Exodus 30
30
Ikipkaivik Ikipkairuanun Tivraġiksautinik
(Exodus 37.25-28)
1“Ikipkaiviḷiuqsaqtusi acacia-m qiruanik, ikipkaiviksramik tivraġiksautinun. 2Kaŋiġalluaġigḷuni, akimiaq piŋasunik (18) titiġniñik taktigiluni suli akimiaq piŋasunik (18) titiġniñik siḷiktigiluni, suli iñuiññaq akimiaq atausimik (36) titiġniñik qutchiksigiluni. Sisamat aniŋaruaŋich kaŋiġalluŋaniittuat atautchimun taputilugu. 3Qaaliġḷugu matua, iluqaisalu sisamauruat saniġaŋich, suli aniŋaruaŋich manigiksuamik kaviqsuamik, suli kaviqsuamik manigmik avaluliġḷugu. 4Malġuugnik kaviqsuamik manigmik tigumiutaliuġlugu aasii kasuqtillugik ataanun avaluata saniġallaaŋigñi tigumiutaulugik ayyagnun akigautiksraŋigñun. 5Akigautiliuġlugu acacia-m qiruanik suli qaaliġḷugik kaviqsuamik manigmik. 6Taamna iḷiḷugu ikipkaivik siḷataanun talukiyaam niviŋaruam sivuġaani Sivunniuġutim Kiguunniŋata. Tavra tavrani kasullaaniaġivsi. 7Uvlaatuaġaġikpan Aaron qaunaksriyyaqpan nanniñik, ikipkairuksrauruq tivraġiksuanik tavrani. 8Tainnasuli piruksraummiuq ikitchiyyaġumi nanniñik anaqami. Taamna aitchuutiqaġniq tivraġiksuanik igliqtuksrauniaqtuq taimuŋaaglaan. 9Aitchuutiqaġnasi tavrani ikipkaivigmi aitchuutauruksrauŋitchuanik tivraġiksautinik, niġrutikkaluanik aitchuutauruanik, naakkaunnii palauvaksranik aitchuutinik, aasii-suli kuviviginasiuŋ wine-nik aitchuutauruanun tavrani. 10Ukiuqtuaqpan Aaron piraġausiq atuqtaksraġigaa salummaqsaġlugu ikipkaivik auktiġlugich nagruich sisamauruat auŋanik niġrutim aitchuutauruam piḷuutinun. Taamna piraksraġiniaġaat ukiutuaġaġikpan taimuŋaaglaan. Ikipkaivik taamna iluqaġmi salumaruksrauruq, uvamnun, Atanġuruamun.”
Tax-ŋa Tupqum Atanġum Nayuqtauviata
11Atanġum uqallautigaa Moses, 12“Kisitchisaġuvsi Israel-gum kiŋuvaaŋiññik, iñullaa akiḷiiruksrauruq akiksraŋanik iñuggutigmi, suksraunġiun ilaanun nalaunŋitchumauq kisitaupkaġlugich. 13#Ex 38.25, 26; Mt 17.24.Iluqaġmiŋ iḷauruat kisitchikpata akiḷiiruksraurut akiḷiaksraunmik manigmik, uqumaisilaaqaġlugu inillaŋaruakun. Iluqaġmiŋ taamna akiḷiqtaksraġigaat aitchuutaulugu uvamnun. 14Iluqaġmiŋ kisiuqatigiraŋich kisitchiruat, iñuich ukiuqaqtuat iñuiññatun (20) naakka taaptumaŋŋa utuqqaułhaaġutiŋ, akiḷiiñiaqtut tainnatun uvamnun. 15Umialguruaq akiḷiił̣haaġniaŋitchuq, naakkaunnii iḷiappauruaq mikiłhaamik, akiḷiigumiŋ tainnatun iñuggutimignun. 16Katillugu taamna manik Israel-gum kiŋuvaaŋiññiñ aasii atuġlugu qaunaginiŋanun Tupqum nayuqtauvigma. Taamna akiḷiutauniaqtuq iñuggutiŋiñun, aasii itqaumaniaqtuŋa munaġisaġlugich.”
Patukpagmik Iqaqqiviḷiaq
17Atanġum uqallautigaa Moses, 18#Ex 38.8.“Patukpagmik iqaqqiviḷiuqsaqtusi, tunŋaviḷiuġlugulu patukpagmiñ. Iḷiḷugu akunġagnun Tupquvlu ikipkaiviuvlu, aasii immiġḷugu imiġmik. 19Aaron-lu iġñiŋisalu iqaqqiviginiaġaat iqaġigumisigik argatiglu isigatiglu 20isiŋaiñŋaġmiŋ Tupiġmun naakka ikipkaivigmuksaŋaiñŋaġmiŋ aitchuisaġutiŋ niqauruanik aitchuutinik. Tavraasii tuqutauniaŋitchut. 21Iqaġiruksraġigaich argatiglu isigatiglu, tuquŋitchumaut. Taamna piraksriun atuqtaksraġiniaġaat iliŋisalu kiŋuvaaŋisalu taimuŋaaglaan.”
Uqsruqtaaġun
22 #
Ex 37.29. Atanġum uqallautigaa Moses, 23“Pigigñiqtat avuuġutit piḷugich—qulit malġuktun (12) uqumaisigiruamik imġuruamik myrrh-mik, itchaksratun uqumaisigiruanik tivraġiksuanik cinnamon-nik, itchaksratun uqumaisigiruanik tivraġiksuanik cane-nik, 24suli qulit malġuktun (12) uqumasigiruanik cassia-mik (uqumaisilaaŋalugich inillaktatun). Iḷaluguasii atausiq gallon-mik olive uqsruanik, 25aasii salumaruamik uqsruqtaaġusiuġlusi, akutchimmatun tivraġiksautinik. 26Uqsruqtaaġutigilugu Tupiġmun nayuqtauvimñun, Sivunniuġutim Kiguunniŋanun, 27niġġiviuraġlu suli iluqaisa suġautaŋich, naparuaq naniqaġvik suli suġautaġiraŋich, ikipkaivik tivraġiksaunmik, 28ikipkaivik aitchuutauruanun, suġautaġiraŋiḷḷu, suli iqaqqivik tunŋavialu. 29Ilaaguaqtaġilugich tainna, aasii salumapiaġataqtuaġuġniaqtut, kiapayaaq naakka sunapayaaq aksikpagu salumaruaġuġniaqtuq suaŋŋataagun salumaruaguniŋata. 30Tavraasii uqsruqtaaġlugich Aaron-lu iġñiŋiḷḷu, aasii ilaaguaqtaġilugich aŋaiyyuliqsiqpauniġmun savautiluŋa. 31Uqallautilugich Israel-gum kiŋuvaaŋich, ‘Una salumaruaq uqsruqtaaġun atuqtaksraġiniaġaat savakkumiŋ uvamnun taimuŋaaglaan. 32Kuviraksraġiŋitkaat iñugruiññauruanun, aasii-suli atuqtaksraġiŋitkisi avuuġutiŋich tainnasimik akunŋarualiuġlusi. Salumaruaguruq, tainna piraksraġigiksi salumaruagulugu. 33Kiñapayaaq tainnasiḷiuqpan tuvraġlugich naakka atuġlugich kimupayaamun aŋaiyyuliqsiqpauŋitchuamun iḷauŋaiġñiaqtuq iñugiramnun.’”
Tivraġiksaun
34Atanġum uqallautigaa Moses, “Piksraqsaqtusi atiruanik aktilaallaaŋiññik tivraġiksautit avuuġutit—stacte-mik, onycha-mik, galbanum-mik, suli iḷauŋaitchuamik frankincense-mik. 35Tivraġiksautiliuġniaqtusi taapkuniŋa, akullugich tivraġiksautitun. Taġiuliġḷugu salumapkaqsaġlugu suli salumaruagusaġlugu. 36Kauglugu iḷaŋa iraqsriḷugu, aasii Tupiġmuutilugu nayuqtauvimñun, aasii siqił̣ł̣autigilugu sivuġaanun Sivunniuġutim Kiguunniŋata. Piraksraġigiksi taamna tivraġiksaun salumapiaġataqtuagulugu. 37Tuvraġlugu avuuġutiŋich tivraġiksautiliuġnasi ilivsiññun. Salumaruaġilugu ilaaguaqtauŋaruaq uvamnun. 38Kiñapayaaq tainnasiḷiuġniqpan tivraġiksautigisuglugu, iḷauŋaiġñiaqtuq iñugiramnun.”
Currently Selected:
Exodus 30: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 30
30
Ikipkaivik Ikipkairuanun Tivraġiksautinik
(Exodus 37.25-28)
1“Ikipkaiviḷiuqsaqtusi acacia-m qiruanik, ikipkaiviksramik tivraġiksautinun. 2Kaŋiġalluaġigḷuni, akimiaq piŋasunik (18) titiġniñik taktigiluni suli akimiaq piŋasunik (18) titiġniñik siḷiktigiluni, suli iñuiññaq akimiaq atausimik (36) titiġniñik qutchiksigiluni. Sisamat aniŋaruaŋich kaŋiġalluŋaniittuat atautchimun taputilugu. 3Qaaliġḷugu matua, iluqaisalu sisamauruat saniġaŋich, suli aniŋaruaŋich manigiksuamik kaviqsuamik, suli kaviqsuamik manigmik avaluliġḷugu. 4Malġuugnik kaviqsuamik manigmik tigumiutaliuġlugu aasii kasuqtillugik ataanun avaluata saniġallaaŋigñi tigumiutaulugik ayyagnun akigautiksraŋigñun. 5Akigautiliuġlugu acacia-m qiruanik suli qaaliġḷugik kaviqsuamik manigmik. 6Taamna iḷiḷugu ikipkaivik siḷataanun talukiyaam niviŋaruam sivuġaani Sivunniuġutim Kiguunniŋata. Tavra tavrani kasullaaniaġivsi. 7Uvlaatuaġaġikpan Aaron qaunaksriyyaqpan nanniñik, ikipkairuksrauruq tivraġiksuanik tavrani. 8Tainnasuli piruksraummiuq ikitchiyyaġumi nanniñik anaqami. Taamna aitchuutiqaġniq tivraġiksuanik igliqtuksrauniaqtuq taimuŋaaglaan. 9Aitchuutiqaġnasi tavrani ikipkaivigmi aitchuutauruksrauŋitchuanik tivraġiksautinik, niġrutikkaluanik aitchuutauruanik, naakkaunnii palauvaksranik aitchuutinik, aasii-suli kuviviginasiuŋ wine-nik aitchuutauruanun tavrani. 10Ukiuqtuaqpan Aaron piraġausiq atuqtaksraġigaa salummaqsaġlugu ikipkaivik auktiġlugich nagruich sisamauruat auŋanik niġrutim aitchuutauruam piḷuutinun. Taamna piraksraġiniaġaat ukiutuaġaġikpan taimuŋaaglaan. Ikipkaivik taamna iluqaġmi salumaruksrauruq, uvamnun, Atanġuruamun.”
Tax-ŋa Tupqum Atanġum Nayuqtauviata
11Atanġum uqallautigaa Moses, 12“Kisitchisaġuvsi Israel-gum kiŋuvaaŋiññik, iñullaa akiḷiiruksrauruq akiksraŋanik iñuggutigmi, suksraunġiun ilaanun nalaunŋitchumauq kisitaupkaġlugich. 13#Ex 38.25, 26; Mt 17.24.Iluqaġmiŋ iḷauruat kisitchikpata akiḷiiruksraurut akiḷiaksraunmik manigmik, uqumaisilaaqaġlugu inillaŋaruakun. Iluqaġmiŋ taamna akiḷiqtaksraġigaat aitchuutaulugu uvamnun. 14Iluqaġmiŋ kisiuqatigiraŋich kisitchiruat, iñuich ukiuqaqtuat iñuiññatun (20) naakka taaptumaŋŋa utuqqaułhaaġutiŋ, akiḷiiñiaqtut tainnatun uvamnun. 15Umialguruaq akiḷiił̣haaġniaŋitchuq, naakkaunnii iḷiappauruaq mikiłhaamik, akiḷiigumiŋ tainnatun iñuggutimignun. 16Katillugu taamna manik Israel-gum kiŋuvaaŋiññiñ aasii atuġlugu qaunaginiŋanun Tupqum nayuqtauvigma. Taamna akiḷiutauniaqtuq iñuggutiŋiñun, aasii itqaumaniaqtuŋa munaġisaġlugich.”
Patukpagmik Iqaqqiviḷiaq
17Atanġum uqallautigaa Moses, 18#Ex 38.8.“Patukpagmik iqaqqiviḷiuqsaqtusi, tunŋaviḷiuġlugulu patukpagmiñ. Iḷiḷugu akunġagnun Tupquvlu ikipkaiviuvlu, aasii immiġḷugu imiġmik. 19Aaron-lu iġñiŋisalu iqaqqiviginiaġaat iqaġigumisigik argatiglu isigatiglu 20isiŋaiñŋaġmiŋ Tupiġmun naakka ikipkaivigmuksaŋaiñŋaġmiŋ aitchuisaġutiŋ niqauruanik aitchuutinik. Tavraasii tuqutauniaŋitchut. 21Iqaġiruksraġigaich argatiglu isigatiglu, tuquŋitchumaut. Taamna piraksriun atuqtaksraġiniaġaat iliŋisalu kiŋuvaaŋisalu taimuŋaaglaan.”
Uqsruqtaaġun
22 #
Ex 37.29. Atanġum uqallautigaa Moses, 23“Pigigñiqtat avuuġutit piḷugich—qulit malġuktun (12) uqumaisigiruamik imġuruamik myrrh-mik, itchaksratun uqumaisigiruanik tivraġiksuanik cinnamon-nik, itchaksratun uqumaisigiruanik tivraġiksuanik cane-nik, 24suli qulit malġuktun (12) uqumasigiruanik cassia-mik (uqumaisilaaŋalugich inillaktatun). Iḷaluguasii atausiq gallon-mik olive uqsruanik, 25aasii salumaruamik uqsruqtaaġusiuġlusi, akutchimmatun tivraġiksautinik. 26Uqsruqtaaġutigilugu Tupiġmun nayuqtauvimñun, Sivunniuġutim Kiguunniŋanun, 27niġġiviuraġlu suli iluqaisa suġautaŋich, naparuaq naniqaġvik suli suġautaġiraŋich, ikipkaivik tivraġiksaunmik, 28ikipkaivik aitchuutauruanun, suġautaġiraŋiḷḷu, suli iqaqqivik tunŋavialu. 29Ilaaguaqtaġilugich tainna, aasii salumapiaġataqtuaġuġniaqtut, kiapayaaq naakka sunapayaaq aksikpagu salumaruaġuġniaqtuq suaŋŋataagun salumaruaguniŋata. 30Tavraasii uqsruqtaaġlugich Aaron-lu iġñiŋiḷḷu, aasii ilaaguaqtaġilugich aŋaiyyuliqsiqpauniġmun savautiluŋa. 31Uqallautilugich Israel-gum kiŋuvaaŋich, ‘Una salumaruaq uqsruqtaaġun atuqtaksraġiniaġaat savakkumiŋ uvamnun taimuŋaaglaan. 32Kuviraksraġiŋitkaat iñugruiññauruanun, aasii-suli atuqtaksraġiŋitkisi avuuġutiŋich tainnasimik akunŋarualiuġlusi. Salumaruaguruq, tainna piraksraġigiksi salumaruagulugu. 33Kiñapayaaq tainnasiḷiuqpan tuvraġlugich naakka atuġlugich kimupayaamun aŋaiyyuliqsiqpauŋitchuamun iḷauŋaiġñiaqtuq iñugiramnun.’”
Tivraġiksaun
34Atanġum uqallautigaa Moses, “Piksraqsaqtusi atiruanik aktilaallaaŋiññik tivraġiksautit avuuġutit—stacte-mik, onycha-mik, galbanum-mik, suli iḷauŋaitchuamik frankincense-mik. 35Tivraġiksautiliuġniaqtusi taapkuniŋa, akullugich tivraġiksautitun. Taġiuliġḷugu salumapkaqsaġlugu suli salumaruagusaġlugu. 36Kauglugu iḷaŋa iraqsriḷugu, aasii Tupiġmuutilugu nayuqtauvimñun, aasii siqił̣ł̣autigilugu sivuġaanun Sivunniuġutim Kiguunniŋata. Piraksraġigiksi taamna tivraġiksaun salumapiaġataqtuagulugu. 37Tuvraġlugu avuuġutiŋich tivraġiksautiliuġnasi ilivsiññun. Salumaruaġilugu ilaaguaqtauŋaruaq uvamnun. 38Kiñapayaaq tainnasiḷiuġniqpan tivraġiksautigisuglugu, iḷauŋaiġñiaqtuq iñugiramnun.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)