Okuva 35
35
Eweema ey'okusisinkanirangamu (35:1—40:38)
1Musa n'akuŋŋaanya ekibiina kyonna eky'abaana ba Isiraeri, n'abagamba nti, “Bino bye bigambo Mukama by'alagidde, mmwe okubikola.#Kuv 35:32 2Ennaku omukaaga emirimu gikolerwengamu, naye ku lunaku olw'omusanvu wabenga olunaku olutukuvu gye muli, Ssabbiiti ey'okuwummula okutukuvu eri Mukama; buli anaakolerangako omulimu gwonna anattibwanga.#Kuv 31:14,15 3Temukumanga muliro gwonna mu nnyumba zammwe zonna ku lunaku olwa Ssabbiiti.”
4Musa n'abuulira ekibiina kyonna eky'abaana ba Isiraeri nti, “Kino kye kigambo Mukama ky'alagidde.#Kuv 25:2 5Muggye ku bannammwe ekiweebwayo eri Mukama; buli alina omutima ogukkiriza, akireete, kye kiweebwayo ekya Mukama: zaabu, ne ffeeza, n'ekikomo;#Kuv 25:2-7 6ne kaniki, n'olugoye olw'effulungu, n'olumyufu, ne bafuta, n'ebyoya by'embuzi; 7n'amaliba g'endiga amannyike amamyufu, n'amaliba g'eŋŋonge, n'omuti gwa sita; 8n'amafuta g'ettaala, n'eby'akaloosa eby'amafuta ag'okufukako, n'eby'akaloosa eby'okunyookeza; 9n'amayinja aga onuku, n'amayinja ag'okutona, okubeera ku kkanzu ne ku ky'omukifuba.
10“Era buli muntu mu mmwe alina obusobozi, ajje akole byonna Mukama by'alagidde;#Kuv 31:6 11ennyumba, eweema yaayo n'eky'okugibikkako, ebikwaso byayo, n'embaawo zaayo, n'emiti gyayo, n'empagi zaayo, n'ebinnya byayo;#Kuv 26:1-30 12essanduuko, n'emisituliro gyayo, entebe ey'okusaasira, n'eggigi eryawulamu;#Kuv 25:10-22; 26:31-33 13emmeeza n'emisituliro gyayo, n'ebintu byayo byonna, n'emigaati egy'okulaga;#Kuv 25:23-30 14era n'ekikondo eky'ettabaaza, n'ebintu byakyo, n'ettabaaza zaakyo, n'amafuta ag'ettabaaza;#Kuv 25:31-39; 27:20 15n'ekyoto eky'okwoterezangako, n'emisituliro gyakyo, n'amafuta ag'okufukako, n'obubaane obuwoomerevu, n'akatimba ak'oluggi olw'omu mulyango ogw'eweema;#Kuv 26:36; 30:1-10,23-33,34-38 16ekyoto eky'okwokerangako ekiweebwayo, era n'ekitindiro kyakyo eky'ekikomo, emisituliro gyakyo, n'ebintu byakyo byonna, ekinaabirwamu n'entobo yaakyo;#Kuv 27:1-8; 30:18-21 17ebitimbibwa eby'oluggya, empagi zaalwo, n'ebinnya byazo, n'akatimba ak'oluggi olw'oluggya;#Kuv 27:9-17 18enninga ez'eweema, n'enninga ez'oluggya, n'emigwa gyabyo;#Kuv 27:19 19n'ebyambalo ebikolebwa obulungi, eby'okuweererezangamu mu watukuvu, ebyambalo ebitukuvu ebya Alooni kabona, n'ebyambalo eby'abaana be, eby'okuweererezangamu mu bwakabona.”#Kuv 28:2-43
20Ekibiina kyonna eky'abaana ba Isiraeri ne bagenda ne bava mu maaso ga Musa. 21Ne bajja buli muntu omutima gwe gwe gwakubiriza, era na buli muntu omwoyo gwe gwe gwakkirizisa, ne baleeta ekiweebwayo ekya Mukama, olw'omulimu ogw'eweema ey'okusisinkanirangamu, n'olw'okuweereza kwayo kwonna, n'olw'ebyambalo ebitukuvu. 22Ne bajja, abasajja era n'abakazi, bonna abaalina emitima egikkiriza, ne baleeta amapeesa, n'empeta ez'omu matu, n'eziriko obubonero, n'amagemo, amakula gonna aga zaabu; buli muntu eyawa ekiweebwayo ekya zaabu eri Mukama. 23Na buli muntu eyalabika ng'alina kaniki n'olugoye olw'effulungu, n'olumyufu, ne bafuta ennungi, n'ebyoya by'embuzi, n'amaliba g'endiga amannyike amamyufu, n'amaliba g'eŋŋonge, n'abireeta. 24Buli muntu eyawaayo ekiweebwayo ekya ffeeza n'ekikomo yaleeta ekiweebwayo ekya Mukama; na buli muntu eyalabika ng'alina omuti gwa sita olw'omulimu gwonna gwonna ogw'okuweereza, n'aguleeta. 25N'abakazi bonna abaalina obusobozi, ne balanga n'engalo zaabwe, ne baleeta bye baalanga, kaniki, n'olugoye olw'effulungu, n'olumyufu, ne bafuta ennungi. 26N'abakazi bonna abaalina obusobozi okukola, ne balanga ebyoya by'embuzi. 27N'abakulu ne baleeta amayinja aga onuku, n'ag'okutona, okubeera ku kkanzu ne ku ky'omukifuba;#1 Byom 29:6-8, Ezer 2:68 28n'eby'akaloosa, n'amafuta; olw'ettabaaza, n'olw'amafuta ag'okufukako, n'olw'obubaane obuwoomerevu. 29Abaana ba Isiraeri baaleeta ekiweebwayo eky'emyoyo egy'eddembe eri Mukama; buli musajja n'omukazi, nga bwe bakubirizibwa mu mitima gyabwe, okuleetera omulimu gwonna Mukama gwe yalagira okukola mu mukono gwa Musa.#1 Byom 29:9
30Musa n'agamba abaana ba Isiraeri nti, “Laba, Mukama alonze Bezaaleeri omwana wa Uli, omwana wa Kuuli, ow'ekika kya Yuda;#Kuv 31:1-6 31era amujjuzizza omwoyo gwa Katonda, mu magezi, mu kutegeera, ne mu kumanya, ne mu buli ngeri y'okukola; 32n'okuyiiya emirimu egy'amagezi, n'okukola omulimu gwa zaabu, n'ogwa ffeeza, n'ogw'ekikomo, 33n'ogw'okusala amayinja ag'okutona, n'ogw'okwola emiti, okukola buli ngeri y'emirimu egy'amagezi. 34Era aluŋŋamizza okuyigiriza, ye era ne Okoliyaabu, omwana wa Akisamaki, ow'ekika kya Ddaani. 35Abo abawadde obusobozi, okukola buli ngeri ya mirimu gyonna: egy'omusazi w'amayinja, n'egy'omudaliza, egya kaniki, n'egy'olugoye olw'effulungu, n'egy'olumyufu, n'egya bafuta ennungi, n'egy'omulusi. Basobola okukola emirimu gyonna egya buli ngeri, era n'okuyiiya eby'amagezi.
Currently Selected:
Okuva 35: LBR
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.
Okuva 35
35
Eweema ey'okusisinkanirangamu (35:1—40:38)
1Musa n'akuŋŋaanya ekibiina kyonna eky'abaana ba Isiraeri, n'abagamba nti, “Bino bye bigambo Mukama by'alagidde, mmwe okubikola.#Kuv 35:32 2Ennaku omukaaga emirimu gikolerwengamu, naye ku lunaku olw'omusanvu wabenga olunaku olutukuvu gye muli, Ssabbiiti ey'okuwummula okutukuvu eri Mukama; buli anaakolerangako omulimu gwonna anattibwanga.#Kuv 31:14,15 3Temukumanga muliro gwonna mu nnyumba zammwe zonna ku lunaku olwa Ssabbiiti.”
4Musa n'abuulira ekibiina kyonna eky'abaana ba Isiraeri nti, “Kino kye kigambo Mukama ky'alagidde.#Kuv 25:2 5Muggye ku bannammwe ekiweebwayo eri Mukama; buli alina omutima ogukkiriza, akireete, kye kiweebwayo ekya Mukama: zaabu, ne ffeeza, n'ekikomo;#Kuv 25:2-7 6ne kaniki, n'olugoye olw'effulungu, n'olumyufu, ne bafuta, n'ebyoya by'embuzi; 7n'amaliba g'endiga amannyike amamyufu, n'amaliba g'eŋŋonge, n'omuti gwa sita; 8n'amafuta g'ettaala, n'eby'akaloosa eby'amafuta ag'okufukako, n'eby'akaloosa eby'okunyookeza; 9n'amayinja aga onuku, n'amayinja ag'okutona, okubeera ku kkanzu ne ku ky'omukifuba.
10“Era buli muntu mu mmwe alina obusobozi, ajje akole byonna Mukama by'alagidde;#Kuv 31:6 11ennyumba, eweema yaayo n'eky'okugibikkako, ebikwaso byayo, n'embaawo zaayo, n'emiti gyayo, n'empagi zaayo, n'ebinnya byayo;#Kuv 26:1-30 12essanduuko, n'emisituliro gyayo, entebe ey'okusaasira, n'eggigi eryawulamu;#Kuv 25:10-22; 26:31-33 13emmeeza n'emisituliro gyayo, n'ebintu byayo byonna, n'emigaati egy'okulaga;#Kuv 25:23-30 14era n'ekikondo eky'ettabaaza, n'ebintu byakyo, n'ettabaaza zaakyo, n'amafuta ag'ettabaaza;#Kuv 25:31-39; 27:20 15n'ekyoto eky'okwoterezangako, n'emisituliro gyakyo, n'amafuta ag'okufukako, n'obubaane obuwoomerevu, n'akatimba ak'oluggi olw'omu mulyango ogw'eweema;#Kuv 26:36; 30:1-10,23-33,34-38 16ekyoto eky'okwokerangako ekiweebwayo, era n'ekitindiro kyakyo eky'ekikomo, emisituliro gyakyo, n'ebintu byakyo byonna, ekinaabirwamu n'entobo yaakyo;#Kuv 27:1-8; 30:18-21 17ebitimbibwa eby'oluggya, empagi zaalwo, n'ebinnya byazo, n'akatimba ak'oluggi olw'oluggya;#Kuv 27:9-17 18enninga ez'eweema, n'enninga ez'oluggya, n'emigwa gyabyo;#Kuv 27:19 19n'ebyambalo ebikolebwa obulungi, eby'okuweererezangamu mu watukuvu, ebyambalo ebitukuvu ebya Alooni kabona, n'ebyambalo eby'abaana be, eby'okuweererezangamu mu bwakabona.”#Kuv 28:2-43
20Ekibiina kyonna eky'abaana ba Isiraeri ne bagenda ne bava mu maaso ga Musa. 21Ne bajja buli muntu omutima gwe gwe gwakubiriza, era na buli muntu omwoyo gwe gwe gwakkirizisa, ne baleeta ekiweebwayo ekya Mukama, olw'omulimu ogw'eweema ey'okusisinkanirangamu, n'olw'okuweereza kwayo kwonna, n'olw'ebyambalo ebitukuvu. 22Ne bajja, abasajja era n'abakazi, bonna abaalina emitima egikkiriza, ne baleeta amapeesa, n'empeta ez'omu matu, n'eziriko obubonero, n'amagemo, amakula gonna aga zaabu; buli muntu eyawa ekiweebwayo ekya zaabu eri Mukama. 23Na buli muntu eyalabika ng'alina kaniki n'olugoye olw'effulungu, n'olumyufu, ne bafuta ennungi, n'ebyoya by'embuzi, n'amaliba g'endiga amannyike amamyufu, n'amaliba g'eŋŋonge, n'abireeta. 24Buli muntu eyawaayo ekiweebwayo ekya ffeeza n'ekikomo yaleeta ekiweebwayo ekya Mukama; na buli muntu eyalabika ng'alina omuti gwa sita olw'omulimu gwonna gwonna ogw'okuweereza, n'aguleeta. 25N'abakazi bonna abaalina obusobozi, ne balanga n'engalo zaabwe, ne baleeta bye baalanga, kaniki, n'olugoye olw'effulungu, n'olumyufu, ne bafuta ennungi. 26N'abakazi bonna abaalina obusobozi okukola, ne balanga ebyoya by'embuzi. 27N'abakulu ne baleeta amayinja aga onuku, n'ag'okutona, okubeera ku kkanzu ne ku ky'omukifuba;#1 Byom 29:6-8, Ezer 2:68 28n'eby'akaloosa, n'amafuta; olw'ettabaaza, n'olw'amafuta ag'okufukako, n'olw'obubaane obuwoomerevu. 29Abaana ba Isiraeri baaleeta ekiweebwayo eky'emyoyo egy'eddembe eri Mukama; buli musajja n'omukazi, nga bwe bakubirizibwa mu mitima gyabwe, okuleetera omulimu gwonna Mukama gwe yalagira okukola mu mukono gwa Musa.#1 Byom 29:9
30Musa n'agamba abaana ba Isiraeri nti, “Laba, Mukama alonze Bezaaleeri omwana wa Uli, omwana wa Kuuli, ow'ekika kya Yuda;#Kuv 31:1-6 31era amujjuzizza omwoyo gwa Katonda, mu magezi, mu kutegeera, ne mu kumanya, ne mu buli ngeri y'okukola; 32n'okuyiiya emirimu egy'amagezi, n'okukola omulimu gwa zaabu, n'ogwa ffeeza, n'ogw'ekikomo, 33n'ogw'okusala amayinja ag'okutona, n'ogw'okwola emiti, okukola buli ngeri y'emirimu egy'amagezi. 34Era aluŋŋamizza okuyigiriza, ye era ne Okoliyaabu, omwana wa Akisamaki, ow'ekika kya Ddaani. 35Abo abawadde obusobozi, okukola buli ngeri ya mirimu gyonna: egy'omusazi w'amayinja, n'egy'omudaliza, egya kaniki, n'egy'olugoye olw'effulungu, n'egy'olumyufu, n'egya bafuta ennungi, n'egy'omulusi. Basobola okukola emirimu gyonna egya buli ngeri, era n'okuyiiya eby'amagezi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.