Isaaya 20

Misiri na Esiopia okuhanuurwaho eby'okutwarwa omu bukwatwa

1 # 2 Bag 18:17. Omu mwaka ogu Tarutaani, owaatumiirwe Sarugooni omugabe wa Asiria, yaiziiremu Ashidoodi, akagirwanisa, akagikwata, 2#1 Sam 19:24; Mik 1:8. omu bunaku obwo MUKAMA akagambira Isaaya mwene Amozi, ati: Irooko, oyezirikuurure ebiguniya, ojuure enkaito. Nawe nikwo yaakozire, akagyenda ajwaire busha, kandi ataine nkaito. 3#Isa 8:18. MUKAMA akagira ati: Nk'oku omwiru wangye Isaaya amazire emyaka eshatu naagyenda ajwaire busha kandi ataine nkaito, okubeera Misri na Esiopia akamanyiso n'eky'okutangaaza, 4#Isa 19:4; 2 Sam 10:4; Mik 1:11. nikwo n'omugabe wa Asiria aritwara Abanyamisri bari enkwatwa, n'Abaesiopia bari encuubwa, abato n'abakuru, bakagyenda bajwaire busha, bataine nkaito, ebibunu biri aheeru, kuhemura Misri. 5#Isa 30:3, 5; 2 Bag 18:21. Bwanyima abo abaabaire bataire amatsiko ahari Esiopia, nibeehimbisiza ahari Misri, baryahahaaza emitima, bashoberwe. 6Eryo izooba abatuuzi b'omuri egi nsi y'aha rubaju rw'enyanja baryagira bati: Mbwenu, abu twabaire tutaireho amatsiko, tukabahungiraho ngu batujune omugabe wa Asiria, ku baraabe babaire batyo, itwe turyakira tuta?

Currently Selected:

Isaaya 20: RR64

Highlight

Copy

Compare