زَبور 39
39
منی رۆچانی هساب چی اِنت؟
په سازگر و وشآوازانی سالارا. په یِدوتونا.#39:0 یِدوتون چه مزنێن پرستشگاهئے وشآوازان یکّے اَت. داوودئے زَبور.
1گوَشتُن که ”پهرێزَ کنان
تان گۆن وتی زبانا گناه مکنان.
تان وهدے بدکارے منی کِرّا اِنت
وتی دپا لگامَ کنان.“
2چُپّ و بێتئوار بوتان، تنتنا شرّێن هبرے هم نکرتُن،
بله درد و اندۆهُن گێشتر بوتنت.
3دلُن مان درونا جۆش جنگا اِنت.
وهدے گێشتر پگرُنَ کرت، آسا شمالهَ#39:3 شماله، بزان آسئے زبانُک. کشّت،
گڑا زبانُن پَچ بوت.
4”او هُداوند! منی آکبتا پدّر کن،
منی رۆچانی هساب چی اِنت،
بِلّ تان بزانان که چۆن زوتَّ گوَزنت.
5تئو منی زِند بچیلّێئے کَدّا کرتگ،
منی زِندمانئے سال، تئیی چمّا هچّ نهاَنت.
سَدَّک آن که انسانئے زِند یک ساهے گێش نهاِنت.“ اۆشت...
6بێشکّ انسان چۆ ساهگێا چکرّیت،
بێشکّ که آ مُپت و ناهودگا تچ و تاگَ کنت،
مُچّ و اَمبارَ کنت، بله نزانت که کئیا رسنت.
7”بله نون او هُداوند! من چِه چیزّئے ودارا آن؟
اُمێتُن تئیی سرا اِنت.
8منا چه سجّهێن ناپرمانیان چُٹّێن و
اَهمکانی کَلاگی مکن.
9بێتئوار آن و دپا پَچَ نکنان،
چیا که اے تئو کرتگ.
10وتی زربتا چه منی سرا دور کن،
که چه تئیی شهماتا تُستگ و کپتگان.
11تئو په هکّل انسانا چه گناها اَدبَ دئیئے و
آییئے دۆستێنان هما پئیما کنئے که رمێز و ورۆکَ کنت.
سدّک آن که انسانئے زِند ساه و دمے گێش نهاِنت. اۆشت...
12”او هُداوند! منی دْوایا بِشکن و
په کُمکا منی پریاتئے نێمگا دلگۆش کن،
ارسانُن مشمۆش و بێتئوار مبئے.
چیا که تئیی گوَرا مهمانێئے پئیما آن،
دَرامدے، وتی پت و پیرێنانی ڈئولا.
13وتی گَزبا چه من دور کن،
تان چه جهانئے یله کنگا پێسر پدا گَل ببان.“
Currently Selected:
زَبور 39: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
