Litoonl 13
13
Baah gann Banabasi nin Sɔɔl wee ki tun bi man
1Antiɛg a tiŋin, biwonjiɛm a laguŋ nan jɔɔ bilinlem nin ban wɔɔnn: Bi nan yi bi ke Banabasi nin Simiɛn wan a yinl ji nan ye Naga, nin Lusiɛsi, wan nan nyan Sarene, nin Manann (wan wee bi nan lagin ki wubir nin Galilii a bɔrbig Herɔd) nin Sɔɔl. 2Baah nan be jiɛn Uwonbɔr ki lolig imɔɔŋin, le Kasi a Naaŋ nan bei bi ke, “Ni nyam Banabasi nin Sɔɔl, wee bin tun itoon yan wee N yin bi ke bin tun ni.” 3Le bi lol imɔɔŋ ki miɛ Uwonbɔr, ni bɔɔn bu le bi ta bi nɔɔi paan bi bu, le ki che bi jon.
Saipuru a tiŋ a bɔr
4N-yonn nmɔn le Kasi a Naaŋ nan ta bininfob bilee nmɔn ki nyan nsan bu, le ki che bi jon Selesiya ki tan kɔɔ kuŋaluŋ niin ki jon Saipuru. 5Baah nan foo Salami nan, le bi kɔɔ Juu yaab a wonjiɛndirin le ki mɔɔn Uwonbɔr a bɔr ki tenn bi. Jɔnn le nan be bi ban ki ter bi.
6Le bi choon ligungonl lan be nnyum a sisiigin nmɔn ki tan foo Pafosi. Nin yaan le bi nan kan unyɔgdaan u ba, u yinl nan ye Bar-Yisa, u nan ye Juu yaab a ninfou le ki mal ke u ye Uwonbɔr a linlenu le, 7u nan be ubɔr yudaan ban le, ubɔr nmɔn a yinl nan ye Seregu Pɔɔlu, u nan ye ulandaan le, le ki yin Banabasi nin Sɔɔl ke bin nan pag Uwonbɔr a bɔr wee un gbir. 8Amaa le unyɔgdaan nmɔn, wan a yinl ji ye Elimasi, Girig a leen yin nin, nan pɔɔn u ba ke un ŋɔɔr ubɔrin wee un la ŋa yada. 9Le Sɔɔl wan a yinl ji ye Pɔɔl nan gbee nin Kasi a Naaŋ, le ki lig unyɔgdaan nin chiim ki ke, 10“A ye ulinlar a big le, ki ye nan ŋan biɛn a dataag! A gbee nin kularug le iyoo biɛn nin nbiin. A li jiɛn ki laa labir Uyudaan a bamɔn yin ki ŋa ti tibɔkaraa? 11Daandaan nan Uyudaan li dar a tul. U li che a jɔɔn ki nin yuur ke ŋaa la kan nween ni.”
Libol nmɔn, le liŋunl nin libunbɔnl jiirin u bu, le u nin choon tulin, ki ban u ba n da u. 12Ubɔr uyudaan nin kaah kan nan tun nin, le u ŋa yada, nan bu-n waah nan kan ntinnim man nyan Uyudaan ban nin le ni ŋa u ligaril.
Antiɛg kan be Pisidiya a tiŋin nin a bɔr
13Baah nan nyan Pafosi nan, le Pɔɔl nin u ninɔɔtab kɔɔ kuŋaluŋ ki jon Pega kan be Pamfiliya a tiŋin nin, nin yaan le Jɔnn jiɛn bi ki jir Jerusalam. 14Le bi nyan Pega, ki jon Antiɛg kan be Pisidiya a tiŋin nin. Le likpakɔɔl daal foo le bi kɔɔ kuwonjiɛndiigin ki ka. 15Baah karin Moziz a siim nin Uwonbɔr a linlem a sɔbim n-yaan a bɔɔn bu, le kuwonjiɛndiig nmɔn a ninkpeeb bei Pɔɔl nin Banabasi ke, “Ti na a bum, ni ye ke ni jɔɔ tibɔŋann tan wee ni yin pag pɔɔg ti gbanann ke, ni paga.”
16Le Pɔɔl fii sir ki don u nɔɔ le ki piin pag ke, “Nim Iziral yaab nin nim ban kaa ye Juu yaab ki jiɛn Uwonbɔr nan, ni pelim man! 17Iziral yaab, a Wonbɔru le gann ti yaajamin ki che bi pɔr takpem, n-yonn man wee bi la nan be Ijibir a tiŋin nin, le Uwonbɔr ta u pɔɔm ki nyan bi kitiŋ nmɔn yaan. 18Le Uwonbɔr nan ta limɔril ki ŋmag bi kukunkɔɔg bu ibin pina, 19le u bii ibol ilile yan be Kenann a tiŋin nin, le ki che u tɔɔl a ninfob gaa kitiŋ nmɔn le ki kpann bi faal. 20Ibin kobina nin piŋmu a sisiigin le ni niɛ biɛn nan tun.
“Ni bɔɔn bu le Uwonbɔr sei bi bibɔjib le bi ŋmag ki tan kpaa ulinlenn Samɔɔl a yonn. 21Le bininfob nan nan bei Uwonbɔr ke un sei bi ubɔr, le Uwonbɔr gann Sɔɔl, wan ye Kisi a bija nan, u nan ye Bɛnjamɛnn a bol a ninfou le, le u ŋmag nnaam nmɔn ki tan kpaa ibin pina. 22Ni bɔɔn bu le u nan pir Sɔɔl a naam nmɔn, le ki jin Defid. U nan pag Defid a bɔr ke: ‘N kan Defid wan ye Jesi a bigin le N num gbee; nan bu-n u li tun nan biɛn wee n ban.’
23Uja nan a yaabili ni, le Uwonbɔr nyan Yisa wan ye ufeerin, ke un fee Iziral yaab ki jaa, ke waah nan siin limɔsiinl man nin. 24Amaa Jɔnn le nan chinn dan ki nan mɔɔn ki sei Iziral yaab biɛn ke bin kpenn bi binbema, wee un fu bi Uwonbɔr a nyunful. 25Jɔnn kaah nan nan be diɛr u toon nni, le u baan bi ke, ‘Ni tiɛr ke n ye ŋmiɛ? Maa ye Uma. Aai, amaa Uwonbɔr a Masiya wan yin ŋɔɔrin n bɔɔn ki dan nin, maa kpaan nin n gbin u naatagi a ŋmimi.’
26Le Pɔɔl ji len ke, “N nabum, nim ban ye Abiraham a yaabili, nin nim ban kaa ye Juu yaab wee ki san Uwonbɔr nan, tim bu le bi ta feegab a bɔrin ki sein. 27Jerusalam yaab nin biyudam kaa nan biɛ Yisa, nin nima biɛn ni, bi nan ku u le ni gbeen bilinlem a bɔr tan wee bi jɔɔ karin likpakɔɔl daal biɛn nin. 28Hali baah kaa le nan kan u bir tan kpaan nin bin ku win, le bi bei Palati ke un ku wa. 29Baah nan ŋa Yisa man ki diɛ ke Uwonbɔr a gbɔŋ kaah wɔɔn man nin, le bi tabir u lidapunpunl bu, ki ta u pii kukaagin. 30Amaa le Uwonbɔr fiin u nkumin, 31le ban nan nɔɔ u ki nyan Galilii ki chaa Jerusalam nan, ni nan ga u le idaa biɛn. Daandaan nan bi ma nin ye u siɛra jib ki sei ti ninfob. 32Ti bei ni tibɔŋann nin le: Tan wee Uwonbɔr nan siin limɔsiinl ki sei ti yaajamin. 33#Ilan 2:7 U gbeen limɔsiinl nmɔn ki sei tim ban ye bi yaabili n na ki fiin Yisa nkumin na. Ke naah sɔb ilan yan kpiɛ milee n yaan ke:
‘Fin le ye N bija;
dinan le N ŋa a baa.’
34 #
Azaya 55:3
Ibamɔn ke Uwonbɔr nan fiin u nkumin na, le waa buri, ni piin imɔbon nan yaan le:
‘N yin ta tikaar tan ye kasi a kaar tan wee N nan siin limɔsiinl ki sei Defid nan le.’
35 #
Ilan 16:10
Man le ni ji nan sɔb kugbɔŋ nan a niba yaan ki len ke:
‘Ŋaa li che a poopendaau a gbanann n bur kukaagin ni.’
36“Defid nan tun nan wee Uwonbɔr wɔɔn u ke un tun u tɔɔl a yonn nin le, ni bɔɔn bu le u kpo; le bi pii u u yaajam a karin, le u gbanann bur. 37Amaa wan wee Uwonbɔr fiin u nkumin nin, u gbanann kaa buri.
38“Mambu, n nabum n ban ni li nyi ke Yisa bu le tibir a jiɛn per a mɔleen yin pag sei ni. 39Wan ŋa Yisa yada ke, u daan kan nŋmarima, amaa Moziz a siim n ma, kaa li fir sei uninfo nŋmarimi. 40Ni li guu ni ba man, ki laa che bilinlem nan kaah len man nin n ji ni.
41‘Ni lig man, nim bininfob ban yɔɔl nan,
Ni che nin gar ni wee ni gbanann n kpo,
N yin tun niwann niba le idaa nan yaan,
le naa yin ŋa ni yada,
hali ni ye uba le bei ni ke gbaa.’
42Pɔɔl nin Banabasi kaah nyan kuwonjiɛndiig nmɔn yaan nin, le bininfob nmɔn balin bi ke bin pɔɔn biba wee ki nan jirin likpakɔɔl daal lan chaan nin, ki nan wɔɔn bi tibɔr nmɔn ki kpiɛ. 43Bininfobin kaah nan worin nin, le Juu yaab takpem nin ibol yan nan jiɛn bi kaal wee ki nɔɔ Juu yaab a kaalin, ni nan nɔɔ Pɔɔl nin Banabasi. Le bi pag nin bi ki balin bi ke, bi li nɔɔ Uwonbɔr nin u nyunyunbasanlin.
44Likpakɔɔl daal lan paan nin a daal kaah nan nan foo, ni nan gur wama le nin kitiŋ nmɔn a ninfob biɛn n dan ki nan gbir Uyudaan a bɔr. 45Juu yaab kaah nan kan kuninfogbaluŋin le ni ŋa bi lipiiponl, le bi pag bii Pɔɔl a wɔɔmin.
46Le Pɔɔl nin Banabasi le pag nin lipoobil ke, “Ti chinn pag tibɔr nan ki sei nim Juu yaab le. Amaa naah yii tibɔr nmɔn, ki ji tiɛr ke naa ŋan nin ni kan limiɛfol lan kaa jɔɔ ndiɛmin bu, ni ma che ti jiɛn ni, le ki chaa ban kaa ye Juu yaab ban. 47#Azaya 49:6 Uyudaan kaah ke ti ŋa man sɔ:
‘Min le ŋa ni ban kaa ye Juu yaab n yaa weem,
ke nim bu le Uwonbɔr yin fee dulinya yaab ki jaa.’
48Ban kaa nan ye Juu yaabin kaah gbir man nin, le ni mɔŋ bi, le bi sei Uyudaan a bɔr nmɔn jilima. Le ban wee Uwonbɔr gann ke bin kan limiɛfol lan kaa jɔɔ diɛmin ŋa yada.
49Le Uyudaan a bɔr nmɔn mann mɔɔn kitiŋ nmɔn a logil biɛn. 50Amaa le Juu yaab fiin bipiib ban ye biwonsam ki ye biyudam nin kitiŋ nmɔn a yudam. Le bi mugir Pɔɔl nin Banabasi ki ŋɔɔr bi ki nyan bi tiŋin. 51Le Pɔɔl nin Banabasi pir pir bi nɔɔi, ki sin yaar jon Ikoniɛm. 52Le ni mɔŋ bibɔɔnɔɔbin le bi gbee nin Kasi a Naaŋ.
Currently Selected:
Litoonl 13: KUGL
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.
Litoonl 13
13
Baah gann Banabasi nin Sɔɔl wee ki tun bi man
1Antiɛg a tiŋin, biwonjiɛm a laguŋ nan jɔɔ bilinlem nin ban wɔɔnn: Bi nan yi bi ke Banabasi nin Simiɛn wan a yinl ji nan ye Naga, nin Lusiɛsi, wan nan nyan Sarene, nin Manann (wan wee bi nan lagin ki wubir nin Galilii a bɔrbig Herɔd) nin Sɔɔl. 2Baah nan be jiɛn Uwonbɔr ki lolig imɔɔŋin, le Kasi a Naaŋ nan bei bi ke, “Ni nyam Banabasi nin Sɔɔl, wee bin tun itoon yan wee N yin bi ke bin tun ni.” 3Le bi lol imɔɔŋ ki miɛ Uwonbɔr, ni bɔɔn bu le bi ta bi nɔɔi paan bi bu, le ki che bi jon.
Saipuru a tiŋ a bɔr
4N-yonn nmɔn le Kasi a Naaŋ nan ta bininfob bilee nmɔn ki nyan nsan bu, le ki che bi jon Selesiya ki tan kɔɔ kuŋaluŋ niin ki jon Saipuru. 5Baah nan foo Salami nan, le bi kɔɔ Juu yaab a wonjiɛndirin le ki mɔɔn Uwonbɔr a bɔr ki tenn bi. Jɔnn le nan be bi ban ki ter bi.
6Le bi choon ligungonl lan be nnyum a sisiigin nmɔn ki tan foo Pafosi. Nin yaan le bi nan kan unyɔgdaan u ba, u yinl nan ye Bar-Yisa, u nan ye Juu yaab a ninfou le ki mal ke u ye Uwonbɔr a linlenu le, 7u nan be ubɔr yudaan ban le, ubɔr nmɔn a yinl nan ye Seregu Pɔɔlu, u nan ye ulandaan le, le ki yin Banabasi nin Sɔɔl ke bin nan pag Uwonbɔr a bɔr wee un gbir. 8Amaa le unyɔgdaan nmɔn, wan a yinl ji ye Elimasi, Girig a leen yin nin, nan pɔɔn u ba ke un ŋɔɔr ubɔrin wee un la ŋa yada. 9Le Sɔɔl wan a yinl ji ye Pɔɔl nan gbee nin Kasi a Naaŋ, le ki lig unyɔgdaan nin chiim ki ke, 10“A ye ulinlar a big le, ki ye nan ŋan biɛn a dataag! A gbee nin kularug le iyoo biɛn nin nbiin. A li jiɛn ki laa labir Uyudaan a bamɔn yin ki ŋa ti tibɔkaraa? 11Daandaan nan Uyudaan li dar a tul. U li che a jɔɔn ki nin yuur ke ŋaa la kan nween ni.”
Libol nmɔn, le liŋunl nin libunbɔnl jiirin u bu, le u nin choon tulin, ki ban u ba n da u. 12Ubɔr uyudaan nin kaah kan nan tun nin, le u ŋa yada, nan bu-n waah nan kan ntinnim man nyan Uyudaan ban nin le ni ŋa u ligaril.
Antiɛg kan be Pisidiya a tiŋin nin a bɔr
13Baah nan nyan Pafosi nan, le Pɔɔl nin u ninɔɔtab kɔɔ kuŋaluŋ ki jon Pega kan be Pamfiliya a tiŋin nin, nin yaan le Jɔnn jiɛn bi ki jir Jerusalam. 14Le bi nyan Pega, ki jon Antiɛg kan be Pisidiya a tiŋin nin. Le likpakɔɔl daal foo le bi kɔɔ kuwonjiɛndiigin ki ka. 15Baah karin Moziz a siim nin Uwonbɔr a linlem a sɔbim n-yaan a bɔɔn bu, le kuwonjiɛndiig nmɔn a ninkpeeb bei Pɔɔl nin Banabasi ke, “Ti na a bum, ni ye ke ni jɔɔ tibɔŋann tan wee ni yin pag pɔɔg ti gbanann ke, ni paga.”
16Le Pɔɔl fii sir ki don u nɔɔ le ki piin pag ke, “Nim Iziral yaab nin nim ban kaa ye Juu yaab ki jiɛn Uwonbɔr nan, ni pelim man! 17Iziral yaab, a Wonbɔru le gann ti yaajamin ki che bi pɔr takpem, n-yonn man wee bi la nan be Ijibir a tiŋin nin, le Uwonbɔr ta u pɔɔm ki nyan bi kitiŋ nmɔn yaan. 18Le Uwonbɔr nan ta limɔril ki ŋmag bi kukunkɔɔg bu ibin pina, 19le u bii ibol ilile yan be Kenann a tiŋin nin, le ki che u tɔɔl a ninfob gaa kitiŋ nmɔn le ki kpann bi faal. 20Ibin kobina nin piŋmu a sisiigin le ni niɛ biɛn nan tun.
“Ni bɔɔn bu le Uwonbɔr sei bi bibɔjib le bi ŋmag ki tan kpaa ulinlenn Samɔɔl a yonn. 21Le bininfob nan nan bei Uwonbɔr ke un sei bi ubɔr, le Uwonbɔr gann Sɔɔl, wan ye Kisi a bija nan, u nan ye Bɛnjamɛnn a bol a ninfou le, le u ŋmag nnaam nmɔn ki tan kpaa ibin pina. 22Ni bɔɔn bu le u nan pir Sɔɔl a naam nmɔn, le ki jin Defid. U nan pag Defid a bɔr ke: ‘N kan Defid wan ye Jesi a bigin le N num gbee; nan bu-n u li tun nan biɛn wee n ban.’
23Uja nan a yaabili ni, le Uwonbɔr nyan Yisa wan ye ufeerin, ke un fee Iziral yaab ki jaa, ke waah nan siin limɔsiinl man nin. 24Amaa Jɔnn le nan chinn dan ki nan mɔɔn ki sei Iziral yaab biɛn ke bin kpenn bi binbema, wee un fu bi Uwonbɔr a nyunful. 25Jɔnn kaah nan nan be diɛr u toon nni, le u baan bi ke, ‘Ni tiɛr ke n ye ŋmiɛ? Maa ye Uma. Aai, amaa Uwonbɔr a Masiya wan yin ŋɔɔrin n bɔɔn ki dan nin, maa kpaan nin n gbin u naatagi a ŋmimi.’
26Le Pɔɔl ji len ke, “N nabum, nim ban ye Abiraham a yaabili, nin nim ban kaa ye Juu yaab wee ki san Uwonbɔr nan, tim bu le bi ta feegab a bɔrin ki sein. 27Jerusalam yaab nin biyudam kaa nan biɛ Yisa, nin nima biɛn ni, bi nan ku u le ni gbeen bilinlem a bɔr tan wee bi jɔɔ karin likpakɔɔl daal biɛn nin. 28Hali baah kaa le nan kan u bir tan kpaan nin bin ku win, le bi bei Palati ke un ku wa. 29Baah nan ŋa Yisa man ki diɛ ke Uwonbɔr a gbɔŋ kaah wɔɔn man nin, le bi tabir u lidapunpunl bu, ki ta u pii kukaagin. 30Amaa le Uwonbɔr fiin u nkumin, 31le ban nan nɔɔ u ki nyan Galilii ki chaa Jerusalam nan, ni nan ga u le idaa biɛn. Daandaan nan bi ma nin ye u siɛra jib ki sei ti ninfob. 32Ti bei ni tibɔŋann nin le: Tan wee Uwonbɔr nan siin limɔsiinl ki sei ti yaajamin. 33#Ilan 2:7 U gbeen limɔsiinl nmɔn ki sei tim ban ye bi yaabili n na ki fiin Yisa nkumin na. Ke naah sɔb ilan yan kpiɛ milee n yaan ke:
‘Fin le ye N bija;
dinan le N ŋa a baa.’
34 #
Azaya 55:3
Ibamɔn ke Uwonbɔr nan fiin u nkumin na, le waa buri, ni piin imɔbon nan yaan le:
‘N yin ta tikaar tan ye kasi a kaar tan wee N nan siin limɔsiinl ki sei Defid nan le.’
35 #
Ilan 16:10
Man le ni ji nan sɔb kugbɔŋ nan a niba yaan ki len ke:
‘Ŋaa li che a poopendaau a gbanann n bur kukaagin ni.’
36“Defid nan tun nan wee Uwonbɔr wɔɔn u ke un tun u tɔɔl a yonn nin le, ni bɔɔn bu le u kpo; le bi pii u u yaajam a karin, le u gbanann bur. 37Amaa wan wee Uwonbɔr fiin u nkumin nin, u gbanann kaa buri.
38“Mambu, n nabum n ban ni li nyi ke Yisa bu le tibir a jiɛn per a mɔleen yin pag sei ni. 39Wan ŋa Yisa yada ke, u daan kan nŋmarima, amaa Moziz a siim n ma, kaa li fir sei uninfo nŋmarimi. 40Ni li guu ni ba man, ki laa che bilinlem nan kaah len man nin n ji ni.
41‘Ni lig man, nim bininfob ban yɔɔl nan,
Ni che nin gar ni wee ni gbanann n kpo,
N yin tun niwann niba le idaa nan yaan,
le naa yin ŋa ni yada,
hali ni ye uba le bei ni ke gbaa.’
42Pɔɔl nin Banabasi kaah nyan kuwonjiɛndiig nmɔn yaan nin, le bininfob nmɔn balin bi ke bin pɔɔn biba wee ki nan jirin likpakɔɔl daal lan chaan nin, ki nan wɔɔn bi tibɔr nmɔn ki kpiɛ. 43Bininfobin kaah nan worin nin, le Juu yaab takpem nin ibol yan nan jiɛn bi kaal wee ki nɔɔ Juu yaab a kaalin, ni nan nɔɔ Pɔɔl nin Banabasi. Le bi pag nin bi ki balin bi ke, bi li nɔɔ Uwonbɔr nin u nyunyunbasanlin.
44Likpakɔɔl daal lan paan nin a daal kaah nan nan foo, ni nan gur wama le nin kitiŋ nmɔn a ninfob biɛn n dan ki nan gbir Uyudaan a bɔr. 45Juu yaab kaah nan kan kuninfogbaluŋin le ni ŋa bi lipiiponl, le bi pag bii Pɔɔl a wɔɔmin.
46Le Pɔɔl nin Banabasi le pag nin lipoobil ke, “Ti chinn pag tibɔr nan ki sei nim Juu yaab le. Amaa naah yii tibɔr nmɔn, ki ji tiɛr ke naa ŋan nin ni kan limiɛfol lan kaa jɔɔ ndiɛmin bu, ni ma che ti jiɛn ni, le ki chaa ban kaa ye Juu yaab ban. 47#Azaya 49:6 Uyudaan kaah ke ti ŋa man sɔ:
‘Min le ŋa ni ban kaa ye Juu yaab n yaa weem,
ke nim bu le Uwonbɔr yin fee dulinya yaab ki jaa.’
48Ban kaa nan ye Juu yaabin kaah gbir man nin, le ni mɔŋ bi, le bi sei Uyudaan a bɔr nmɔn jilima. Le ban wee Uwonbɔr gann ke bin kan limiɛfol lan kaa jɔɔ diɛmin ŋa yada.
49Le Uyudaan a bɔr nmɔn mann mɔɔn kitiŋ nmɔn a logil biɛn. 50Amaa le Juu yaab fiin bipiib ban ye biwonsam ki ye biyudam nin kitiŋ nmɔn a yudam. Le bi mugir Pɔɔl nin Banabasi ki ŋɔɔr bi ki nyan bi tiŋin. 51Le Pɔɔl nin Banabasi pir pir bi nɔɔi, ki sin yaar jon Ikoniɛm. 52Le ni mɔŋ bibɔɔnɔɔbin le bi gbee nin Kasi a Naaŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.