Wawa 27
27
Iave Iosua ivesinueni me Isileli inagumetedi
18 #
Isa 24:13
Beqa Iave Mosese ivoneni ivo, “Iosua, Nuni natuna, gumanina Vaitabugu iveadaqi, kimaieni dimamu kiyatoi kunukununeye. 19-20Kivetovoia Tovelomu Eliesa mataneye wete me Isileli matatabudi matadie kivonedi komu kamuketopesala kaditogumeta. We muveluluna tupwaidiavo kusidamaneni Iosua waineye beqa me Isileli matatabudi inavekimataneni. 21#1 Sam 14:41; 28:6Tutuyanina Iosua wayaqina Yau Iave aivonakedekedeni, inanaqo tovelomu Eliesa inavoneni Ulima#27:21 Ulima mesaida gileu siaidi. Gileunina beqa tovelomu inavelituqeni Iave nanuanuana inalaualeni. We kanakisa ge tadayagovi wete ge tadayagovi tovelomu ielituqedi. Isauyedi 28:29, 30 kukiseni. inavelituqeni, waineye'eqa gunuanuana inayagovi me Isileli paipaidi. We Iave navonaeqa Iosua wete me Isileli matatabudi inanaqo kadiqaviavo taiauda inavetalaqa wete navonaeqa inavila inamai.”
22-23Iave navemataluana matatabuna Mosese ivalabubunidi. We Iosua ikewai ivetovoia tovelomu Eliesa mataneye wete me Isileli matatabudi matadie. Matautauda Mosese dimana kunukununeye iyatoi loina wete veluluna iveleni tomo'otoqa inagumetedi.
Currently Selected:
Wawa 27: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
