Matthew 1
INUPIAQ

Matthew 1

1
Jesus Maŋŋuŋi
(Luke 3.23-38)
1Uvva aglaich maŋŋuŋigun Jesus Christ, kiŋunġuruam David-mun, Abraham-mullu.
2Abraham aapagigaa Isaac-gum. Isaac-li aapagigaa Jacob-gum. Jacob-li aapagigaat Judah-vlu aniqatiiŋisalu. 3Judah aapaŋak Perez-guvlu Zerah-vlu. Taapkuak aakaŋak Tamar. Perez aapaŋa Hezron-gum, Hezron-li aapaŋa Ram-gum.#1 Ch 2.1-15; Ruth 4.18-22. 4Ram-li aapagigaa Amminadab-gum. Amminadab-li aapagigaa Nashan-gum. Nashan-li aapagigaa Salmon-gum. 5Salmon-li aapagigaa Boaz-gum, Rahab-mik aakaqaqtuam. Boaz-li aapagigaa Obed-gum, aakaqaqtuam Ruth-mik. Obed-li aapagigaa Jesse-m. 6Jesse aapagigaa Umialgum David. David-li aapagigaa Solomon-gum, aakaqaqtuam Uriah-m nuliakkaluaŋanik.
7Solomon aapagigaa Rehoboam-gum, Rehoboam-li aapagigaa Abijah-m, Abijah-li aapagigaa Asa-m, 8Asa-li aapagigaa Jehoshaphat-gum, Jehoshaphat-li aapagigaa Joram-gum, Joram-li aapagigaa Uzziah-m, 9Uzziah-li aapagigaa Jotham, Jotham-li aapagigaa Ahaz-gum, Ahaz-li aapagigaa Hezekiah-m, 10Hezekiah-li aapagigaa Manasseh-m, Manasseh-li aapagigaa Amos-gum, Amos-li aapagigaa Josiah-m, 11Josiah-li aapagigaa Jechoniah-vlu aniqatiŋisalu. Taimani iñuich Israel-guruat aullaurrausaġmata Babylon-mun.#2 K 24.14-15; 2 Ch 36.10; Jr 27.20.
12Iñuich aasii aullaurrauganiŋmata Babylon-mun ukuali aniŋarut. Jechoniah aapagigaa Shealtiel-gum. Shealtiel-li aapagigaa Zerubbabel-gum. 13Zerubbabel aapagigaa Abiud-gum, Abiud-li aapagigaa Eliakim, Eliakim-li aapagigaa Azor-m. 14Azor-li aapagigaa Zadok-gum, Zadok-li aapagigaa Achim, Achim-li aapagigaa Eliud-gum. 15Eliud aapagigaa Eleazar-m, Eleazar-li aapagigaa Matthan, Matthan-li aapagigaa Jacob-gum, 16Jacob-li aapagigaa Joseph-gum, uiŋa Mary-m aakaŋa Jesus Christ-guruam.
17Tavra kiŋuniġiich Abraham-miñ David-mun akimiaġuutaiḷauŋarut. Suli David-miñ aullaurrauniŋannunaglaan Babylon-mun kiŋuniġiich akimiaġuutaiḷauŋarut. Aasiiḷi aullaurrauniŋanniñaglaan akimiaġuutaiḷauŋammiut kiŋuniġiich aniñiŋanunaglaan Christ-guruam.
Aniñiŋa Jesus Christ
(Luke 2.1-7)
18Tavra aniñiŋa Jesus Christ piŋaruq inna. Aakaŋa Mary piksrausiutauganikami Joseph-mun, tuvaaqatigiiksinŋaiñŋaġmik, iḷitchuġiŋaruq siŋaiyautilaamiñik Ilitqusiġiksuakun.#Lk 1.27. 19Aasii uiksrautauruaq Joseph, nalaunŋaruaguvluni, Kanŋunaqsiḷiġuŋił̣ł̣ugu Mary iñuŋnun, sivunniŋaruq avitchukługu nalunaqtuakun. 20Tavra taavrumiŋa isumalaaġutiqaqtillugu, Atanġum isaġulga niptaŋaruq ilaanun siññaktukun, aasii uqaqłuni, Joseph, kiŋunġuruatiin David-mun, sivuuġanak Mary-mik tuvaaqatiniksaġnipkun, qanuq ilaa siŋaiyaupkaŋagaa Ilitqusiġiksuam. 21Iġñiqaġniaqtuq, aasii atchiġisigiñ Jesus-mik, qanuq ilaan annautiniaġai iñuŋni piḷuutiŋiññiñ.#Lk 1.31.
22Tamatkua iluqaġmiŋ piŋarut taŋŋiqsaqługu Atanġum uqautigiŋaraa ilaan uqaqtimigun inna. 23“Aŋusiuŋaitchuaq siŋaiyauniaqtuq aasii iġñiqaġluni, aasii atiqaġniaqtuq Emmanuel-mik, sivuniqaqtuamik, God-im itqatigigaatigut.”#Is 7.14.
24Joseph itiqami, piŋaruq pitqutaagun isaġulgata Atanġum. Ilaan tuvaaqasiutiŋagaa Mary. 25Aglaan aŋalanŋaitkaa nuliaġiruatun iġñianigataqtillugu aŋunmik, aasii Joseph-gum atchiŋagaa Jesus-mik.#Lk 2.21.

North Slope Iñupiaq Bible

New Testament, Ruth, Esther, Psalms 1-30 and 119, Jonah, and Obadiah © American Bible Society.

Remaining portions of Old Testament © Canadian Bible Society.

All rights reserved.

Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:

American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)

Canadian Bible Society, 10 Carnforth Road, Toronto, ON M4A 2S4 (www.biblesociety.ca)

Learn More About Iñupiatun Mumiksat Uqalugiksuat