Isaaya 14
14
Ekifubiro ky'omugabe wa Babulooni
1 #
2 Bus 36:22, 23; Zab 102:13; Zek 1:17; 8:22, 23. MUKAMA aryagirira Yakobo esaasi, kandi aryagaruka atoorane Abaisraeli, abagarure omu nsi yaabo; n'abanyamahanga baryaija beeteerane nabo, beekome aha nju ya Yakobo. 2#Isa 49:22; 60:14; 61:5. Kandi abanyamahanga baryabatwara, babahitsye owaabo, ab'enju ya Israeli baryabahakira omu nsi ya MUKAMA, babagire abahuuku n'abazaana; baryatwara omu bukwatwa abo abaabaire babatwaire omu bukwatwa, kandi baryategyeka abaabaire babatwaza eikama.
3MUKAMA ku ariheza kubahuumuza obusaasi n'enaku n'obuhuuku obu mwabaire mwitirwamu kubi nibabakoresa, 4#Isa 13:19; Yer 51:13. muryateerera omugabe wa Babulooni enaku nimugira muti:
Mamya omurahuzi takiriho,
N'ekiniga ky'omunyarubwa kihweireho!
5 #
Isa 9:4. MUKAMA ahenzire ekihuuzo ky'ababi,
Niyo nkoni y'abategyeki,
6Abaabaire bateera abantu n'ekiniga batarekire,
Bakategyekyesa amahanga ekiniga, bakagahiiga batarikusaasira.
7 #
Isa 55:12. Mbwenu ensi yoona ehuumwire, etuurize;
Abantu nibateera akaari nibeeshongora.
8 #
Isa 37:24; Ezk 31:16. Emiberooshi neekwesiimirana,
N'emyereezi ya Lebanooni neegira eti:
Okwiha obu waagarurwa ahansi,
Tihariho mutemi oragarukire kututema.
9 #
Ezk 32:21. Okuzimu owa Nyamuteza neeshutuka kukubugana,
Neimutsya emizimu y'abaabaire bari abategyeki b'ensi kukutangirira.
Boona abaabaire bari abagabe b'amahanga
Neebaiha aha bitebe byabo by'obugae.
10Abo boona baryagamba nibakugira bati:
Naiwe ohindukire otaine maani nkaitwe,
Waaba nk'oku turi?
11Ekitiinisa kyawe kishuumiibwe n'amaraka g'enganga zaawe,
Bishuumiibwe Okuzimu;
Waayeyarira enyogori, kandi waazeeshweka.
12Iwe nyonyoozi y'omu buturuturu 'we, omwana w'omushekye,
K'orugire omu iguru okagwa!
Iwe owaabaire ocwa amahanga busha,
K'otemirwe, okaza aha itaka!
13 #
Yer 51:53; Dan 8:10; Mat 11:23. Okaba ogira omu mitima gwawe oti:
Ndyatemba omu iguru ahaiguru y'enyonyoozi za Ruhanga,
Ekitebe kyangye nkite ahaiguru.
Ndyashutama aha rushozi rw'eiteeraniro okwo hare
Aha bukiizi-bwa-buryo.
14 #
2 Tes 2:4. Ndyatemba mpikye ahaiguru y'ebicu,
Nyehindure, mbe nk'Orikukira byona.
15 #
Ezk 32:23; Mat 11:23. Mbwenu shi ka waashuuma Okuzimu,
Okahika owa Nyamuteza!
16Abaraakureebe nibaija kukushamaarira,
Bakwetegyereze, nibagira bati:
Ogu niwe mushaija owaabaire atengyetsa ensi,
Akatetemya amahanga g'abagabe,
17 #
Yer 50:33. Akahindura ensi eihamba ry'omusheenyi
Akasheenya endembo zaamwo,
Akanga kureka enkwatwa ze kugaruka owaabo?
18Abagabe b'amahanga boona bagwejegyereire omu kitiinisa,
Buri muntu omu kituuro kye;
19Kwonka iwe onagirwe aheeru hare n'ekituuro kyawe
nk'eitaagi eryangiirwe kimwe;
Oshwekirwe emitumbi eitsirwe rurara,
Ekashuuma omu mabaare g'Okuzimu,
Nk'omutumbi oguribatiirirwe n'ebigyere.
20 #
Zab 21:10. Omu kuziikwa toriteerana nabo,
Ahabw'okuba okacwekyereza ensi yaawe,
Waita abantu baawe.
Oruzaaro rw'enkozi z'ebibi tirurigambwaho ebiro byona!
21 #
Kur 20:5. Muteguure ah'okwitira abaana be
Nibaturwa okutahikiirira kw'ishebo,
Bataimuka bakakubuura ensi,
Bakagibuzya endembo.
22 #
Yob 18:19; Yer 51:62. MUKAMA ow'amahe naagira ati: Niinyija kwimuka ndwanise aba Babulooni, mbabuze eiziina, habure owaahonokaho, mbamareho abaijukuru n'abaikukuruza; nikwo MUKAMA arikugira. 23#Isa 34:11. Ndyagigira obutuuro bw'ebisegyesi n'ebiyanja by'amaizi. Kandi ndyagyeyerera n'ekyeyerezo ekirikuhwerekyereza; nikwo MUKAMA ow'amahe arikugira.
MUKAMA okuhana Abaasiria n'Abafilistia
24MUKAMA ow'amahe arahiire naagira ati:
Nk'oku naateekateekire, nikwo kiriba,
Kandi kiryaba nk'oku naamaririire.
25 #
Isa 10:27. Ndyahendagura Omuasiria ori omu nsi yangye,
Mmuribatiiririre aha bibungo byangye,
Enkomo ye ebone kubarugaho,
N'emitwaro ye ebarugye aha mabega.
26Egyo niyo naama eyaagiriirwe ensi yoona,
Kandi ogwo nigwo mukono ogubangiirwe amahanga goona.
27 #
Enf 19:21; Yer 4:28; Dan 4:35. Mbwenu MUKAMA ow'amahe ku araabe niwe akimaririire,
N'oha orikizibira?
Omukono gwe ku guraabe gubangire,
N'oha origuhinya?
28 #
2 Bag 16:20. Ebi nibyo byahanwirwe omu mwaka ogu omugabe Ahazi yaafeereiremu.
29Imwe Bafilistia 'mwe mwena, mutashemererwa,
Ngu ahabw'okuba enkoni eyaabateire ehendekire;
ahakuba omu kitsintsi ky'enjoka haryarugamu empiri,
N'ekyana kyayo kibe enjoka y'obushegu erikuguruka.
30Emijigaijo y'abooro eryatunga eby'okurya,
N'abakyene baryabyama buhooro;
Kwonka ekitsintsi kyawe ndyakiitsa enjara,
N'abarihonokaho baryaitwa.
31 #
Isa 20:1. Iwe irembo 'we, borooga!
Naiwe rurembo 'we, ocure!
Abafilistia mwena, muhahaaze emitima,
ahabw'okuba omwika gwareetwa aha bukiizi-bwa-buryo,
Kandi omu ngabo ze tihaine otsigaire enyima.
32 #
Isa 28:16; Zef 3:12. Entuma z'eihanga bayrazigarukamu bata?
Bati: MUKAMA niwe yaataireho Saayuuni,
Kandi omuriyo abantu be abarikwitwa kubi nimwo barihungira.
Currently Selected:
Isaaya 14: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
