Numbers Iḷitchuqqutit
Iḷitchuqqutit
Makpiġaaŋata Numbers quliaqtuaġigaa Israel-gum kiŋuvaaŋich malġukipiakavsagni (40) ukiuni aullaġataġmata qaŋa Mount Sinai-miñ tikiḷġataqtillugich kivaliñaaŋanun killiata nunam God-miñ unniqsuqłiisiaġiŋaraata. Atiŋata makpiġaam sivuniġigaa nuimaruaguruaq uqausiġiraŋa quliaqtuami, uumiŋauruq, kisitchimman Moses Israel-gum kiŋuvaaŋiññik Mount Sinai-mi aullaŋaunnatiŋ, suli Moab-mi, kivaliñaaŋani Jordan, aquvatigun kiŋuniġiiguqtuatigun. Akunniŋagni malġuuk kisitchiñiŋata Israel-gum kiŋuvaaŋich Kadesh Barnea-muŋarut kiluliñaaŋanun killiŋata Canaan, aglaan isiġniaġnimignun unniqsuqłiisauruamun tikiñŋiñŋarut nunamun tavraŋŋa. Iñugiaktuani ukiiganikamiŋ tamattumani nunami, kivaliñaaŋanuŋarut kuugum atiqaqtuam Jordan-mik, iḷaŋich iñuich inillaŋarut tavruŋa, allat iḷatiŋ ikaaqsaġumaalliqsillugich kuukun Canaan-muksaqłutiŋ. Makpiġaaŋa Numbers aglaaguruq iñuŋisigun qapiŋatchakkaluamiiqsuatigun sivuuġaugaqłutiglu siġġaġniuġusiksramignik, suli akiḷḷiqsruqługu God, Moses-lu, God-im aullarriksraqtaaġiŋaraanik ilimignun. Quliaqtuaġaa God-im piŋitqataaŋiññiŋa, munaqqutaa ittuaq ataramik iñugiramiñun piḷuksisuguugaluaqtillugiḷḷu kamakkutaiġuugaluaqtillugiḷḷu, Moses-guvlu tuniqsimalguniŋa, iḷaanni manimmiḷguiḷikami, qaisimaaġniŋa God-mullu iñumiñullu.
Avgutit Agliusimaruatigun
Israel-gum kiŋuvaaŋich paġnammata aullaqsaqłutiŋ Sinai-miñ 1.1—9.23
a. Sivulliġmi kisitchimmata 1.1—4.49
b. Allakaaġiich Pitqurat suli maliġiraksriat 5.1—8.26
c. Tuglia Qulaurrusiqivium 9.1-23
Sinai-miñ Moab-muaglaan 10.1—21.35
Sut nalautinŋaruat Moab-mi 22.1—32.42
Agliusimaniŋa Egypt-miñ Moab-mugmata 33.1-49
Piraksriusiaŋich ikaaqsaŋaiñŋaan Jordan 33.50—36.13
Currently Selected:
Numbers Iḷitchuqqutit: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)