1 Eby'omu Busingye 9

1 # 1 Bus 5:25, 26. Batyo Abaisraeli boona bakabarwa nk'okukuratana kw'oruzaaro rwabo oku kwabaire kuri; kandi bahandiikirwe omu kitabo ky'eby'omu busingye bw'abagabe ba Israeli. Bwanyima Abayuda baatwarwa Babulooni omu bukwatwa ahabw'ebicumuro byabo. 2#Neh 11:3-22. Abaabandize kugaruka kutuura omu buhunguzi bwabo n'omu ndembo zaabo bakaba bari Abaisraeli, abanyamurwa, Abaleevi n'abaheereza b'omuri hekalu.#Yos 9:27; Ezr 2:43, 70; 8:20; Neh 7:60, 73. 3Kandi bamwe aha Bayuda, Ababenyamiini, Abaefuraimu n'Abamanaase bakatuura omuri Yerusaalemu; 4Usai mwene Amihuudi, Amihuudi ya Omuri, Omuri ya Baani, ab'omuri beene Pereezi mwene Yuda. 5N'aba Shiilo: omujigaijo gwe ni Asaaya n'abatabani. 6Ab'omuri batabani ba Zeera: Yeuli na beene waabo magana mukaaga na makumi mwenda. 7Ab'omuri beene Benyamiini: Saalu mwene Meshulaamu ya Hodavia, Hodavia ya Hasenua, 8na Ibunea mwene Yerohaamu, na Eela mwene Uuzi ya Makiri, na Meshulaamu mwene Shefatia ya Reuli mwene Ibunia; 9#2 Bus 35:4, 5; Neh 11:8. na beene waabo nk'okukuratana kw'oruzaaro rwabo oku kwabaire kuri, bakaba bari magana mwenda na makumi ataano na mukaaga. Abo boona bakaba bari abakuru b'amaju ga baishenkurubo, nk'oku gaabaire gari.

10 # 1 Bus 9:10-13; Neh 11:10-14. Ab'omu banyamurwa: Yedaaya, Yehoyaribu, Yakiini. 11#Yer 20:1; Byak 4:1. Azaria mwene Hilukia ya Meshulaamu, Meshulaamu ya Zadoki, Zadoki ya Merayosi, Merayosi ya Ahitubu, omukuru w'enju ya Ruhanga; 12na Adaaya mwene Yerohaamu, Yerohaamu ya Pashihuuri, Pashihuuri ya Malikia; na Masai mwene Adieli ya Yahuzeera, Yahuzeera ya Meshulaamu, Meshulaamu ya Mehsilemiisi mwene Imeri, 13otabariiremu beene waabo, abakuru b'amaju ga baishenkurubo, rukumi na magana mushanju na makumi mukaaga, abashaija abarikubaasiza kimwe kukora omurimo gw'enju ya Ruhanga.

14 # Neh 11:15-19. Ab'omu Baleevi: Shemaaya mwene Hashubu ya Azurikaamu, Azurikaamu ya Hashabia ab'omuri beene Merari; 15na Bakubakari, Hereshi, Galali, na Matania mwene Miika ya zikuri mwene Asafu; 16na Obadia mwene Shemaaya ya Galali, Galali ya Yedusiini, Yedusuuni ya Berekia, Berekia ya Aasa mwene Elukaana abaabaire batwire omu birorero by'aba Netofaasi.

17Abakumiirizi b'amarembo: Shalumu, Akubu, Talumooni, Ahimaanu na beene waabo, (kandi Shalumu niwe yaabaire ari mukuru) 18#Ezk 46:1, 2. abaabaire batuura aha irembo ry'omugabe ery'aha buziizi bw'oburugwa-izooba n'okuhitsya hati. Kandi abo nibo baabaire bari abakumiirizi b'eirembo ry'orusiisira rw'Abaleevi. 19#Kub 26:58; 1 Bus 12:6; 2 Bus 20:19. Shalumu mwene Koore ya Eliasafu mwene Koora na beene waabo ab'enju ya ishenkuru, aba Koora, nibo baabaire bakwatsiibwe omurimo gw'okuheereza, nigwo gw'okurinda omuryango gw'Eihema, nka baishenkurubo oku baabaire bakwatsiibwe orusiisira rwa MUKAMA nibarinda eirembo ryarwo. 20#Kub 25:11-13. Na Finehaasi mwene Eleazaari niwe yaabaire naabategyeka omu bya ira; kandi MUKAMA akaba ari hamwe nawe. 21Zekaria mwene Meshelemia niwe yaabaire ari omukumiirizi aha irembo ry'Eihema ry'okubugaabuganiramu. 22#1 Bus 26:1, 19; 2 Bus 31:15, 18. Abo boona abaatoorainwe kuba abakumiirizi b'amarembo bakaba bari magana abiri na ikumi na babiri. Kandi bakaba bahandiikirwe omu birorero byabo, nk'okukuratana kw'oruzaaro rwabo oku kwabaire kuri. Abo nibo Daudi na Samueli omuhanuuzi baahamize omu murimo gwabo ogw'obwesigwa. 23N'ahabw'ekyo bo na batabani baabo baakwatsibwa omurimo gw'okurinda amarembo g'enju ya MUKAMA, niyo nju y'Eihema. 24Abo bakumiirizi baaguma nibaza aha mbaju zaayo ina, orw'oburugwa-izooba, orw'oburengyerwa-izooba, orw'obukiizi-bwa-bumosho n'obwa-buryo; 25#2 Bag 11:5. kandi beene waabo ab'omu birorero byabo bakaba nibaragiirwa kwija buri biro mushanju kuguma nabo; 26#1 Bag 6:5, 8. ahabw'okuba abo bakumiirizi bakuru bana, abaabaire bari Abaleevi, bakaba baguma aha murimo gwabo batarikwihwa; kandi nibo baabaire bakwatsiibwe ebishengye n'amabiikoro eby'omu nju ya Ruhanga; 27#Kub 1:53. baraara beehinguririze egyo nju ya Ruhanga, ahakuba omurimo gwabo gukaba guri okugirinda n'okugiigura buri kasheeshe.

28Abamwe omuribo bakaba bakwatsiibwe ebintu by'obuheereza; ahakuba bakaba nibaragiirwa kubibara omu kubitaasya n'omu kubishohoza. 29#Lev 6:20, 21; 1 Bus 23:29. Abandi omuribo bakaba bakwatsiibwe ebintu by'omu Butaaho n'ebintu byona ebirikwera eby'okukoresa, kandi n'esaano y'obunono, viinyo, amajuta, obubaane n'emigaju. 30#Kur 30:23-35. Abandi ab'omuri batabani b'abanyamurwa bakaba bajwanzya emigaju, 31#Kub 26:58; 1 Bus 12:6; 23:29. kandi Matisia ow'omu Baleevi omujigaijo gwa Shalumu ow'omu ba Koora niwe yaabaire akwatsiibwe omurimo gw'okureeberera ebirikukarangwa aha byoma. 32#Lev 24:5-8. Kandi n'abandi omuri beene waabo b'Abakohasi nibo baabaire bakwatsiibwe omurimo gw'emigaati y'okumurikwa, okugitebeekanisa buri Sabato.

33 # 1 Bus 6:31; 25:1; Zab 134:1. Kandi hakaba hariho abeeshongozi, abakuru b'amaju ga baishenkuru b'Abaleevi, abaabaire bataaha omu bishengye by'omuri hekalu, bataine gundi murimo, ahabw'okuba bakaba bagira omurimo gwabo nyomushana na nyekiro. 34Abo nibo baabaire bari bakuru b'amaju ga baishenkuru b'Abaleevi, nk'okukuratana kw'oruzaaro rwabo oku kwabaire kuri, abantu bakuru abaabaire batuura omuri Yerusaalemu.

35 # 1 Bus 8:29-32. Omuri Gibeoni hakaba hatuuramu Yeyeli ishe wa Gibeoni, omukazi we akaba naayetwa Maaka; 36omutabani ow'omujigaijo akaba ari Abudooni, naakuratwa Zuuri, Kiishi, Baali, Neeri, Nadabu, 37Gedori, Ahio, Zekaria na Mikuloosi; 38Mikuloosi yaazaara Shimeamu; abo nabo bakaba batwire na beene waabo omuri Yerusaalemu, amaka gaabo nigareebana. 39#1 Bus 8:33-38. Neeri yaazaara Kiishi, Kiishi yaazaara Saulo, Saulo yaazaara Yonasaani, Yonasaani yaazaara Melikishua, Abinadabu na Eshibaali; 40mwene Yonasaani akaba ari Meribu-baali, Meribu-baali yaazaara Miika. 41Batabani ba Miika: Pisoni, Meleki, Tahurea na Ahazi; 42Ahazi yaazaara Yaara, Yaara yaazaara Alimeesi, Azimaveesi na Zimuri; Zimuri yaazaara Mooza. 43Mooza yaazaara Binea, Binea yaazaara Refaaya, Refaaya yaazaara Eleasa, Eleasa yaazaara Azeeli. 44Azeeli yaazaara abaana b'aboojo mukaaga, n'amaziina gaabo nigo aga: Azurikaamu, Bokeru, Ishimaeli, Shearia, Obadia na Hanani; abo nibo beene Azeeli.

Currently Selected:

1 Eby'omu Busingye 9: RR64

Highlight

Copy

Compare