ƐFƐSƆITIƐ 2
2
De wuloa saa ya de li zɛʋu wɔ
1Wa ƃalaa wo zai wɔlɔ ɣɛ, toku ge zei wa ʋaa yowũ‐ɣɛɛ va, natiɛ ta sa ga tɔ‐kãla‐ŋala tuoitiɛ pɛ. 2Tuoi natiɛ ɣa wɔlɔ wo yɛga te wosu wo vilegɛi ŋeteai nii zu luoi wulu. Wo vilegɛi ɣɛ masa yowũi nii wulu nu lɛ pɛtɛga, na ɣa ga ki‐gaa‐ziɛi é numai niitiɛ ɣa te ga goo‐mɛni tala veaitiɛ Gala zeea. 3A de pɛ de vɛi ɣɛ wɔlɔ niitiɛ va nu ƃuse yii‐mai mawõi‐leve‐ma yekegi zu. A de vilegɛi ɣɛ fai nii wulu mayii viligɛi nu ƃuse wuu zu te ɣigi ba ŋeteai‐ɣɛɛ ʋaa ma. Na ma è ɣɛ velei nɔ nu ƃusei zɔitiɛ te la, de wuloni ŋetea ga de ɣɛ ga numai niitiɛ Gala na zii‐ɣaa‐wãlai ɔ́ ziiti te ma. 4,5Kɛ̀ Galagi nii ná gaazu‐maa‐wõi‐ɣai zu wɔɔlɔi ma é de vɛɛni Kolai va é de yɛʋui loo de zu, velei ƃalaa de zai ɣɛ la tɔ‐kãla‐ŋala tuoi mavele ma. É nii ɣɛɛni wõila ƃakpai é boga ga diɛ mazaƃui ma. Ná maa‐wõi‐ɣaa ƃɔ‐bai mazaƃu ɣa é wo valoa la. 6De ɣɛɛ vele ma su ɣilekpu da Ziizɛ Kolaini, é de wu zuɣini saa ya da tiɛni é kɛ de zei gee wɔlɔgi zu da tiɛni. 7É nii ɣɛɛni ga é dɛ ga diɛ ŋeteai nii zu é vaazu vaazu ga velei ná maa‐wõi‐ɣaa ƃɔ‐bai wala zu wɔɔlɔi la ma. Tɔ kɛɛzu ga luo vele laa nɛɛ vele ga diɛ de ɣɛɛ vele ma su ɣilekpu da Ziizɛ Kolaini. 8Ƃɔvɛlaale wo valoa maa‐wõi‐ɣaa ƃɔ‐bai mavele ma. Wo baloi nii woni zee‐la‐ma zaala zu. Wa lei wɔ nii ɣɛ wa ƃɔɔ. Tɔ ga Gala na faa‐nɛi. 9Ɛ́ lɛ ga nu ta ɣa é maa lii ɣɛɛ, te ta mɛ lɛ va mayoka tevezu. 10Ƃɔvɛlaale a da ga Gala kpɛtɛ ŋɛnia. De ƃɛtɛvɛ ga da Ziizɛ Kolaini de ɣɛ su ɣilekpu, kɛɛ ʋaa ma a de faa vagɔi niitiɛ ɣɛ Gala ge ná yɛga ná luo é de ɣavele ƃɛtɛ ga a diɛ te ɣɛ.
De ɣɛɛ ga ŋɛni ɣila Kolai zaala zu
11Na ma a ɣi zɛ su ga siɛ ta zu Yezɔi niitiɛ te ɣɛ te lilisu ga sei‐kpoto‐ma vea te ɣɛni wo lilisu ga numaitiɛ tɛ lɛ zeini kpoto ma. Na ɣa ga wai wo wuloa ŋetea ga zii ƃalaadai. Tɔwɔ sei‐kpoto‐mai ɣɛi nɔ ga nu lɔtɔ‐levea ga nu yee. 12A ɣi zɛ su ga wo ɣaa wɛi ɣɛ wa Kolaini na maziɛ su. Wa Yezɔitiɛ wo mazii lɛ ŋɛni ƃɔni. Wo ɣɛni ga wɛ̃ɛ ki‐togi zu leʋei ʋaa ma. Wo ɣi‐to‐su lɛ ŋɛni ma, na ɣa ɣɛɛ na Gala fai lɛ ŋɛni wo va zui zu. 13Kɛ̀ tɔwɔ wo ɣɛɛ vele ma su ɣilekpu wa Ziizɛ Kolaini, wai wo maa woozai é yɛga wo maa ƃuovɛ sa Kolai maŋamai zaala zu.
14Ƃɔvɛlaale tɔ ɣagi ɣa ga da yii‐laa. Dai de ɣaa wɛi é yɛga, towa é de ɣɛɛ ga ŋɛni ɣila. Na ɣa ɣɛɛ na kpɔɛ‐loo ɣizigi nii é yɛga de ɣaa wɛɛzu é na wolo‐wologa. 15É nii ɣɛɛni ga velei taƃai ziitini la dɔtɔi ma. É tɔgi maʋaa ƃeani gá ta tɔgi zu ziɛ‐wo peleitiɛ. É nii ɣɛɛvɛ ga é kpɔɛ ƃea gá, na ɣa ɣɛɛ na é nu niinɛ gila kpɛtɛ nu ƃulu sei‐zu felegɔi niitiɛ zu. Towaa nii ɣɛ te ɣɛɛ vele ma bɛ́ su ɣilekpu ta tiɛni. 16Tɔ sa a de nu zei‐zu felegɔ pɛ kɛ ga ŋɛni ɣilekpu é de yɔɔzu ƃɛtɛ da Galani. É kpɔɛi maʋaa ƃea sa gá nà mavelei ma ná pɛɛ‐pulu wulu likpii zaala zu. 17É vaani é zii‐laa woo vagɔi wo wo ma wai wo maa woozai ɣɛ ta niitiɛ te maa ƃuai ɣɛ. 18Ƃɔvɛlaale towaa kɛ de nu zei‐zu felegɔ pɛ de ziiti de ɣeea Gala ma baa ŋinɛ gilagi zaala zu. 19Na ma wɛ lɛ sa wɔlɔ‐wɔlɔ ga wɛ̃ɛ. Wɛ lɛ wɛ̃ɛ vele zu. Kɛ̀ wo vɛɛ Gala na dɔ numaitiɛ va wa ga taa‐zeiga wo ga Gala pɔ pɛlɛ wu veaitiɛ te ta. 20Wo maʋaa wulovɛ ga pɛlɛi seiyai pɛlɛi nii la Ziizɛ na keelaitiɛ ƃɔga Gala daa woo‐wo beaitiɛ te tɔɔ zeiya. Ziizɛ Kolai ɣa é ga kwɔti ƃakpai 21nii pɛlɛi vaa ʋai ɣaazɔ lɔɔ vilegɛi ma ŋada ɣila yíɛ wɔɔlɔ sa ga é ɣɛ ga Gala pɛlɛ walai maa wuai de maliɣii zaala zu. 22Wo ɣɛɛ vele ma su ɣilekpu wa tiɛni wa ƃalaa wo logɛ ga pɛlɛ ga wo ɣɛ ga Gala kɛɛ‐zu baa ŋinɛgi zaala zu.
Currently Selected:
ƐFƐSƆITIƐ 2: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
ƐFƐSƆITIƐ 2
2
De wuloa saa ya de li zɛʋu wɔ
1Wa ƃalaa wo zai wɔlɔ ɣɛ, toku ge zei wa ʋaa yowũ‐ɣɛɛ va, natiɛ ta sa ga tɔ‐kãla‐ŋala tuoitiɛ pɛ. 2Tuoi natiɛ ɣa wɔlɔ wo yɛga te wosu wo vilegɛi ŋeteai nii zu luoi wulu. Wo vilegɛi ɣɛ masa yowũi nii wulu nu lɛ pɛtɛga, na ɣa ga ki‐gaa‐ziɛi é numai niitiɛ ɣa te ga goo‐mɛni tala veaitiɛ Gala zeea. 3A de pɛ de vɛi ɣɛ wɔlɔ niitiɛ va nu ƃuse yii‐mai mawõi‐leve‐ma yekegi zu. A de vilegɛi ɣɛ fai nii wulu mayii viligɛi nu ƃuse wuu zu te ɣigi ba ŋeteai‐ɣɛɛ ʋaa ma. Na ma è ɣɛ velei nɔ nu ƃusei zɔitiɛ te la, de wuloni ŋetea ga de ɣɛ ga numai niitiɛ Gala na zii‐ɣaa‐wãlai ɔ́ ziiti te ma. 4,5Kɛ̀ Galagi nii ná gaazu‐maa‐wõi‐ɣai zu wɔɔlɔi ma é de vɛɛni Kolai va é de yɛʋui loo de zu, velei ƃalaa de zai ɣɛ la tɔ‐kãla‐ŋala tuoi mavele ma. É nii ɣɛɛni wõila ƃakpai é boga ga diɛ mazaƃui ma. Ná maa‐wõi‐ɣaa ƃɔ‐bai mazaƃu ɣa é wo valoa la. 6De ɣɛɛ vele ma su ɣilekpu da Ziizɛ Kolaini, é de wu zuɣini saa ya da tiɛni é kɛ de zei gee wɔlɔgi zu da tiɛni. 7É nii ɣɛɛni ga é dɛ ga diɛ ŋeteai nii zu é vaazu vaazu ga velei ná maa‐wõi‐ɣaa ƃɔ‐bai wala zu wɔɔlɔi la ma. Tɔ kɛɛzu ga luo vele laa nɛɛ vele ga diɛ de ɣɛɛ vele ma su ɣilekpu da Ziizɛ Kolaini. 8Ƃɔvɛlaale wo valoa maa‐wõi‐ɣaa ƃɔ‐bai mavele ma. Wo baloi nii woni zee‐la‐ma zaala zu. Wa lei wɔ nii ɣɛ wa ƃɔɔ. Tɔ ga Gala na faa‐nɛi. 9Ɛ́ lɛ ga nu ta ɣa é maa lii ɣɛɛ, te ta mɛ lɛ va mayoka tevezu. 10Ƃɔvɛlaale a da ga Gala kpɛtɛ ŋɛnia. De ƃɛtɛvɛ ga da Ziizɛ Kolaini de ɣɛ su ɣilekpu, kɛɛ ʋaa ma a de faa vagɔi niitiɛ ɣɛ Gala ge ná yɛga ná luo é de ɣavele ƃɛtɛ ga a diɛ te ɣɛ.
De ɣɛɛ ga ŋɛni ɣila Kolai zaala zu
11Na ma a ɣi zɛ su ga siɛ ta zu Yezɔi niitiɛ te ɣɛ te lilisu ga sei‐kpoto‐ma vea te ɣɛni wo lilisu ga numaitiɛ tɛ lɛ zeini kpoto ma. Na ɣa ga wai wo wuloa ŋetea ga zii ƃalaadai. Tɔwɔ sei‐kpoto‐mai ɣɛi nɔ ga nu lɔtɔ‐levea ga nu yee. 12A ɣi zɛ su ga wo ɣaa wɛi ɣɛ wa Kolaini na maziɛ su. Wa Yezɔitiɛ wo mazii lɛ ŋɛni ƃɔni. Wo ɣɛni ga wɛ̃ɛ ki‐togi zu leʋei ʋaa ma. Wo ɣi‐to‐su lɛ ŋɛni ma, na ɣa ɣɛɛ na Gala fai lɛ ŋɛni wo va zui zu. 13Kɛ̀ tɔwɔ wo ɣɛɛ vele ma su ɣilekpu wa Ziizɛ Kolaini, wai wo maa woozai é yɛga wo maa ƃuovɛ sa Kolai maŋamai zaala zu.
14Ƃɔvɛlaale tɔ ɣagi ɣa ga da yii‐laa. Dai de ɣaa wɛi é yɛga, towa é de ɣɛɛ ga ŋɛni ɣila. Na ɣa ɣɛɛ na kpɔɛ‐loo ɣizigi nii é yɛga de ɣaa wɛɛzu é na wolo‐wologa. 15É nii ɣɛɛni ga velei taƃai ziitini la dɔtɔi ma. É tɔgi maʋaa ƃeani gá ta tɔgi zu ziɛ‐wo peleitiɛ. É nii ɣɛɛvɛ ga é kpɔɛ ƃea gá, na ɣa ɣɛɛ na é nu niinɛ gila kpɛtɛ nu ƃulu sei‐zu felegɔi niitiɛ zu. Towaa nii ɣɛ te ɣɛɛ vele ma bɛ́ su ɣilekpu ta tiɛni. 16Tɔ sa a de nu zei‐zu felegɔ pɛ kɛ ga ŋɛni ɣilekpu é de yɔɔzu ƃɛtɛ da Galani. É kpɔɛi maʋaa ƃea sa gá nà mavelei ma ná pɛɛ‐pulu wulu likpii zaala zu. 17É vaani é zii‐laa woo vagɔi wo wo ma wai wo maa woozai ɣɛ ta niitiɛ te maa ƃuai ɣɛ. 18Ƃɔvɛlaale towaa kɛ de nu zei‐zu felegɔ pɛ de ziiti de ɣeea Gala ma baa ŋinɛ gilagi zaala zu. 19Na ma wɛ lɛ sa wɔlɔ‐wɔlɔ ga wɛ̃ɛ. Wɛ lɛ wɛ̃ɛ vele zu. Kɛ̀ wo vɛɛ Gala na dɔ numaitiɛ va wa ga taa‐zeiga wo ga Gala pɔ pɛlɛ wu veaitiɛ te ta. 20Wo maʋaa wulovɛ ga pɛlɛi seiyai pɛlɛi nii la Ziizɛ na keelaitiɛ ƃɔga Gala daa woo‐wo beaitiɛ te tɔɔ zeiya. Ziizɛ Kolai ɣa é ga kwɔti ƃakpai 21nii pɛlɛi vaa ʋai ɣaazɔ lɔɔ vilegɛi ma ŋada ɣila yíɛ wɔɔlɔ sa ga é ɣɛ ga Gala pɛlɛ walai maa wuai de maliɣii zaala zu. 22Wo ɣɛɛ vele ma su ɣilekpu wa tiɛni wa ƃalaa wo logɛ ga pɛlɛ ga wo ɣɛ ga Gala kɛɛ‐zu baa ŋinɛgi zaala zu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.