I Timoteo 4
4
Bango baKlisto Bekeidekanukia na Kalaga.
1Tondo Muuza ekutenda buligo, mu nkiko zakuzinda, buno bantu bamozi bedekanukie na bukatizio, kunguilila ku miuza za buengelezi nu ku meigisia ma basumbu, 2mu buengelezi bua bantu bekuekaga buza, tulenganio nti tuseli anga tuasisoa na kiuma; 3bekunania buno bantu basonge, nu kubakakizia kugila idia, liabumbile Kalaga likatue ku kusima na babo bekukatizia nu bekumenya bulili. 4Kubuno na kibumbua na kibumbua kia Kalaga nti kisoga, aba takuli kinasombua, ndi kiakatua ku kusima: 5kubuno kiasuagibua neidagi lia Kalaga nu ku kusega.
Timoteo Idange Busoga.
6Kungua wakengelezia mibuto zeitu bitondo bibino, nti wabe mukiti musoga wa Klisto Yesu, nu nti wagomie na malagi ma bukatizio, nu ma meigisia masoga ma wigisizibue aba nu kano kaluma: 7tondo somba misumo za bakungu ba bakikulu. Ikokomezie ku kuanza Kalaga: 8kubuno kulonda magala ma mubili kuli kusoga, tondo kuanza Kalaga kuatinga bitondo binsania, kubuno kuli idagano lia kalamo ka kano kaluma, nu lia kako kakaba. 9Uli musagu watananina kukatizibua nu watunganana kuitabizibua nunsania. 10Ku bubuno tukukita mulimo nu tukuluana, kubuno tukulemanina Kalaga uli mulami, uli Monia wa bantu bansania, lebelebe wa babo bakatizia. 11Bibino ubikakizie nu ubigisie. 12Muntu ntakubenge buno uli muana; tondo ube kalolesio ku babo bakatizia, mu kutenda, nu mu muendezi, nu mu lutundo, nu mu kuisanana, nu mu bukatizio. 13Aba nu ganavue, ba na komanizia ku kusoma, nu ku kuana, nu ku kuigisia. 14Ntusige lukaso luguli nalo, luwakasilue ku bulengania, ku kubikua kua maboko ma bakulu. 15Ukengele bitondo bibino, wikale mubio; buno misako zobe zisuage ku bantu bansania. 16Widange uwenyene, nu ku meigisia mobe; bikitage; kubuno ku kukita bubuno wiyonie uwenyene, nu bango bongule ku meigisia mobe banona.
Currently Selected:
I Timoteo 4: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
