Mâki Tuɛ mɛni ƃóɔɔ
Tuɛ mɛni ƃóɔɔ
Mâki è Duŋ Lɛ́lɛɛ kɔlɔi ŋí pɔ̃yɛɛ kɔ́ɔ pìlaŋ a ŋ̀óo ɣɛli kpuai ŋí, “Zîsɛ Kôrai káa a Ɣâla ǹóŋ. Ǹyaa ƃé Duŋ Lɛ́lɛɛi ŋí pîlaŋɔɔi ma.” Tíi káa gbonôi, wála-wala-laa kɛ́ ƃò ǹyêei. Nûa da ŋɔwála-wala-laai kâa ŋɔsɛŋ lɛ́ɛi su. Wála-wala káa ǹyêei ǹyînaŋ nyɔ́mɔɔ-ŋa mɛi, gɛ́ nûa su-mɛni lɛ̀ɛ zɔnyɔ̂ŋ-ŋai da gɛ̂i m̀ɛni ma. Zîsɛ a m̀o ǹyaa kpîŋ a gɛ́ɛ gáa a Ɣâla Ǹóŋ. È pà a gɛ́ɛ é ŋɔfúlu-laai tɛ́ɛ a gɛ́ɛ é nûa ŋuŋ ma ƃó dí kúla dísɔnyɔ̂ŋ-ŋai su.
Mâki è Zîsɛ mɛni pɔlɔi ŋí ŋáa lɛ̀ kpɔ́ a zu-ponoɔɔ, a wála-wala pere. Vé lóno ní nɔ́ é pîlaŋ ŋ̀óo-ŋai dîa Zîsɛ è mòi da ŋɔsɛŋ lɛ́ɛ-ŋai. Kɛ́lɛ è lòno kpɔ́ a gbanaŋɔɔ é pîlaŋ m̀ɛni-ŋai è gɛ̀i dîa. Gɛ́ɛ a Batâi kɛ́-nûui Zɔ̂ŋ maa mɛni pɔlɔi pɔ̃yɛɛ̂i, Zîsɛ ŋɔbatâi kɛ́ mɛni pɔlɔi da berei dɛ̂ƃelei è Zîsɛ su-kɔɔŋ lai, è pɛ̀lɛ m̀ɛni pɔ̂lɔi pɔ̃yɛɛ̂i nyii bîlaŋɔɔi berei ma Zîsɛ è nûa ƃàlo lai da berei è sɛŋ lɛ̀ la ǹûai diai. Ɣele kpɛ́-kpɛ̂ɛ tɛɛ pôlu ma, Zîsɛ ŋɔpôlu-ƃélaâi dí pɛ̀lɛ tárei m̀ɛni-ŋai su è kɛ̀ ǹɛ̂i diai. Kɛ́lɛ diai kɛ̀ a dítɔɔ Zîsɛ mai dí ŋɔ́nɔ díkpîŋ kpɛ̀tɛ a gɛ́ɛ dí mɛni nyɔ́mɔɔ kɛ́ la. Gɔlɔ-ŋuŋ gbɛɛ ŋá-ŋai è bɔ̃yɛɛ̂i dípîlaŋɔɔi m̀ɛni-ŋai dîa Zîsɛ è gɛ̀ ŋɔkɛ-ɣéniɛ lɔɔ kûui gbɛɛ ŋái sui, ŋ̀uŋ kpîŋ ƃa berei dí gbàmo la ŋ̀úru su-tíyeŋɔɔ̂i mai, é sáa dí ǹoo, é m̀u-siɣe saa yêei.
Gɔlɔi ŋí kpɛɛ ŋá woo-ŋai da ǹɛ ǹyɛɛ ǹyaa ƃé gɔlɔi pɔ̃yɛ nûu káa a núu da kpɛ́ni, kɛ́lɛ Mâki fêi. Ǹyaŋ káraŋ tínaŋɔɔ̂i maa woo kpului ma.
M̀ɛni-ŋûŋ-ŋai gɔlɔi ŋí sui
Duŋ Lɛ́lɛɛi kɔ́ɔ pîlanii (1:1-13)
Zîsɛ è ŋɔtíi kɔ́ɔ pìlaŋ pono ŋá Galalii (1:14--9:50)
É kúla Galalii é lí Zerusâlɛŋ (10:1-52)
Ǹɔ́ɔ kûui gbɛɛ ŋái Zîsɛ è gɛ̀ Zerusâlɛŋ da naa kɔlɛ ma kpiniŋ sui (11:1--15:47)
Zîsɛ ŋɔmu-siɣe saa yêei (16:1-8)
Ǹúu-namui mu-síɣeɛɛ saa yêei, é kúla nûa ŋɛ́i, é tɛ́ ɣâla-taai (16:9-20)
Currently Selected:
Mâki Tuɛ mɛni ƃóɔɔ: KWB
Highlight
Copy
Compare
Share
Want to have your highlights saved across all your devices? Sign up or sign in