Mattá 5
5
Bahtáwari
(Luká 6:20–23)
1Wahdé Issáyá mardománi mocchi dist, kóhéay sará sar kapt o nesht. Áiay morid áiay kerrá átkant. 2Gorhá é dhawlá áyáni tálim dayagá lagget:
3“Bahtáwar ant hamá ke wati ruhay garibiá sarpad ant, chéá ke ásmáni bádsháhi hamáyánig ent.
4Bahtáwar ant hamá ke gamig ant, chéá ke áyán tasallá rasit.
5Bahtáwar ant hamá ke narmdel ant, chéá ke zeminay mirásdár#5:5 Mirásdár, bezán mirás barók, mirásá sharikdár, wáres. hamá bant.
6Bahtáwar ant hamá ke pa hakk o ensápá shodig#5:6 Shodig, bezán gozhnag. o tonnig ant, chéá ke á séra bant.
7Bahtáwar ant hamá ke pa degarán rahma kanant, chéá ke áyáni sará rahm kanaga bit.
8Bahtáwar ant hamá ke delesh pák ent, chéá ke á Hodáyá gendant.
9Bahtáwar ant hamá ke sohl o émenia kárant, chéá ke á Hodáay chokk gwashaga bant.
10Bahtáwar ant hamá ke hakk o ensápay ráhá ázár dayaga bant, chéá ke ásmáni bádsháhi hamáyánig ent.
11Bahtáwar ét shomá ke mani sawabá mardom shomárá béezzat kanant o ázára dayant o shomay bárawá dróga bandant o badén gappa janant. 12Gal bebét o shátkámi bekanét, chéá ke ásmáná shomay mozz báz ent. Pésarigén nabiesh hamé paymá ázár dátagant.
Jahánay wád o nur
13Shomá jahánay wád ét, bale agan wáday tám berawt, gorhá chón padá wádók kanaga bit? Dega hecch kárá nayayt, abéd cha#5:13 Abéd (cha), bezán gayr cha. eshiá ke dawr dayag bebit o mardomi lagatmál bekanant.
14Shomá jahánay nur o rozhn ét, shahré ke kóhéay sará ent, chér o andém#5:14 Andém, bezán chér, póshidah. buta nakant. 15Hechkas rókén cherágá kásagay chérá éra nakant, cherágdánay sará éria kant tánke áiay rozhn lógay sajjahén mardomán berasit. 16Hamé dhawlá shomay nur mardománi nyámá tálán bebit tánke á shomay nékén kárán begendant o shomay ásmáni Petay satáyá bekanant.
Sharyatay sarjam kanag
17Gomán makanét ke man pa Sharyat o nabiáni habaráni dur kanag o nákár kanagá átkagán. Man pa áyáni nákár kanagá nayátkagán, pa áyáni sarjam kanagá átkagán. 18Shomárá rásténa gwashán, ásmán o zeminay tabáh bayagá pésar, Sharyatay yakk áb#5:18 Áb, bezán harp, Engréziá: letter in the alphabet. o thekké ham gára nabit tán hamá wahdá ke Sharyatay har chizz sarjam mabit. 19Paméshká agan kasé cha Sharyatay parmánán gwandhteréné ham mán mayárit o degarán hamé tálimá bedant, ásmáni bádsháhiá kasterén zánaga bit. Bale kasé ke é parmánáni sará amala kant o degarán ham hamé tálimá dant, ásmáni bádsháhiá mazan zánaga bit. 20Gorhá shomárá gwashán, agan shomay pahrézkári cha Parisi o Sharyatay zánógeráni pahrézkáriá géshter mabit, hechbar ásmáni bádsháhiá shota nakanét.
Kosht o kósh
(Luká 12:58–59)
21Shomá eshkotag ke gón péshigén mardomán gwashag butag: Hón makan. #5:21 Darraw 20:13. Harkas hóna kant, hakdiwáná#5:21 Hakdiwán, bezán ámidges, dádgáh. mayárbár kanaga bit. 22Bale man shomárá gwashán, harkas ke wati brátay sará zahr ent, á ham hakdiwáná mayárbár kanaga bit. Kasé ke wati brátá bad o rada kant, mazanén hakdiwáná mayárbár kanaga bit o kasé ke wati brátá ‘hódh’ o ‘ahmaka’ gwashit, dózahay ásay sezáwára bit. 23Paméshká agan korbánjáhá, korbánig kanagay wahdá yátá kaptay ke tai brátá gón taw gelagé hast, 24wati korbánigá hamódá korbánjáhá bell o beraw pésará wati brátá wasshán bekan, randá byá korbánig bekan. 25Agan kaséá gón taw arh o dáwáé hast o tará hakdiwáná bárt, gorhá ráhá gón áiá wati arhá begisshén o sohl bekan. Chó mabit ke á tará káziay kerrá bebárt o kázi tará apsaray dastá bedant o taw zendáná dawr dayag bebay. 26Tará rásténa gwashán, tán zarráni goddhi#5:26 Goddhi, bezán áheri. pai o paysahá porra nakanay, cha ódá ázáta nabay.
Zená o talák
27Shomá eshkotag ke gwashag butag: Zená makan.#5:27 Darraw 20:14. 28Bale man shomárá gwashán, agan kasé janénéá pa badén chammé bechárit, bezán wati delá gón hamá janéná zenái kort. 29Paméshká agan tai rástén chamm tará dém pa gonáhá bárt, áiá kassh o dawr beday, chéá ke cha sarjamén jánay dózahá kapagá pa taw sharter hamesh ent ke tai jesmay yakk ázáé cha taw jetá bebit. 30Hamé dhawlá, agan tai rástén dast tará dém pa gonáhá bárt, áiá borr o dawr day, chéá ke cha sarjamén jánay dózahá rawagá pa taw sharter hamesh ent ke tai jesmay yakk ázáé cha taw jetá bebit.
31Gwashag butag: Harkas ke wati janá cha lógá dara kant, báyad áiá taláknámahé bedant.#5:31 Mussáay Wáz 24:1. 32Bale man shomárá gwashán, agan janénéá zená nakortag o mard angat ham áiay sawn o talákán bedant, bezán janéná zenákáriay némagá télánk dayagá ent o agan kasé gón talák dátagén janénéá sur o sáng bekant, gorhá bezán gón áiá zená kant.
Sawgend
33Shomá é ham eshkotag ke gón péshigén mardomán gwashag butag: Wati sawgendá maprósh,#5:33 Láwián 19:12. o Hodáwanday námay sará wártagén sawgendán purah bekan.#5:33 Mussáay Wáz 23:21. 34Bale man shomárá gwashán, hechbar sawgend mawarét, na arshay, chéá ke Hodáay taht ent, 35na zeminay, chéá ke Hodáay pádáni chéray korsi ent, na Urshalimay chéá ke ‘Mazanén Bádsháhay’ shahr ent. 36Wati saray sawgendá ham mawar, chéá ke taw wati mudáni yakk thálé ham espét yá syáh korta nakanay. 37Paméshká ódá ke shomárá ‘haw’ gwashagi ent, begwashét ‘haw’ o ódá ke ‘enna’ gwashagi ent, begwashét ‘enna’. Cha ed o géshter gwashag Shaytánay kár ent.
Bérgiri
38Shomá eshkotag ke gwashag butag: Chammay badal chamm o dantánay badal dantán.#5:38 Darraw 21:24. 39Bale man shomárá gwashán, radkárén mardomay démá maóshtét. Agan kasé tai rástén gobbá#5:39 Gobb, bezán gónag. shahmáté jant, domi gobbá ham áiay némagá betarrén. 40Agan kasé pa tai jámagay kasshagá tará hakdiwáná bárt, wati kabáhá#5:40 Kabáh, bezán jobbah ke pashkay sarborá gwará kananti. ham áiá beday. 41Agan kasé tará pa zór o bigári hazár gámay#5:41 Asligén Yunáni nebeshtánka gwashit: “milion”, bezán kesás yakk o ném kilumitar. pand janaga parmáit, do hazár gám áiay hamráhiá beraw. 42Kasé ke cha taw lóthit, áiá beday o agan yakkéá wámé lóthet, dayagá chakk o pad mabay.
Mehr
(Luká 6:27–36)
43Shomá eshkotag ke gwashag butag: Wati hamsáhegá dóst bedár #5:43 Láwián 19:18. o gón wati dozhmená naprat bekan. 44Bale man shomárá gwashán, wati dozhmenán dóst bedárét o pa hamáyán ke shomárá ázára dayant, nékén dwá belóthét, 45tánke shomá wati ásmáni Petay chokk bebét, chéá ke á wati róchá pa nék o bad doénána drapshénit#5:45 Drapshénag, bezán shahm dayag, rozhná kanag, jalashkénag. o wati hawrá pa pahrézkár o radkár doénána gwárénit. 46Agan shomá tahná hamá mardomán dóst bedárét ke shomárá dósta dárant, shomárá cha Hodáay némagá hecch mozzé narasit. Songi#5:46 Songi, bezán máliátgir, thayksay gerók. o máliátgir#5:46 Bani Esráilián, songi o máliátgirén mardom nádóst atant, chéá ke á Rumay hokumatay kárendah atant o bázénéá pa wati nap o suttá cha mardomán géshén song o máliáta gept. ham wati dóst dárókán dósta dárant. 47Agan shomá tahná wati brátán salám o drót begwashét, gorhá shomá cha é degarán sharter naét. Hodánáparmánén mardom ham wati brátán salám o drót gwashant. 48Paméshká shomá báyad kámel bebét, anchosh ke shomay ásmáni Pet kámel ent.
Currently Selected:
Mattá 5: HPKB
Highlight
Share
Copy
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
Mattá 5
5
Bahtáwari
(Luká 6:20–23)
1Wahdé Issáyá mardománi mocchi dist, kóhéay sará sar kapt o nesht. Áiay morid áiay kerrá átkant. 2Gorhá é dhawlá áyáni tálim dayagá lagget:
3“Bahtáwar ant hamá ke wati ruhay garibiá sarpad ant, chéá ke ásmáni bádsháhi hamáyánig ent.
4Bahtáwar ant hamá ke gamig ant, chéá ke áyán tasallá rasit.
5Bahtáwar ant hamá ke narmdel ant, chéá ke zeminay mirásdár#5:5 Mirásdár, bezán mirás barók, mirásá sharikdár, wáres. hamá bant.
6Bahtáwar ant hamá ke pa hakk o ensápá shodig#5:6 Shodig, bezán gozhnag. o tonnig ant, chéá ke á séra bant.
7Bahtáwar ant hamá ke pa degarán rahma kanant, chéá ke áyáni sará rahm kanaga bit.
8Bahtáwar ant hamá ke delesh pák ent, chéá ke á Hodáyá gendant.
9Bahtáwar ant hamá ke sohl o émenia kárant, chéá ke á Hodáay chokk gwashaga bant.
10Bahtáwar ant hamá ke hakk o ensápay ráhá ázár dayaga bant, chéá ke ásmáni bádsháhi hamáyánig ent.
11Bahtáwar ét shomá ke mani sawabá mardom shomárá béezzat kanant o ázára dayant o shomay bárawá dróga bandant o badén gappa janant. 12Gal bebét o shátkámi bekanét, chéá ke ásmáná shomay mozz báz ent. Pésarigén nabiesh hamé paymá ázár dátagant.
Jahánay wád o nur
13Shomá jahánay wád ét, bale agan wáday tám berawt, gorhá chón padá wádók kanaga bit? Dega hecch kárá nayayt, abéd cha#5:13 Abéd (cha), bezán gayr cha. eshiá ke dawr dayag bebit o mardomi lagatmál bekanant.
14Shomá jahánay nur o rozhn ét, shahré ke kóhéay sará ent, chér o andém#5:14 Andém, bezán chér, póshidah. buta nakant. 15Hechkas rókén cherágá kásagay chérá éra nakant, cherágdánay sará éria kant tánke áiay rozhn lógay sajjahén mardomán berasit. 16Hamé dhawlá shomay nur mardománi nyámá tálán bebit tánke á shomay nékén kárán begendant o shomay ásmáni Petay satáyá bekanant.
Sharyatay sarjam kanag
17Gomán makanét ke man pa Sharyat o nabiáni habaráni dur kanag o nákár kanagá átkagán. Man pa áyáni nákár kanagá nayátkagán, pa áyáni sarjam kanagá átkagán. 18Shomárá rásténa gwashán, ásmán o zeminay tabáh bayagá pésar, Sharyatay yakk áb#5:18 Áb, bezán harp, Engréziá: letter in the alphabet. o thekké ham gára nabit tán hamá wahdá ke Sharyatay har chizz sarjam mabit. 19Paméshká agan kasé cha Sharyatay parmánán gwandhteréné ham mán mayárit o degarán hamé tálimá bedant, ásmáni bádsháhiá kasterén zánaga bit. Bale kasé ke é parmánáni sará amala kant o degarán ham hamé tálimá dant, ásmáni bádsháhiá mazan zánaga bit. 20Gorhá shomárá gwashán, agan shomay pahrézkári cha Parisi o Sharyatay zánógeráni pahrézkáriá géshter mabit, hechbar ásmáni bádsháhiá shota nakanét.
Kosht o kósh
(Luká 12:58–59)
21Shomá eshkotag ke gón péshigén mardomán gwashag butag: Hón makan. #5:21 Darraw 20:13. Harkas hóna kant, hakdiwáná#5:21 Hakdiwán, bezán ámidges, dádgáh. mayárbár kanaga bit. 22Bale man shomárá gwashán, harkas ke wati brátay sará zahr ent, á ham hakdiwáná mayárbár kanaga bit. Kasé ke wati brátá bad o rada kant, mazanén hakdiwáná mayárbár kanaga bit o kasé ke wati brátá ‘hódh’ o ‘ahmaka’ gwashit, dózahay ásay sezáwára bit. 23Paméshká agan korbánjáhá, korbánig kanagay wahdá yátá kaptay ke tai brátá gón taw gelagé hast, 24wati korbánigá hamódá korbánjáhá bell o beraw pésará wati brátá wasshán bekan, randá byá korbánig bekan. 25Agan kaséá gón taw arh o dáwáé hast o tará hakdiwáná bárt, gorhá ráhá gón áiá wati arhá begisshén o sohl bekan. Chó mabit ke á tará káziay kerrá bebárt o kázi tará apsaray dastá bedant o taw zendáná dawr dayag bebay. 26Tará rásténa gwashán, tán zarráni goddhi#5:26 Goddhi, bezán áheri. pai o paysahá porra nakanay, cha ódá ázáta nabay.
Zená o talák
27Shomá eshkotag ke gwashag butag: Zená makan.#5:27 Darraw 20:14. 28Bale man shomárá gwashán, agan kasé janénéá pa badén chammé bechárit, bezán wati delá gón hamá janéná zenái kort. 29Paméshká agan tai rástén chamm tará dém pa gonáhá bárt, áiá kassh o dawr beday, chéá ke cha sarjamén jánay dózahá kapagá pa taw sharter hamesh ent ke tai jesmay yakk ázáé cha taw jetá bebit. 30Hamé dhawlá, agan tai rástén dast tará dém pa gonáhá bárt, áiá borr o dawr day, chéá ke cha sarjamén jánay dózahá rawagá pa taw sharter hamesh ent ke tai jesmay yakk ázáé cha taw jetá bebit.
31Gwashag butag: Harkas ke wati janá cha lógá dara kant, báyad áiá taláknámahé bedant.#5:31 Mussáay Wáz 24:1. 32Bale man shomárá gwashán, agan janénéá zená nakortag o mard angat ham áiay sawn o talákán bedant, bezán janéná zenákáriay némagá télánk dayagá ent o agan kasé gón talák dátagén janénéá sur o sáng bekant, gorhá bezán gón áiá zená kant.
Sawgend
33Shomá é ham eshkotag ke gón péshigén mardomán gwashag butag: Wati sawgendá maprósh,#5:33 Láwián 19:12. o Hodáwanday námay sará wártagén sawgendán purah bekan.#5:33 Mussáay Wáz 23:21. 34Bale man shomárá gwashán, hechbar sawgend mawarét, na arshay, chéá ke Hodáay taht ent, 35na zeminay, chéá ke Hodáay pádáni chéray korsi ent, na Urshalimay chéá ke ‘Mazanén Bádsháhay’ shahr ent. 36Wati saray sawgendá ham mawar, chéá ke taw wati mudáni yakk thálé ham espét yá syáh korta nakanay. 37Paméshká ódá ke shomárá ‘haw’ gwashagi ent, begwashét ‘haw’ o ódá ke ‘enna’ gwashagi ent, begwashét ‘enna’. Cha ed o géshter gwashag Shaytánay kár ent.
Bérgiri
38Shomá eshkotag ke gwashag butag: Chammay badal chamm o dantánay badal dantán.#5:38 Darraw 21:24. 39Bale man shomárá gwashán, radkárén mardomay démá maóshtét. Agan kasé tai rástén gobbá#5:39 Gobb, bezán gónag. shahmáté jant, domi gobbá ham áiay némagá betarrén. 40Agan kasé pa tai jámagay kasshagá tará hakdiwáná bárt, wati kabáhá#5:40 Kabáh, bezán jobbah ke pashkay sarborá gwará kananti. ham áiá beday. 41Agan kasé tará pa zór o bigári hazár gámay#5:41 Asligén Yunáni nebeshtánka gwashit: “milion”, bezán kesás yakk o ném kilumitar. pand janaga parmáit, do hazár gám áiay hamráhiá beraw. 42Kasé ke cha taw lóthit, áiá beday o agan yakkéá wámé lóthet, dayagá chakk o pad mabay.
Mehr
(Luká 6:27–36)
43Shomá eshkotag ke gwashag butag: Wati hamsáhegá dóst bedár #5:43 Láwián 19:18. o gón wati dozhmená naprat bekan. 44Bale man shomárá gwashán, wati dozhmenán dóst bedárét o pa hamáyán ke shomárá ázára dayant, nékén dwá belóthét, 45tánke shomá wati ásmáni Petay chokk bebét, chéá ke á wati róchá pa nék o bad doénána drapshénit#5:45 Drapshénag, bezán shahm dayag, rozhná kanag, jalashkénag. o wati hawrá pa pahrézkár o radkár doénána gwárénit. 46Agan shomá tahná hamá mardomán dóst bedárét ke shomárá dósta dárant, shomárá cha Hodáay némagá hecch mozzé narasit. Songi#5:46 Songi, bezán máliátgir, thayksay gerók. o máliátgir#5:46 Bani Esráilián, songi o máliátgirén mardom nádóst atant, chéá ke á Rumay hokumatay kárendah atant o bázénéá pa wati nap o suttá cha mardomán géshén song o máliáta gept. ham wati dóst dárókán dósta dárant. 47Agan shomá tahná wati brátán salám o drót begwashét, gorhá shomá cha é degarán sharter naét. Hodánáparmánén mardom ham wati brátán salám o drót gwashant. 48Paméshká shomá báyad kámel bebét, anchosh ke shomay ásmáni Pet kámel ent.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.