Isaaya 17
17
Ebya Damasiko
1 #
2 Bag 16:9; Yer 49:23-27; Amo 1:3-5. Ebi nabi yaahanwire ahari Damasiko.
Reeba, Damasiko teriba rurembo bundi,
Kureka eryaba emituumo y'ebisheenyuka.
2Endembo za Aroeri ziryaba ebifurukwa,
Zibe amariisizo g'amasyo agaribyamamu,
Hatagire kyagakanga.
3 #
Isa 7:16; 8:4; 1 Sam 4:21. Omuri Efuraimu ebigo biryamarwaho,
Na Damasiko terigaruka kuba bugabe,
N'Abasiria abarihonokaho baryaba nk'ekitiinisa ky'Abaisraeli;
Nikwo MUKAMA ow'amahe arikugira.
Eby'obugabe bw'Abaisraeli
4 #
Isa 10:16. Eryo izooba ekitiinisa kya Yakobo kiryabaganuka,
N'okugomoka kwe kuryatuuba ahoroote.
5 #
Isa 24:1. Kiryaba nk'omugyesi oku agyesha oburo bwezire,
Omukono gwe gukagyesha obushiisha,
Kandi nk'orikuhumba oburo omu ruhita rwa Reefa.
6 #
Isa 24:13. Kwonka haryatsigaramu eby'okuhumba
Nk'ebitsigara omu mutiini gutengyetsiibwe,
Ebijuma bishatu nari bibiri ha itaagi eririkukira agandi aha mutwe;
Kandi ebijuma bitaano nari bina aha mataagi ag'omu mbaju zaagwo agarikwana munonga;
Nikwo MUKAMA Ruhanga wa Israeli arikugamba.
7 #
2 Bus 30:11; Hos 5:15; Mik 7:7. Eryo izooba abantu baryata omutima aha Muhangi waabo, amaisho bagahangye Orikwera wa Israeli; 8#Isa 27:9, 10; Mik 5:13, 14. tibarita mutima ha matambiro agaayombiekirwe emikono yaabo, kandi amaisho tibarigahanga Ashera nari ebishushani by'eizooba, ebi baakozire n'engaro zaabo. 9Eryo izooba endembo zaabo ezigumire ziryaba nk'ebifurukwa by'Abahiivi n'Abaamori, ebi baafurukiremu nibahunga Abaisraeli, haza habe amatongo.
10 #
Zab 106:21. Ahabw'okuba mukeebwa Ruhanga ow'okujunwa kwanyu,
Kandi timwaijuka Rukiri obuhungiro bwanyu,
N'ahabw'ekyo n'obu muraabyare emiti y'okweshemeza,
mukagibyaraho engurukira ezirikuruga ahandi,
11N'obu mwakugimeza aha izooba eri mwagibyariraho,
Mukagireetera kurabya omuri ako kasheeshe,
Kwonka eishoroma ryayo riryabura
aha izooba ry'enaku n'obusaasi obutarikutuuza.
12Ai bambe, hurira okuhoorera kw'abantu bainti!
Nibahoorera nk'okuhoorera kw'enyanja.
Ai bambe okurigita kw'amahanga!
Nigarigita nk'okurigita kw'amaizi g'amaani.
13 #
Zab 1:4; 9:5; 83:13; Enf 22:23. Amahanga nigarigira nk'okurigita kw'amaizi maingi;
Kwonka We aryagakabukira, agahungire hare,
Gabingwe nk'ebishushunga ebirikutwarwa omuyaga aha mutwe gw'ebibungo,
Kandi nk'omucuucu ogurikutuumuurwa akasooroora.
14Reeba, omu mwabazyo buryaba buri obwoba,
Kandi butakaseesire baryaba batakiriho!
Ogwo nigwo mugabo gw'abarikutunyaga,
Kandi ebyo nibyo birihika aha barikutwambura.
Currently Selected:
Isaaya 17: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
