Ekyamateeka Olwokubiri 32

1Wulira, ggwe eggulu, nange naayogera;

N'ensi ewulire ebigambo by'akamwa kange.#Ma 4:26, Zab 50:4, Is 34:1

2Okuyigiriza kwange kunaatonnya ng'enkuba,

Okwogera kwange kunaagwa ng'omusulo;

Ng'obukubakuba ku ssubi eggonvu,

Era ng'oluwandaggirize ku muddo#Yob 29:22,23, Zab 72:6, Is 55:10,11, Mi 5:7

3Kubanga nnaatenda erinnya lya Mukama:

Ne njatula obukulu bwa Katonda waffe.#Ma 3:24

4Lwazi, omulimu gwe mutuukirivu;

Asalawo obulungi ensonga;

Katonda mwesigwa, w'amazima,

Akola ebituufu eby'obwenkanya.#Yob 34:10, Zab 18:2,30,31, Is 30:29, Dan 4:37

5Naye abantu be boonoonyi,

era tebasaanidde kuba babe.

Bafuuse ggwanga kkakanyavu, eryakyama.#Mat 17:17, Luk 9:41, Baf 2:15

6Bwe mutyo bwe musasula Mukama,

Mmwe abantu abasirusiru abatalina magezi?

Ye Kitammwe eyabagula, n'abateekawo;

n'abafuula eggwanga.#Zab 74:2, Is 51:13; 63:16

7Jjukira ennaku ez'edda,

Lowooza emyaka emingi egiyise;

Mubuuze bakitammwe, babalage;

Bakadde bammwe bababuulire ebyaliwo.

8Ali waggulu ennyo bwe yawa amawanga obusika bwabwe,

Bwe yayawula abaana b'abantu,

Yassaawo ensalo z'amawanga

Ng'omuwendo bwe gwali ogw'abaana ba Isiraeri.#Luk 11:8, Bik 17:26

9Kubanga Mukama ye nnyini yalonda abaana ba Yakobo,

okuba omugabo gwe era obusika bwe.

10Yabasanga babungeetera mu ddungu,

ekkalu kibuyaga mw'akuntira,

N'abakuuma n'abalabirira,

ng'omuntu bw'alabirira emmunye y'eriiso lye.#Ma 8:15, Zab 17:8; 32:7,10, Yer 2:6, Zek 2:8

11Ng'empungu esaasaanya ekisu kyayo,

Epaapaalira ku bwana bwayo,

Yayanjuluza ebiwaawaatiro bye, n'abatwala,

N'abasitulira ku byoya bye.#Kuv 19:4

12Mukama yekka ye yabakulembera,

So tewaali katonda mulala eyamuyambako.#Is 43:12

13Yabawa okutuula mu nsi ey'ensozi,

Ne balya emmere ey'omunnimiro;

Ne balya omubisi gw'enjuki okuva mu njazi,

Ettaka ery'oluyinjayinja ne libaza emizeyituuni gyabwe.#Yob 29:6, Zab 81:16, Is 58:14, Ez 36:2

14Yabawa omuzigo gw'ente n'amata okuva mu bisibo byabwe,

N'amasavu g'endiga ez'e Basani, n'ennyama y'embuzi ensava,

N'abawa n'eŋŋaano ennungi, n'omwenge ogw'emizabbibu omulungi;#Lub 49:11

15Naye Yesuluuni bwe yagaggawala n'ajeema;

Mwagejjulukuka, ne munyirira, ne munneewulirirako;

Ne muva ku Katonda eyabakola,

Ne munyooma Olwazi olw'obulokozi bwammwe.#Ma 31:16,20, Zab 89:26, Is 1:4; 44:2

16Baamukwasanga obuggya nga baweereza bakatonda abalala,

Baamusunguwazanga n'eby'emizizo.#Zab 78:58

17Baawanga ssaddaaka balubaale abatali Katonda,

Bakatonda abatamanyiddwa,

Bakatonda abaggya abaakajja bayimuke,

Bajjajjaabwe be batasinzanga.#Balam 5:8, Zab 106:37, 1 Kol 10:20

18Lwazi eyabazaala temumujjukira,

Era mwerabidde Katonda eyabazaala.#Is 17:10, Yer 2:27

19Mukama bwe yakiraba n'asunguwala,

N'atamwa batabani be ne bawala be.#Is 1:2

20N'ayogera nti, Naabakisa amaaso gange,

Ndiraba enkomerero yaabwe bw'eriba;

Kubanga gye mirembe egy'ekyejo ekingi,

Abaana omutali kukkiriza.#Ma 31:17

21Bankwasanga obuggya n'ekyo ekitali Katonda;

Bansunguwazanga n'ebigambo byabwe ebitaliimu:

Nange ndibakwasa obuggya eri abo abatali ggwanga;

Ndibasunguwaza n'eggwanga essirusiru.#Ma 32:16, 1 Bassek 16:13, Yer 8:19, Bar 10:19

22Kubanga obusungu bwange bukoledde ng'omuliro,

Bwase okutuuka mu magombe aga wansi ennyo,

Era bwokya ensi n'ekyengera kyayo,

Era bukoleeza ensozi we zisibuka.#Yer 15:14, Kung 4:11

23Ndibatuumako obubi; Ndimalira obusaale bwange ku bo:#Ez 5:16,17

24Balikoozimba n'enjala, n'omusujja omungi gulibazikirizza,

Ensolo enkambwe ziribalya;

N'ebyewalula eby'omu nfuufu eby'obusagwa biribazikiriza.

25Ebweru ekitala kinaabafuulanga bamulekwa,

Ne mu nnyumba entiisa en'ebabuutikiranga;

Binaazikirizanga omulenzi era n'omuwala,

Ayonka era n'omusajja ameze envi.#Kung 1:20

26N'ayogera nti, Nandibasaasaanyirizza wala,

Nnandimazeewo okujjukirwa kwabwe mu bantu;#Zab 34:16, Ez 20:23

27Singa saatya kuvvoola kw'abalabe,

Abaabakyawa baleme okwewaana,

Baleme okwogera nti Omukono gwabwe guwangudde,

Era Mukama si y'akoze bino byonna.#Zab 140:8

28Kubanga lye ggwanga eritalina magezi,

So tebalina kutegeera mu bo.#Is 27:11

29Singa balina magezi banditegedde ekyo,

Ne balowooza enkomerero yaabwe ey'oluvannyuma!#Zab 81:13, Luk 19:42

30Omu yandigobye atya olukumi,

N'ababiri bandiddusizza batya omutwalo,

Lwazi waabwe singa teyabatunda,

Era Mukama singa teyabaabulira?#Leev 26:8, Balam 2:14

31Kubanga olwazi lw'abalabe baffe teruliŋŋanga olwazi lwaffe,

N'abalabe baffe bennyini ekyo bakimanyi.#1 Sam 2:2; 4:8

32Kubanga omuzabbibu gwabwe gwava ku muzabbibu ogw'e Sodoma,

Ne mu nnimiro ez'e Ggomola:

Ezabbibu zaabwe zabbibu za mususa,

Ebirimba byazo bikaawa:

33Omwenge gwabwe busagwa bwa misota,

Era busagwa bukambwe bwa mbalasaasa.

34Katonda ky'ategekedde okukola Isiraeri n'abalabe be,

ye akyesigalizza,#Yob 14:17

35Okuwalana kwange, n'okusasula,

Obudde bwe bulituuka ekigere kyabwe ne kiseerera;

Kubanga olunaku lwabwe olw'okulaba ennaku luli kumpi,

N'ebigenda okubajjira biryanguwa.#Zab 94:1, Bar 12:19, Beb 10:30, 2 Peet 2:3

36Kubanga Mukama alisalira abantu be omusango,

Era alyejjusa olw'abaddu be;

Bw'aliraba ng'obuyinza bwabwe buweddewo,

So tewali asigaddewo, oba musibe

oba atali musibe.#Balam 2:18, 1 Bassek 14:10, Zab 106:45; 135:14, Beb 10:30

37Era alyogera nti, Bakatonda baabwe bali ludda wa,

Olwazi lwe beesiganga?

38Abaalyanga amasavu ag'essaddaaka zaabwe,

Abaanywanga omwenge ogw'ekyo kye baawangayo eky'okunywa

Bagolokoke bababeere,

Babe ekigo kyammwe,#Balam 10:14, 1 Bassek 18:27, Yer 2:18

39Mulabe kaakano nga nze, nze wuuyo,

So tewali katonda mulala

Nze nzita, era nze mpa obulamu;

Nfumise, era mponya;

So tewali ayinza okubalokola okubaggya mu mukono gwange.#1 Sam 2:6, 2 Bassek 5:7, Yob 5:18, Is 41:4; 43:13; 44:8; 45:5, Kos 6:1

40Kubanga ngolola omukono gwange eri eggulu,

Ne njogera nti Nga bwe ndi omulamu emirembe gyonna,#Kubal 14:28

41Ndiwagala ekitala kyange ekimasamasa,

Mu buyinza bwange ndisala mazima

Ndiwalana eggwanga ku balabe bange,

Ndibonereza abo abankyawa.#Zab 7:12, Is 1:24

42Obusaale bwange bulijjula omusaayi,

N'ekitala kyange kirirya ennyama;

awamu n'omusaayi ogw'abattiddwa n'abawambiddwa,

N'emitwe gy'abakulembeze b'abalabe.#Yer 46:10

43Musanyuke, mmwe amawanga,

wamu n'abantu be;

Kubanga aliwalana eggwanga ly'omusaayi gw'abaddu be,

Era alibonereza abalabe be,

Era aliwonya ensi ye, n'abantu be.#2 Bassek 9:7, Bar 15:10, Kub 19:2

44Musa n'ajja ne Koseya, omwana wa Nuuni. Ne boogera ebigambo by'oluyimba luno byonna ng'abantu bawulira.#32:44 Koseya Era ye Yoswa. 45Musa bwe yamala okwogera ebigambo ebyo byonna eri abaana ba Isiraeri, 46n'abagamba nti, “Musseeyo omwoyo ku bigambo byonna bye mbategeeza leero; bye muliyigiriza abaana bammwe, balyoke bakwatenga ebigambo byonna eby'amateeka ago n'okubituukirizanga.#Ma 6:6,7 47Kubanga ebigambo bino si bya kusaaga, naye bya bulamu bwammwe, bye biribawaangaliza mu nsi gye mugenda okutuulamu nga musomose omugga Yoludaani.”#Leev 18:5, Nge 3:2, Bar 10:5, Lub 49:8-12

Mukama alengeza Musa ensi ye Kanana

48Mukama n'agamba Musa ku lunaku olwo nti, 49“Yambuka mu nsozi za Abalimu, eziri mu nsi ya Mowaabu, olinnye ku lusozi Nebo, olw'olekedde Yeriko; olengere ensi ya Kanani gyempa abaana ba Isiraeri okuba obutaka bwabwe;#Kubal 27:12-14 50ofiire ku lusozi lw'olinnyako, ogoberere bajjajjaabo, nga Alooni muganda wo bwe yafiira ku lusozi Koola, n'agoberera bajjajjaabe abantu be:#Kubal 20:24,25,28 51kubanga mwansobya ne munnyiiriza wakati mu baana ba Isiraeri, ku mazzi ag'e Meriba mu Kadesi, mu ddungu Zini; kubanga temwantukuza wakati mu baana ba Isiraeri;#Kubal 20:11-13 52Olirengera bulengezi ensi gyempa abaana ba Isiraeri, naye ggwe toligiyingiramu.”#Ma 3:27

Currently Selected:

Ekyamateeka Olwokubiri 32: LBR

Highlight

Copy

Compare