I Timoteo 5
5
Kitondo kia Bakungu nu Bakikulu Misigala.
1Ntuzugile mukungu, tondo muane anga so; nu ana basikila anga babitu bobe: 2nu bakikulu bakungu anga banyoko; nu bakinga anga babitu bobe, mu kuisanana kunsania. 3Wanze misigala zili misigala za lebelebe. 4Tondo ndi musigala eli na bana aba bayukulu, nti balinge kuanza kikanga kiabo bobenyene, nu kukunga bababuta busoga: kubuno bubuno buasuaga ku Kalaga. 5Tondo we uli musigala wa lebelebe, nu kusigala wenyene, ekubika kilemanizio kiage ku Kalaga, nu eli na komanizia mu masego nu kusega mu musi nu kindi. 6Tondo we uteizugila akua, aba nu ekili na kalamo. 7Kakizia bitondo bibino, buno tababe na kabalibango. 8Tondo ndi muntu ntekulanga bage, nu kulinga tanga na babo ba kikanga kiage, nti ekutuna bukatizio, nu eli mubi kutinga wozo utakatizia. 9Musigala ntasanzue ndi miaka zage tazakuka makumi mutuba, nu we abezaga mukikulu wa wamulume umozi, 10nuwe alumbibue na misako misoga; ndi akuzizie bana, nu ndi asekede bageni, nu ndi ogezie magulu ma basuagibua, nu ndi akungile bababalagua, nu ndi ayangile kitondo na kitondo kisoga. 11Tondo ntusanze misigala zakuilagua ndi tabeli bakungua, kubuno kungua lutundo lubi luabavuila nti basiga Klisto, nti batunda kusongua; 12nu bubo basungibua, kubuno beidekanukia na bukatizio buabo butangi buidagano. 13Nu lingo bakuibika basosu, nu bekutingatinga ku numba na numba; aba ta basosu tugu, tondo balabazi nu bekusongekania bango, nu bekutenda bitondo bitakulungana. 14Umpanga nkutunda misigala beteli bakungu basongue, babute bana, nu bakite mulimo ku numba zabo, buno muiti ntabalinganie: 15kubuno bamozi bese basila kugaluka nu kuyanga Satana. 16Ndi mukikulu mukatizia eli na misigala, nti azikasia, ekelezia talizilange, buno likasie babo beli misigala lebelebe.
Mulimo wa Bakulu.
17Bakulu bekuangata busoga banzue buno batananina kuanzua nunse, nu lebelebe babo bekusambala musagu musoga nu kuigisia. 18Kubuno isanzo likutenda bune, Ntukande kanua ka ngombe gazikunyanta mumpunge. Nu, Mukiti wa mulimo atananina kuligua ku mulimo wage. #Dutelenome 25:4. 19Ntuzige mukulu asongelua, umpanga ku kutenda kua balongeki babili aba basatu. 20Babo bekuaga bazugile ku bango bantu bansania, buno bango nti bakua boba. 21Nkukukakizia ku Kalaga, nu ku Klisto Yesu, nu ku migenzi basombolua, buno ulange kukakizia kukuno, ntusombe umozi nu kukutia ungo. 22Ntusasie kubika maboko ku muntu, aba ntugomie na bango bantu mu misako zabo za buagi; tondo widange buno wisanane. 23Ntunuage mazi kankanka, tondo nti ukunua mazi ma biguma ta meingi ku kabamba ka nda zobe nu nsambo zikusambaga nazo mambizi meingi. 24Misako za buagi bua bantu bamozi bukumenyagua na bango bantu, bukubenzia ku Iusungio; nu bango bamozi misako zabo za buagi zikubayanga kumbusa kuabo. 25Nu anga bubo makitilo masoga ma bamozi makumenyua, nu mamo matakumenyua tamanabisua.
Currently Selected:
I Timoteo 5: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
