Nv juq nail neema lavqkhoel-ai nul juq bhai gaiq-a nail phaq micil teevq-eel maq ngel-ail. Thail hai ngaol-aoq, nul juq nv juq bhai gaiq-a nail neq, micil teevq-eel ngaol. 13Nul juq iqsanl nv juq bhai gaoq gaiq-a lavq yaoq. Niailhai ge nail neq, yovqgavq nail yaq bhai ge bhiq nail khe-ai, ge nail ngaol.
Ngadao neq, aqdoevq doevq nail Miqyail nail uqhuq thaoq nail ilkhaol il ma ngaol
14Khali bhai neema maq thaq tsaol nail tsaol-aq nee thaq tavq laiq. Khul khi mail dai ngal-aq neq, tsaq nail daol nail phaq neq, maq tsaq maq daol nail phaq bhai khal hai khi tavq lai nia nail-aiq. Aq bhaq khi mail aqnav khal hai khi aqtsaoq tsaoq nia nail-aiq. 15Khali neq, neivq heeqphaq bhai khal hai khi tsaq lai jil lai nia nail-aiq. Khali bhai neema thaq tsaol nail tsaol-aq, neema maq thaq tsaol nail tsaol-aq nee mail, neema teevq heeq taivq-ail khal hai khi tavq kivq nail-aiq. 16Miqyail nail uqhuq thaoq nail ilkhaol il ma khi thaoq phaoq aqma maolkhoel khal hai khi tsaq lai jil lai nia nail-aiq. Ngadao neq, aqdoevq doevq nail Miqyail nail uqhuq thaoq nail ilkhaol il ma ngaol. Miqyail niail hai ge-ai thaq nail ngaol:
“Ngal aqyu juq nail
lavqkhoel bhai jaol khi,
aqyu nail lavqkhoel bhai
tsao nail ngaol.
Ngal aqyu juq nail
Miqyail pevq khi,
aqyu juq ngaq nail tsaol-aq
pevq nail ngaol” dai,
ge-ai thaq nail ngaol.
17Al heel ngel-i mail,
“ ‘Aqyu juq nail
lavqkhoel nee dov lal khi
aqyu juq bhai
gaoqceiv ceiv yaoq’ dai,
Heeqphaq Miqyail
ge nail ngaol.
‘Aqcavq phaq bhai
thaq thoiq.
Maq thoiq haq neq,
ngal nul juq bhai
hav bhoel naol.
18Ngal nul juq nail
Aqbhu pevq khi,
nul juq ngaq nail yaq miq
yaqyov pevq lal nail ngaol’ dai,
iqsanl nail kovtavq bhai
uv thaiq nail bhaqaoq eeq nail
Heeqphaq Miqyail
ge nail ngaol.”
Currently Selected:
2 Gaolliqthu 6: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
2 Gaolliqthu 6
6
1Nv juq Miqyail nee mail teevq gaq khe-ai ganl nl nail ngaol. Al heel ngel-i mail, nv juq nul juq bhai niail hai hal nail ngaol. Nul juq Miqyail nail geeqlaoq eel jaol bhai hav bhoel-a nail al aqnieivq ail thaq bhi pevq-ail. 2Khul khi mail dai ngal-aq neq, aivq ge nail:
“Aq yanq tsaq-u phao,
ngal naoq nail daoq bhai
nal daiq-a nail ngaol.
Hevq kovq nail aqn al n bhai
ngal naoq bhai
tsao jao-ai bhiq naol” dai,
ge-ai thaq nail ngaol.
Niil aq-il neq, aqyanq tsaq nail ngaol. Yaq n n-gaol neq, hevq kovq nail aqn kev lee-aoq nail ngaol.
Khoeq nail jiovq nail phaq bhai khal hai ya daq nail ganl
3Nv juq ganl nl nail bhai yu oeqbal thaq duq maq jiav dai, nv juq teevq gaq bhai iqsanl phaq thiq maq bhi thiq-ail. 4Yu nv juq bhai mal dil Miqyail nail ganl nl nail tsaol-aq nial dai, heeq nia dai, yaoq phaq yaoq-ao nee nail lavqkhoel-ai nv juq nl nail ngaol. Ol dee dee nail, ya daq dee dee nail, noeq dee noeq deel nail, 5yu-i mail deeq lavq nail, thaonq bhai laol lavq nail, yu lav suq saq lal nail, ganl ya nl dee dee nail, maq ya iq thaiq nail dai khi, moevq nail sivq nail, nv juq niil juq bhai daq daq ail nl-a nail ngaol. 6Meeq nail haol nail neema aol nail, neenoeq neekha aol nail, nee noeq heelma ma dai noeq nail, aqmeeq phaq aol nail, Meeq nail Haol nail Aqhaqlal bhai juq nail, neema lavqkhoel bhai kev dai gaiq-a nail, 7mal dil tsaq nail daoq bhai cavq bhiq nail, Miqyail nail bhaqaoq bhai juq nail, tsaq nail daol nail khenkha-ao bhai lavqtsel lavqmal nieivq thaiq khi ganl nl nail ngaol. 8Khaoqsail ya nail maqkhaiq, yu-i mail khal nl movq ail nl lavq nail maqkhaiq, yu-i mail tsiq eeq lavq nail maqkhaiq, yu-i mail ge doil lavq nail maqkhaiq, nv juq nl nail ngaol. Yu bhai goiqbhaoq bhaoq jaq nail tsaol-aq ngaol dai, yu nv juq bhai saol-nvq lavq khi ngaol-aoq, nv juq mal dil tsaq nail phaq nl nail ngaol. 9“Nul juq bhai maq heeq kivq ail” dai, yu nv juq bhai saol-nvq lavq khi ngaol-aoq, tsaol-aq iqsanl mail nv juq bhai heeq nia nail ngaol. Sil heeq phaq-ail pevq ail-a nail tsaol-aq ngaol dai, yu nv juq bhai saol-nvq lavq khi ngaol-aoq, aqdoevq doevq nail tsaol-aq ngaol. Khoeq lavq jiovq lavq-a nail bhai ya daq nail tsaol-aq khe-ai pevq khi ngaol-aoq, heivq lavq nail bhai maq ya daq-ail. 10Noeq haq nail tsaol-aq khe-ai pevq khi ngaol-aoq, khaq mao iqsanl lavqkhiq tsail nail ngaol. Haq nail aoq nail tsaol-aq khe-ai pevq khi ngaol-aoq, tsaol-aq mao dai bhai hulmeeq bhiq meeq lal nail ngaol. Khul teevq phaq ail maq jiav nail tsaol-aq khe-ai pevq khi ngaol-aoq, yaoq phaq yaoq-ao neejiav nail tsaol-aq ngaol.
11Gaolliqthu meenq bhai jaol nail juq-ol, nv juq nul juq bhai yaoq phaq yaoq-ao nee bhaq laoq kheq dai cavq bhiq-a nail ngaol. Nv juq nail neema lavqkhoel-ai nul juq iqsanl bhai gaiq-a dee dee naol. 12Nv juq nail neema lavqkhoel-ai nul juq bhai gaiq-a nail phaq micil teevq-eel maq ngel-ail. Thail hai ngaol-aoq, nul juq nv juq bhai gaiq-a nail neq, micil teevq-eel ngaol. 13Nul juq iqsanl nv juq bhai gaoq gaiq-a lavq yaoq. Niailhai ge nail neq, yovqgavq nail yaq bhai ge bhiq nail khe-ai, ge nail ngaol.
Ngadao neq, aqdoevq doevq nail Miqyail nail uqhuq thaoq nail ilkhaol il ma ngaol
14Khali bhai neema maq thaq tsaol nail tsaol-aq nee thaq tavq laiq. Khul khi mail dai ngal-aq neq, tsaq nail daol nail phaq neq, maq tsaq maq daol nail phaq bhai khal hai khi tavq lai nia nail-aiq. Aq bhaq khi mail aqnav khal hai khi aqtsaoq tsaoq nia nail-aiq. 15Khali neq, neivq heeqphaq bhai khal hai khi tsaq lai jil lai nia nail-aiq. Khali bhai neema thaq tsaol nail tsaol-aq, neema maq thaq tsaol nail tsaol-aq nee mail, neema teevq heeq taivq-ail khal hai khi tavq kivq nail-aiq. 16Miqyail nail uqhuq thaoq nail ilkhaol il ma khi thaoq phaoq aqma maolkhoel khal hai khi tsaq lai jil lai nia nail-aiq. Ngadao neq, aqdoevq doevq nail Miqyail nail uqhuq thaoq nail ilkhaol il ma ngaol. Miqyail niail hai ge-ai thaq nail ngaol:
“Ngal aqyu juq nail
lavqkhoel bhai jaol khi,
aqyu nail lavqkhoel bhai
tsao nail ngaol.
Ngal aqyu juq nail
Miqyail pevq khi,
aqyu juq ngaq nail tsaol-aq
pevq nail ngaol” dai,
ge-ai thaq nail ngaol.
17Al heel ngel-i mail,
“ ‘Aqyu juq nail
lavqkhoel nee dov lal khi
aqyu juq bhai
gaoqceiv ceiv yaoq’ dai,
Heeqphaq Miqyail
ge nail ngaol.
‘Aqcavq phaq bhai
thaq thoiq.
Maq thoiq haq neq,
ngal nul juq bhai
hav bhoel naol.
18Ngal nul juq nail
Aqbhu pevq khi,
nul juq ngaq nail yaq miq
yaqyov pevq lal nail ngaol’ dai,
iqsanl nail kovtavq bhai
uv thaiq nail bhaqaoq eeq nail
Heeqphaq Miqyail
ge nail ngaol.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.