Wawa 23
23
Tutuyanina Belami ilekwa, Kini Belaki wayaqina Belami me Isileli inavulataqonidi beqa taiauda inaqo ivelomu Iave waineye, tutuya kaitonu kaisaya igabunidi ivelomuyedi waineye. We Belami ge kanasala inavulataqonidi, tutuya puena kaia iesipupumo Iave inavalabubuna-giagiamai me Isileli waidie. We Belami Iave navona me Isileli paipaidi ivesipupuyedi pulina. We dede navalea kanaveluqa.
18Matautauda Belami valea dede ivesipupuyeni ivo,
“Kini Belaki, Sipola natuna, kumai guvona kivevaneneqa-vekavekaieni.
19Iave ge tomo'otoqaotoqa beqa ge idakakatupoe.
Wete nanuanuana ge idasisivilaviladi mesaida tomo'otoqa davalabubuna.
We vakai iesipupuyeni inavalabubuni.
Wete vakai ivonadabedabedi kaia mesaida inasauyedi.
20Iave ivonegu dede tomo'otoqanidiavo aivonavenapwayewedi.
Gunabeida ivonavenapwayewedi beqa yau ge kagusala vonavenapwayewanina aikewayavuleni.
21Iave me Isileli di Yaubada taiauda imiamia.
Bonadi bwaiginaeqa imwasana ivo, ‘Mwaqitana gumanina da Kini.’
Ge tamo veviqa wete mwau inamaieni me Isileli waidie, gumanidiavo Iakobo tubuleleleqinavo.
22Iave Itipitaeqa ikewaluguaqetedi,
Naveluluna me Isileli paipaidi mesaida bulumakau dabadabana natudiavo iekisabodebodedi.
23Beqa tomo'otoqa ge kadisala me Isileli inavulataqonidi,
Balau wete bwaqavu beqa ge kadisala me Isileli inakavekapoidi.
We katumapu tomo'otoqa me Isileli paipaidi inavesipupu inavo,
‘Kwakiseni, saku bwaigiotoqina Iave ivalabubuni tomo'otoqanidiavo paipaidi.’
24We me Isileli diveluluna mesaida laioni vavinena dabadabana.
Kago inadabaqa ge kanasala inavekwada kanaketoava kanakaisaya inaovai,
Dayaqina inayemuya wete inakania.
Mulineye inaketobala inaveyawai.”
Currently Selected:
Wawa 23: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
