Luka 24
24
Erilubuka ryaYesu
1Nikwa oko kiro kyeritsuka, omo karokaro, mobaya okwi sinda, bakatwala manukato ago bakokotaya. 2Mobeya eribwe iryabirikumbagaribwa erilwa okwisinda, 3nikwa babere bingiramo mobatabanamo omubiri woMukama Yesu. 4Nomugulu batikatika busana nomwatsi oyu lebaya, abandu babiri mobahangana aho bari ibambite esyongimba sikangabenie; 5nomugulu bubaha neriunamya amasu wabo oko kitaka, abandu abo mobabwirabo bati, Busana naki mukasonderaya oyu riho omukati-kati kabaholi kwehi? 6Siari hano, nikwa abirilubuka: mwibuke ngoko ababwira, akiri eGalilaya 7ati, OMugala womundu atolere erihoterwa omo byala bya bakola nabi, neribambwa, noko kiro kyebisatu inialubuka. 8Nabo mobibuka ebinywa biwe, 9nerilwa okwisinda mobasubula mobabwira erikumi nomuguma nabandi bosi emyatsi yosi. 10Ababwira abakwenda emyatsi eyi babya Maria Magdalene na Yoana, na Maria nyinya wa Yakobo nabandi bakali babya hagu ma nabo; 11nikwa ebinywa ebi mobyabya ngengulu buyira, mobatikiriryabyo. 12Nikwa Petero mwahangana, mwatibita eriya okwisinda; munama mwakengemereramo, mwalangira esyongimba syemisohe isine isyosyene neryo mwasuba ewuwe iniakaswekera ebyabere.
Abiga beEmao
13Neryo oko kiro ekyo ababiri bakubo babya bakagenda oko kayi kahulawa mo Emau olugendo lwe kilometres ngikumi nebisatu erilwa eYerusalema. 14Ibakakanaya haguma emyatsi yosi eyabere. 15Babere banemokania haguma, Yesu mwasegera hakuhi mwagendania nabo. 16Nikwa ameso iniabirikagwa erimuminya, 17neryo mwabuga nabo ati, Ebyo mukakanaya munemogenda ni bihi kwehi? Nabo mobimana ibane nobusu bwobulige. 18Muguma wakubo, oyu kahulawa mo Kleopa, mwamusubirya, ati, Kwe ni nawe wowene oko bageni eYerusalema utasi ebyabere omo biro ebi kwehi? 19Neryo mwa bulyabo ati, Ni bihi kwehi? Nabo bati, Ebya Yesu we Nazareti; oyo wabya muminyereri wamaka omo mubiri nomo binywa embere syoMungu nabandu bosi, 20kandi ngoko bahereri bakulu betu nabarongani mobamuhotere eritswerwa ryoluholo nerimubamba. 21Nikwa itwe twabya na maha tuti yukandisyatongolya Israeli. Ega, na kandi lino ni kiro kyebisatu enyuma waho byabiribera. 22Kandi, abandi bakali bomo ndeko yetu bamatuswekya. Balwe okwisinda mwangyakya ngyakya; 23mobateteyamo omubiri wuwe, mobasubula bati, bamalola oko bamalaika omo bulime, abariabuga bati, aneho. 24Nabandi abo twabya nabo mobakagenda okwisinda, moba kegaya iko bine ngoko abakali bariabuga; nikwa iye mobatamu lolako. 25Naye mwabwirabo ati, Inywe bandu bikiru, abolo omo mitima okwikirirya ebyosi abaminyereri babuga! 26Si kyabya kitolere Kristo iniaga wa omo myatsi eyi neriingira mo lukengerwa luwe kwehi? 27Neritsuka oko Musa nabaminye reri bosi, mwabindurirabo e myatsi eyiri omo masako busana naye. 28Neryo mobasegera hakuhi na kayi ako bayako. Naye mwabya nga kalabira embere 29nikwa mobamuhatikana bati, Wikale netu kusangwa erigologolo riri hakuhi bukahombera. Neryo mwingira eriikala nabo. 30Abere anikere okwirya haguma nabo, mwimya obundu mwatsumulabo, mwatwabo, mwahabobo. 31Nameso wabo mwalibulwa mobamuminya; neryo mwaburilana omo meso wabo. 32Mobabwirana bati, Emitima yetu mwitetahuhana omwisi wetu akakania netu omo nzira, omugulu ariabindula amasako busana netu kwehi? 33Mobahangana oko ndambi eyo mobasuba eYerusalema; mobeya erikumi nomuguma ibahindene haguma na babya nabo, 34ababuga bati, oMukama abirilubuka kwenene, abiriminyi kala ku Simoni! 35Neryo mobakaniryabo ebyabya omo nzira, kandi ngoko mwaminyikala kubo omwitwa ryobundu.
Yesu mwayikangya oko biga
36Omugulu babya bakabuga ebyo, Yesu mwahangana omukati-kati kabo ati, Obuholo bubye kwinywe! 37Nikwa mobasisira mobubaha, mobaringikania bati bamalola oko kirimu. 38Nikwa mwabuga nabo ati, Busana naki mukahahu kaya omutima, kandi busana naki mukatikatika omo mitima yenyu kwehi? 39Mulebaye ebyala byage nebisandu byage, kwari ini nangye; munyimamate mulangire; kusangwa ekirimu sikiwite omubiri namakuha ngoko mukalola inyinawite. 40No mugulu abibuga ebi, mwakangyabo ebyala biwe nebisandu biwe. 41Nomugulu bakine batebikirirya busana nobutseme, mobasweka, mwabuga nabo ati. Muwite ekyerirya hano kwehi? 42Mobamuha ekitswe kyerihere ekihukire (nobuki bwomu kisese), 43Neryo mwimyakyo mwaryakyo embere syabo. 44Kandi mwabuga nabo ati. Ebi bye binywa nababwira, nyikine haguma nenyu, ebyosi byasakawa busana nage omo bihano bya Musa na baminyereri nomo syosauma bitoke eri bererera. 45Neryo mwalibula amaringikania wabo eriminya amasako, 46neryo mwabuga nabo ati, Kisakire, kiti Kristo atolere eriagalwa noko kiro kyebisatu inialubuka oko baholi, 47neribinduka neribuyira ryebibi ibyakangiriribwa omo rina riwe oko bihanda byosi, eritsuka eYerusalema. 48Nenyu muri abalangiri bemyatsi eyi, 49Kandi lebaya, ngabatumira erilaga ryaTata wage; nikwa mulinde omo muyi erihika aho mwasya mbalibwa akagala erilwa endata,
Erihetukira elubula
50Neryo mwasondolyabo eyihya erihika eBetania, mwa sumbira ebyala biwe byendata mwahabo omuyisa. 51Neryo abere anemohabo omuyisa, mwayigabula kubo mwatwalwa elubula. 52Kandi mobamukukamira neryo mobasuba eYeru salema nobutseme bunene, 53Kandi mobasiba omugulu gosi omo hekalu nerikenge Mungu.
Currently Selected:
Luka 24: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.