Okuva 15

1Musa n'abaana ba Isiraeri ne balyoka bayimbira Mukama oluyimba luno nti,

“Ndimuyimbira Mukama,

kubanga yawangulidde ddala;

Embalaasi n'omwebagazi waayo yabisudde mu nnyanga.#Zab 106:12

2Mukama ge maanyi gange,

era lwe luyimba lwange,

Anfuukidde obulokozi bwange;

Ono ye Katonda wange,

nange ndimutendereza;

Ye Katonda wa kitange,

nange ndimugulumiza.#Kuv 3:6, 2 Sam 22:47, Zab 99:5; 118:14, Is 12:2

3Mukama ye muzira okulwana;

Mukama lye linnya lye,#Kuv 3:15, Zab 83:18, Kub 19:11

4Amagaali ga Falaawo n'eggye lye yabisudde mu nnyanja;

N'abakungu be be yalonda basaanyeewo mu Nnyanja Emmyufu.

5Obuziba bubasaanikidde;

Basse mu buziba ng'ejjinja.

6Omukono gwo ogwa ddyo, Mukama,

gwa kitiibwa, gwa maanyi,

Omukono gwo ogwa ddyo, Mukama,

gubetenta omulabe.#Zab 2:9; 118:15,16

7Era mu bukulu obw'okusinga

kwo obasuula abakulumba;

Obusungu bwo bubuubuuka,

ne bubookya ng'ebisasiro.#Ma 33:26, Zab 59:13, Mal 4:1

8N'omukka ogw'omu nnyindo zo, amazzi gatumbiira.

Gayimirira ne gakola ebisenge;

Obuziba bw'ennyanja ne bwekwata ng'ekitole.#Zab 18:15; 78:13

9Omulabe n'ayogera nti,

‘Naagoberera, n'atuuka,

n'atwala omunyago

Byenegomba byonna nja kubiggya kubo;

Naasowola ekitala kyange,

omukono gwange gulibazikiriza.’

10Wakunsa omuyaga gwo,

ennyanja n'ebasaanikira;

Baasaanawo ng'ekyuma mu mazzi ag'amaanyi.

11Ani afaanana nga ggwe, Mukama, mu bakatonda?

Ani afaanana nga ggwe alina ekitiibwa mu butukuvu,

Ow'entiisa mu kutenderezebwa,

akola eby'amagero?#2 Sam 7:22, 1 Bassek 8:23, Zab 77:14; 86:8, Yer 10:6

12Wagolola omukono gwo ogwa ddyo,

Ensi n'ebamira.

13Ggwe mu kisa kyo wabakulembera abantu be wanunula,

N'obaleeta mu maanyi go okutuuka mu kifo kyo ekitukuvu.#Zab 77:15; 78:54

14Amawanga gaawulira, ne gakankana;

Obulumi bwabakwata abatuula mu Bufirisuuti.#Ma 2:25, Zab 48:6

15Abakungu ab'omu Edomu ne

balyoka beewuunya;

Ab'amaanyi ab'omu Mowaabu,

okukankana ne kubakwata;

Abatuula mu Kanani bonna bayenjebuka.#Kubal 22:3, Yos 2:9

16Okutekemuka n'entiisa bibaguddeko;

Mu bukulu obw'omukono gwo batudde ng'ejjinja;

Okutuusa abantu bo lwe balisomoka, Mukama,

Okutuusa abantu lwe balisomoka be wanunula.#Ma 11:25, 1 Sam 25:37, Zab 74:2

17Olibayingiza, olibasimba ku lusozi olw'obusika bwo,

Ekifo kye weerongooseza,

Mukama, okutuula omwo,

Awatukuvu wo, Mukama,

emikono gyo we gyanyweza.#Zab 44:2; 80:8

18Mukama alifuga emirembe n'emirembe.”#Zab 146:10

Oluyimba lwa Miryamu

19Embalaasi za Falaawo ne ziyingira wamu n'amagaali ge, n'abeebagala mu nnyanja, Mukama n'azzaawo amazzi ag'omu nnyanja ku bo; naye abaana ba Isiraeri ne batambula ku lukalu wakati mu nnyanja. 20Miryamu, nnabbi, mwannyina Alooni, n'atwala ensaasi mu mukono gwe; abakazi bonna ne bafuluma ne bamugoberera nga balina ensaasi nga bazina.#Balam 11:34, Kubal 26:59, 1 Sam 18:6, Zab 68:25

21Miryamu n'ayimba nti,

“Muyimbire Mukama,

kubanga yawangulidde ddala;

Embalaasi n'omwebagazi waayo yabisudde mu nnyanja.”#1 Sam 18:7

Olugenda okutuuka ku Sinaayi (15:22—18:27)

22Musa n'akulembera Isiraeri okuva ku nnyanja emmyufu, ne batuuka mu ddungu ly'e Ssuuli. Ne batambulira ennaku ssatu mu ddungu, ne batalaba mazzi. 23Bwe baatuuka e Maala, ne batayinza kunywa ku mazzi gaayo, kubanga gaali gakaawa; Ekifo ekyo kyekyava kiyitibwa Maala.#15:23: Maala Mu Lwebbulaniya kitegeeza “ekintu ekikaawa.”#Kubal 33:8, Luus 1:20 24Abantu ne beemulugunyiza Musa, nga boogera nti, “Tunaanywa ki?” 25Musa n'akaabirira Mukama; Mukama n'amulaga omuti, n'agusuula mu mazzi, amazzi ne gafuuka amalungi. Awo we yabaweera etteeka n'ebiragiro, n'abagereza eyo.#Kuv 16:4; 20:20, Ma 8:2,16, Balam 2:22; 3:1,4, 2 Bassek 2:21; 4:41, Zab 66:10; 81:7 26N'ayogera nti, “Bw'oliwulirira ddala eddoboozi lya Mukama Katonda wo, n'okola obutuukirivu mu maaso ge, n'owulira amateeka ge, n'okwata by'alagira byonna, sirikuteekako ggwe endwadde zonna ze nnateeka ku Bamisiri; kubanga nze Mukama akuwonya.”#Kuv 23:25, Ma 7:15; 28:27, Zab 103:3

27Ne batuuka mu Erimu, awali ensulo z'amazzi ekkumi n'ebbiri, n'enkindu ensanvu; ne basula awo awali amazzi.#Kubal 33:9

Currently Selected:

Okuva 15: LBR

Highlight

Copy