Yoane 20
20
Erilubuka rya Yesu. Olugendo lwa Maria okwisinda
1Noko kiro kyeritsuka kyeyenga Maria Magdalene mwasa okwisinda omo ngyakyangyakya omwirimya iniakineyo, mwalangira eribwe iryabirilusibwa okwisinda. 2Neryo mwa tibita, mwaya iri Simoni Petero, nogundi mwiga oyo Yesu anzire, mwabwirabo, ati, Balusirye oMukama omwisinda, sitwasi aho bamuhirire. 3Neryo Petero nogundi mwiga oyo mobaya okwisinda. 4Mobatibitira iguma: nogundi mwiga mwalengya Petero yamagulu, mwatsuka erihika okwisinda; 5neriunama mwasamariramo, mwalangira esyongimba isini kirye; nikwa mwatingiramo. 6Simoni Petero mwahikaho, inianamukwamire, mwingira omwisinda; naye mwalangira esyongimba isinikirye, 7nekihande kyolukimba, ekyabya okomutwe, isikikirye haguma nesyongimba syemisohe, nikwa ikilingire huwakyo. 8Neryo ogundi mwiga oyo mwingira oyo watsuka erihika okwisinda, mwalangira, mwikirirya. 9Kusangwa isibebaminya amasako, kwatolere erilubuka oko baholi. 10Neryo abiga mobasuba oko wabo.
11Nikwa Maria abya imene okwisinda akarira: neryo abere enemorira, munama mwasamarira omwisinda; 12mwalola oko balaika babiri ibambite nyeronyero ibanikere, muguma aho bisegemo, nogundi aho bilambiryo, aho omubiri waYesu abya agotseribwe. 13Nabo mobamubulya, bati, Mukali, ukarira busana naki kwehi? Naye mwabwirabo, ati, Kusangwa batwere Mukama wage, nage sinyasi aho bamuhirire. 14Neryo ama bibuga atya, mwakeba, mwalola oko Yesu inianimene, isiasi kwari ini Yesu. 15Yesu mwamubulya ati. Mukali, ukarira busana naki kwehi? ukasondayandi kwehi? Naye, iniakagani raya ati yo mulimi weririma, mwamubwira ati, Mukama, wamabya ini we wamutwere handi, umbwire aho wamuhirire nage ngandimuheka. 16Yesu mwamubwira, ati, Maria. Naye mwamukebera, mwabuga naye omo kiEbrania ati, Raboni; riringene neribuga riti, Mukangirirya. 17Yesu mwamubwira ati, Sunyituleko; kusangwa sindinahetukira ewa Tata; nikwa ugende uyabwire abagala betu, ubuge uti, Namahetukira ku Tata wage na Tata wenyu, noko Mungu wage noMungu wenyu. 18Maria Magdalene mwagenda mwayabwira biga, ati, Nabirilola oko Mukama; kandi ngoko akanaya naye emyatsi eyo.
Abakwenda butsira Toma
19Nikwa omwigolo, ryekiro ekyo, ekyo kyeritsuka kyeyenga, omugulu esyonyuyi syabya isyamabikingwa aho abiga babya busana neriubaha baYuda, Yesu mwasa mwahangana omukati kati kabo, mwabwirabo, ati, Obuholo kwinywe. 20Neryo amabibuga atya, mwakangyabo ebyala biwe nolukanga luwe. Abiga mobatsema omugulu balola oko Mukama. 21Neryo Yesu mwaswabwirabo, ati, Obuholo kwinywe: ngoko Tata anyituma, nage kongabatuma nyitya. 22Amabibuga atya, mwahumulira kubo, ati, Mwangirire eKirimu Kibuyirire: 23abo bosi mwasyabuyira ebibi ibyamabibuyirwa kubo; nabo bosi, mwamabyegeka kwebibi byabo, ibyamabyegekwa kubo.
Abakwenda haguma na Toma
24Nikwa Toma, muguma wokwikumi na babiri, iniakahu lawa mo Muhasa, syabya haguma nobo omugulu Yesu asa. 25Neryo abandi biga mobamubwira bati, Twabirilola oko Mukama. Nikwa mwabwirabo, ati. Namatindalola oko syo ngolu syesyotutu omo byala biwe, nerihira omunwe wage omo ngolu yesyotutu, nerihira ebyala byage omo lukanga luwe, sindiendisikirirya.
26Nenyuma webiro munani kandi abiga babyamo, na Toma haguma nabo. Yesu mwasa, esyonyui isinakingire, mwahangana omukati-kati kabo, mwabuga ati, Obuholo kwinywe. 27Neryo mwabuga na Toma, ati, Leta omunwe wawe, ulebaye ebyala byage; leta ebyala byawe, uhirebyo omo lukanga lwage: subye butsira erikirirya, nikwa ubye iwikirirye. 28Toma mwamu subirya, ati, Mukama wage noMungu wage. 29Yesu mwamu bwira, ati, Kusangwa wabirinyilolako, wamikirirya: ni batsu mulwa abakikiriraya batebalangira. 30Nikwa ebindi bitikotiko bingi Yesu mwakola embere yabiga buwe, sibyetasakwa omu kitabu eki: 31nikwa ebi bisakire, imwikirirya ko Yesu ari Kristo, Mugala woMungu; nerikirirya imwabya nengebe omo rina riwe.
Currently Selected:
Yoane 20: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.