Eby'Abaleevi 1
1
Ebiweebwayo ebitaano ebikulu
(1:1—6:7)
Ekiweebwayo ekyokebwa
1Awo Mukama n'akoowoola Musa n'ayogera naye mu Weema ey'okusisinkanirangamu ng'agamba nti,#Kubal 12:4,5 2“Yogera n'abaana ba Isiraeri obagambe nti omuntu yenna mu mmwe bwawangayo ekiweebwayo, anaakiggyanga ku nte ze, oba ku mbuzi ze.
3“Bw'anaawangayo ekiweebwayo ekyokebwa ku nte, anaawangayo nnume eteriiko bulema; anaagiweerangayo ku mulyango gw'Eweema ey'okusisinkanirangamu, alyoke akkirizibwenga mu maaso ga Mukama.#Leev 3:1; 22:20, Ma 15:21 4Era anaateekanga engalo ze ku mutwe gw'ekiweebwayo ekyokebwa; awo eneemukkiririzibwanga okumutangirira.#Kuv 29:10, Leev 4:4,20; 8:1 5Awo anattiranga ente mu maaso ga Mukama: n'abaana ba Alooni, bakabona, banaaleetanga omusaayi, ne bagumansira ku njuyi zonna ez'ekyoto ekiri ku mulyango gw'Eweema ey'okusisinkanirangamu.#Leev 3:8 6Awo anaabaaganga ekiweebwayo ekyokebwa era anaakisalangamu ebitundu byakyo. 7Awo abaana ba Alooni kabona, banaateekanga omuliro ku kyoto, ne batindikira enku ku muliro;#Lub 22:9 8awo abaana ba Alooni, bakabona, banaateekateekanga ebifi, omutwe n'amasavu, ku nku eziri ku muliro oguli ku kyoto; 9naye ebyenda byayo n'amagulu gaayo anaabinaazanga n'amazzi; awo kabona anaayokeranga byonna ku kyoto, okuba ekiweebwayo ekyokebwa n'omuliro eky'evvumbe eddungi eri Mukama.#Lub 8:21, Kuv 29:18, Leev 2:9
10“Era bw'anaawangayo ku ndiga ze oba ku mbuzi ze, okuba ekiweebwayo ekyokebwa, anaawangayo nnume eteriiko bulema. 11Era anaagittiranga ku luuyi lw'ekyoto olw'obukiikakkono mu maaso ga Mukama; n'abaana ba Alooni, bakabona, banaamansiranga omusaayi gwayo ku kyoto enjuyi zonna. 12Awo anaagisalangamu ebitundu byayo, awamu n'omutwe gwayo n'amasavu gaayo; awo kabona anaabiteekateekanga ku nku eziri ku muliro oguli ku kyoto; 13naye ebyenda n'amagulu anaabinaazanga n'amazzi; awo kabona anaawangayo byonna, anaabyokeranga ku kyoto; kye kiweebwayo ekyokebwa n'omuliro eky'evvumbe eddungi eri Mukama.
14“Era bw'anaawangayo eri Mukama ekiweebwayo ekyokebwa eky'ennyonyi, anaawangayo bukamukuukulu oba amayiba amato.#Leev 5:7; 12:8, Luk 2:24 15Awo kabona anaakaleetanga eri ekyoto, n'akanyoola omutwe n'agumenyako, n'akookera ku kyoto; n'omusaayi gwako gunaatonnyeranga ku mabbali g'ekyoto;#Leev 5:8 16awo anaakaggyangamu ekisakiro kyako n'ebikirimu n'abisuula ku mabbali g'ekyoto ku luuyi olw'ebuvanjuba, mu kifo eky'evvu;#Leev 6:10 17era anaakayuzanga n'ebiwawaatiro byako, takasalangamu. Awo kabona anaakookeranga ku kyoto, ku nku eziri ku muliro; kye kiweebwayo ekyokebwa n'omuliro, eky'evvumbe eddungi eri Mukama.#Lub 15:1
Currently Selected:
Eby'Abaleevi 1: LBR
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.
