Mattá 3
3
Pákshódi dayókén Yahyáay kolaw
(Markás 1:1–8; Luká 3:1–17)
1Á róchán, pákshódi#3:1 Pákshódiay labz, Yunáni zobáná “baptismah” gwashaga bit o eshiay máná “ápá bokk dayag” yá “gón ápá shódag” ent. dayókén Yahyá átk o Yahudiahay gyábáná jári perrént: 2“Tawbah bekanét, chéá ke ásmáni bádsháhi átkag o sar butag.” 3Yahyá hamá ent ke Eshayá nabi áiay bárawá gwashit:
Gyábáná kasé gwánka jant: # 3:3 Gwánk janag, bezán tawár kanag, lótháénag.
“Hodáwanday ráhá tayár bekanét,
Hodáwanday keshkán rást o tachk bekanét.” # 3:3 Eshayá Nabiay Ketáb 40:3.
4Yahyáyá cha oshteray mudán gwaptagén póshák gwará at o póstén kamarbandé lánká at. Áiay ward o warák madag o gyábáni bénag#3:4 Bénag, bezán shahd, asal. at. 5Urshalimay nendók, Yahudiahay sarjamén damagay mardom o Ordonay kawray kerr o gwaray sajjahén jahmenend áiay kerrá shotant. 6Wati gonáhesh mannetant o Yahyáyá Ordonay kawrá á pákshódi dátant.
7Wahdé Yahyáyá dist ke bázén Parisi o Sadukié pákshódi geragá mani kerrá áyagá ent, gón áyán gwashti: “Oo syahmárzádagán! Kayá shomárá gwashtag ke cha áyókén kahr o gazabá tatka kanét? 8Anchén kár bekanét ke cha áyán záher bebit ke shomá tawbah kortag. 9Cha wati delá é hayálá dar bekanét ke Ebráhém may pet ent. Man shomárá gwashán ke Hodá cha é sengán ham pa Ebráhémá chokk o awlád pédá korta kant. 10Nun tapar tayár ent ke drachkán cha boná begoddhit#3:10 Goddhag, bezán sendag, borrag, dur kanag. o har drachké ke sharrén bara nayárit, goddhag o ásá dawr dayaga bit.
11Man pa shomay gonáháni pashómániá, shomárá gón ápá pákshódia dayán, bale hamá ke cha man o randa kayt, cha man zórmandter ent o man áiay kawsháni chest kanagay láhek ham naán. Á shomárá gón Pákén Ruh o ásá pákshódia dant. 12Áiá hanshóné#3:12 Hanshón dáré ke pa dán o pogáni jetá kanagá kármarza bit. dastá ent o jóháná#3:12 Jóhán, bezán kesháráni moshag o dánáni mocch kanagay jágah. sapá kant. Dánán ambárá éra kant o pog o palárán#3:12 Pog o palár, bezán dánay póst o hoshk butagén káh o sabzag. anchén áséá sóchit ke hechbara namerit.”
Issáay pákshódi
(Markás 1:9–11; Luká 3:21–22; Yuhanná 1:31–34)
13Gorhá Issá cha Jalilay damagá dar átk o Ordonay kawrá shot ke Yahyá áiá pákshódi bedant. 14Bale Yahyáyá johd kort ke áiá pa é kárá maylit. Gwashti: “Báyad ent man cha taw pákshódi begerán, bale taw pákshódi geragá mani gwará káay?” 15Issáyá gwasht: “Annun bell ke anchosh bebit, é paymá Hodáay wáhag o razáyá sarjama kanén.” Gorhá áiá mannet o Issái pákshódi dát. 16Wahdé Issáyá pákshódi gept o cha ápá dar átk, anágat#3:16 Anágat, bezán yabbará, achának, nágahán. ásmánay dap pach but o Hodáay Pákén Ruhi dist ke kapótéay shekl o dróshomá#3:16 Dróshom, bezán shekl, surat. ér átk o mani sará nesht. 17Cha ásmáná tawáré átk: “É mani dóstigén Bacch ent o man cha eshiá sakk wassh o razá án.”
Currently Selected:
Mattá 3: HPKB
Highlight
Share
Copy
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
Mattá 3
3
Pákshódi dayókén Yahyáay kolaw
(Markás 1:1–8; Luká 3:1–17)
1Á róchán, pákshódi#3:1 Pákshódiay labz, Yunáni zobáná “baptismah” gwashaga bit o eshiay máná “ápá bokk dayag” yá “gón ápá shódag” ent. dayókén Yahyá átk o Yahudiahay gyábáná jári perrént: 2“Tawbah bekanét, chéá ke ásmáni bádsháhi átkag o sar butag.” 3Yahyá hamá ent ke Eshayá nabi áiay bárawá gwashit:
Gyábáná kasé gwánka jant: # 3:3 Gwánk janag, bezán tawár kanag, lótháénag.
“Hodáwanday ráhá tayár bekanét,
Hodáwanday keshkán rást o tachk bekanét.” # 3:3 Eshayá Nabiay Ketáb 40:3.
4Yahyáyá cha oshteray mudán gwaptagén póshák gwará at o póstén kamarbandé lánká at. Áiay ward o warák madag o gyábáni bénag#3:4 Bénag, bezán shahd, asal. at. 5Urshalimay nendók, Yahudiahay sarjamén damagay mardom o Ordonay kawray kerr o gwaray sajjahén jahmenend áiay kerrá shotant. 6Wati gonáhesh mannetant o Yahyáyá Ordonay kawrá á pákshódi dátant.
7Wahdé Yahyáyá dist ke bázén Parisi o Sadukié pákshódi geragá mani kerrá áyagá ent, gón áyán gwashti: “Oo syahmárzádagán! Kayá shomárá gwashtag ke cha áyókén kahr o gazabá tatka kanét? 8Anchén kár bekanét ke cha áyán záher bebit ke shomá tawbah kortag. 9Cha wati delá é hayálá dar bekanét ke Ebráhém may pet ent. Man shomárá gwashán ke Hodá cha é sengán ham pa Ebráhémá chokk o awlád pédá korta kant. 10Nun tapar tayár ent ke drachkán cha boná begoddhit#3:10 Goddhag, bezán sendag, borrag, dur kanag. o har drachké ke sharrén bara nayárit, goddhag o ásá dawr dayaga bit.
11Man pa shomay gonáháni pashómániá, shomárá gón ápá pákshódia dayán, bale hamá ke cha man o randa kayt, cha man zórmandter ent o man áiay kawsháni chest kanagay láhek ham naán. Á shomárá gón Pákén Ruh o ásá pákshódia dant. 12Áiá hanshóné#3:12 Hanshón dáré ke pa dán o pogáni jetá kanagá kármarza bit. dastá ent o jóháná#3:12 Jóhán, bezán kesháráni moshag o dánáni mocch kanagay jágah. sapá kant. Dánán ambárá éra kant o pog o palárán#3:12 Pog o palár, bezán dánay póst o hoshk butagén káh o sabzag. anchén áséá sóchit ke hechbara namerit.”
Issáay pákshódi
(Markás 1:9–11; Luká 3:21–22; Yuhanná 1:31–34)
13Gorhá Issá cha Jalilay damagá dar átk o Ordonay kawrá shot ke Yahyá áiá pákshódi bedant. 14Bale Yahyáyá johd kort ke áiá pa é kárá maylit. Gwashti: “Báyad ent man cha taw pákshódi begerán, bale taw pákshódi geragá mani gwará káay?” 15Issáyá gwasht: “Annun bell ke anchosh bebit, é paymá Hodáay wáhag o razáyá sarjama kanén.” Gorhá áiá mannet o Issái pákshódi dát. 16Wahdé Issáyá pákshódi gept o cha ápá dar átk, anágat#3:16 Anágat, bezán yabbará, achának, nágahán. ásmánay dap pach but o Hodáay Pákén Ruhi dist ke kapótéay shekl o dróshomá#3:16 Dróshom, bezán shekl, surat. ér átk o mani sará nesht. 17Cha ásmáná tawáré átk: “É mani dóstigén Bacch ent o man cha eshiá sakk wassh o razá án.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.