Wawa 33
33
Iave me Isileli ivonedi Kenani pwayapwayana inakewai
50Me Isileli ivebaekwa Moabe dumia waineye Bwasi Iolidani doleneye we Ieliko taoni vivineye. No waineye Iave Mosese ivoneni ivo, 51“Me Isileli kivonedi kunavo, ‘Tutuyanina Bwasi Iolidani kwaidamani kwailugu Kenani pwayapwayana waineye, 52tomo'otoqanidiavo waineye imiamia kwaikwavinedi inasauyedi. We diyaubadavo gileu tunatunadi, diyaubadavo kainumu'eqa ivalabubunidi wete kadididiqa dikabasobwanu kwaikavekapoidi. 53Pwayapwayanina gunabeida avelemi, deqoina kwaikewai waineye kwaimiana mikabaloina. 54#Wawa 26:54-56Wete pwayapwayanina kwaituyei mimanuqavo 12 waidie, mesaida aivevemu tutuyanina gugileu maqemaqetana kutaweni. We manuqa tamoqana tamoqana dipwayapwaya inakewa. Manuqa bwaigina pwayapwaya bwaigina kwaiveledi we manuqa siaina pwayapwaya siaina kwaiveledi.
55“ ‘We kago tomo'otoqanidiavo ge kwaikwavinedi pwayapwayanina waineye'eqa, no gumanidiavo kwaitagwanedi taiauda kwaimiamia mwau inavelevelemi pwayapwayanina waineye. Mwaunina tadavona mesaida kainapia matamie wete kailulu mwalamwalaqidi vilamie idakakaimwalaqa. 56We kago ge kwaikwavinedi inasauyedi, kaimatavuloqanina nigo adaveledi we komi aivelemi.”
Currently Selected:
Wawa 33: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
