Mateus 1
CBSBR

Mateus 1

1
Jesusũ shenipabu eska tanakubirãpaunibukiaki, na hãtxarã
(Lc 3.23-38)
1Abraãonẽ baba inũ Davĩ baba Jesus Cristõ shenipabukiri matu yuinũ nĩkairakãwẽ.
2Abraãonẽ bake betsarã, Isaque inikiaki.
Isaquẽ bake betsarã, Jacó inikiaki.
Jacõ bakeburã, Judá inũ hawẽ betsabu inibukiaki.
3Judã bakeburã, Perez inũ Zerá inibukiaki, hatũ ewã kenarã, Tamarrã.
Perezĩ bake betsarã, Esrom inikiaki.
Esromnẽ bake betsarã, Arão inikiaki.
4Arãonẽ bake betsarã, Aminadabe inikiaki.
Aminadabẽ bake betsarã, Naassom inikiaki.
Naassomnẽ bake betsarã, Salmom inikiaki.
5Salmomnẽ Raabe aĩwãtã bakewa hatũ bake betsarã, Boaz inikiaki.
Boazĩ Rute aĩwãtã bakewa hatũ bake betsarã, Obede inikiaki.
Obedẽ bake betsarã, Jessé inikiaki.
6Jessẽ bake betsarã, shanẽ ibu Davi inikiaki. Hanua Urias mawakẽ Davĩ Uriasĩ aĩ bishũ bakewa hawẽ bake betsa Salomão inikiaki.
7Salomãonẽ bake betsarã, Roboão inikiaki.
Roboãonẽ bake betsarã, Abias inikiaki.
Abiasĩ bake betsarã, Asa inikiaki.
8Asã bake betsarã, Josafá inikiaki.
Josafã bake betsarã, Joram inikiaki.
Joramĩ bake betsarã, Ozias inikiaki.
9Oziasĩ bake betsarã, Jotão inikiaki.
Jotãonẽ bake betsarã, Acaz inikiaki.
Acazĩ bake betsarã, Ezequias inikiaki.
10Ezequiasĩ bake betsarã, Manassés inikiaki.
Manassésĩ bake betsarã, Amom inikiaki.
Amomnẽ bake betsarã, Josias inikiaki.
11Hanushũ nawabũ Israelbu hatu dayamakatsi atxishũ Babilônia anu hatu iyunibu
Josiasĩ bakeburã, Jeconias inũ hawẽ betsabu inibukiaki.
12Hanua Babilônia anu hiweabũ Jeconiasĩ bake betsarã, Salatiel inikiaki.
Salatielĩ bake betsarã, Zorobabel inikiaki.
13Zorobabelĩ bake betsarã, Abiúde inikiaki.
Abiúdẽ bake betsarã, Eliaquim inikiaki.
Eliaquimnẽ bake betsarã, Azor inikiaki.
14Azorĩ bake betsarã, Sadoque inikiaki.
Sadoquẽ bake betsarã, Aquim inikiaki.
Aquimĩ bake betsarã, Eliúde inikiaki.
15Eliúdẽ bake betsarã, Eleazar inikiaki.
Eleazarĩ bake betsarã, Matã inikiaki.
Matãnẽ bake betsarã, Jacó inikiaki.
16Jacõ bake betsarã, Mariã bene José inikiaki.
Hanua Mariã bake betsarã, Jesus inikiaki, kenakĩ Messias Cristo nũ amisrã.
17Hanua Abraão anua hatũ ibuwẽ pakea 14 shenipabu hiwekubiranaibutiã hanua Davi kaĩnikiaki. Haska inũ, Davi anuari ana hatũ ibuwẽ pakea 14 shenipabu hiweabutiã nawabũ hatu atxitã dayamanũ, iwanã, Babilônia anu hatu iyunibukiaki. Hanua hatu iyunibu anuari ana hatũ ibuwẽ pakea 14 shenipabu hiweabu anuri Messias Cristo kaĩnikiaki.
Haskatã Jesus kaĩnikiaki, na hãtxarã
(Lc 2.1-7)
18Jesus Cristo kaĩ eskanikiaki. Matu yuinũ nĩkakãwẽ. Hanua Maria aĩwãkatsi ikĩ hawẽ epa Josẽ yukaima bimariamakẽ Deusũ Yushĩ Pepatũ huni bake naneima Mariã unãyã, 19hanua Maria ma tuya hawenabũ nĩkatã José yuiabu Maria ana aĩwãkatsi ikamabia huni pepakĩ haska yura dasibi bebũ Mariakiri txanikĩ dake wakatsi ikama habe yubakaima hune heneshanũ, iwanã, 20xinãkubaini usha namaya Deusũ nai tsumã yuikĩ: “Joséẽ, miarã, mĩ Davĩ babaki. Mia yuinũ nĩkairawe. Deusũ Yushĩ Pepatũ Maria bake naneimawẽ taea hawẽ datei hawa dakeama aĩwãshãwẽ. 21Ha huni bake kaĩtã ewatã hawenabu Deuski petxia txakabumisbu hau hatũ ana Deus txibanũbũ hatu merabewashanaiwẽ taeshũ kenakĩ: ‘Jesus’, washãwẽ”, aka Josẽ haska nĩkatã xinãnikiaki.
22-23Haska Jesus kaĩtã bebũkiri haskanũbariai hawẽ hãtxa yuishunika Isaías Deusũ yuikĩ:
“Uĩa. Hunĩ txutariama txipaxã bake bima
huni bake kaĩyã kenakĩ: ‘Deus nukube hiweaki’,
ashãkanikiki, Hebreu hãtxawẽ, ‘Emanuel’, wakinã”,
aka nĩkatã kenenikẽ habias haska dasibi bebũkiri inũbariai txanini Deusũ shabakabi hatu unãmaniki, haska hawẽ hãtxa yuishunika kenemani keska menekinã.
24-25José usha bestẽtã haska nai tsumã yuishu hawẽ hãtxa txibãkĩ Josẽ Maria bikĩ aĩwãtã habe daratamebiashũ txutariamakẽ hawẽ bake kaĩa Josẽ kenakĩ: “Jesuski”, anikiaki, nai tsumã yuima keska wakinã.

NT © 1980-2006, Wycliffe Bible Translators, Inc.

OT portions © 2006, Wycliffe Bible Translators, Inc.


Learn More About Kaxinawá Bíblia (BR)

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.