Wawa 22
22
Belami ge wayaqina me Isileli inavulataqonidi
1Matautauda me Isileli itauya inaqo Moabe dumia waineye ivebaekwa Bwasi Iolidani vikaineye, Ieliko taoni vivineye.
2Me Moabe di Kini Belaki, Sipola natuna, ikiseni me Isileli vakai puena ivalabubunidi me Amoli waidie. 3Paina me Isileli kadiyoko isaki-otoqa, beqa me Moabe igololoyedi wete ivebunugologololoyedi. 4Me Moabe ivesipupu me Midiani tomoqovo bwaigidi waidie ivo, “Dede yokonidiavo kawaie inakodakodaqeda mesaida bawe vakai matatabuna inakavekapoidi.”
Beqa me Moabe di Kini Belaki 5#Wawa 31:8tomoqovo bwaigidi ivesinuedi navalea inanaweni Bilo natuna Belami waineye, gumanina imiamia Peto taoni waineye, Bwasi Iupelesiti vivineye me Ama dipwayapwaya naqeneye. Navaleanina waineye Kini Belaki Belami ivoneni inamai waineye ivo, “Tomo'otoqa yoko bwaigiotoqina Itipitaeqa imai pwayapwaya matatabuna ikaiumai mesaida kwaima we tupwaidiavo vivigue imiamia. 6No gumanidiavo veluvelulunaotoqidi matautauda yau gutomo'otoqavo, beqa kumai kubwalatedi. We ayagovi kago aitoi kivonavenapwayeweni inavegiagiamai we kago aitoi kibwalateni inaveilaqi. We kago kibwalatedi oge yau kagusala aivelulunapeledi we aikwavinedi inasauyedi gupwayapwaya waineye.”
7We me Midiani wete me Moabe tomoqovo bwaigidi mane ikewai inaqo Belami inatutuli beqa me Isileli inavulataqonidi. Tutuyanina imai Belami waineye, Kini Belaki navalea ivesipupuyeni.
8We Belami ivonedi ivo, “Lovana kaitamoqana taimiamia, kawaie gubaivila aivonemi mesaida Iave inavonegu.” Beqa tomoqovonidiavo bwaigidi taiauda ikeno. 9We lovane Yaubada imai Belami ivelautolieni ivo, “Meqavoi taiauda kwamiamia?”
10Belami Iave ivoneni ivo, “Moabe di Kini Belaki, gumanina Sipola natuna, navalea ivetuneni imai waigue ivesipupu ivo, 11‘Tomo'otoqa pueotoqidi Itipitaeqa isauyedi imai we pwayapwaya matatabuna ikaiumai mesaida kwaima, beqa wayaqigu kivulataqonidi paipaigu, matautauda oge taiauda kaivetalaqa aikwavinedi.”
12We Iave Belami ivoneni ivo, “Ge kinaqo tomoqovonidiavo bwaigidi taiauda, Yau me Isileli avovonavenapwayewedi beqa ge kivulataqonidi.”
13Kawakawaie Belami itovoi Kini Belaki natomoqovo bwaigidi ivonedi ivo, “Iave ge idatagwanegu taiauda tainaqo, beqa komi kwaivila kwainaqo taunimi mivikaie.”
14Beqa tomoqovonidiavo bwaigidi ivila inaqo Kini Belaki waineye ivesipupu ivo, “Belami ibaila, ge taiauda kadamai.”
Matautauda Kini Belaki tomoqovo bwaigidi ivetune-vaituqanedi inaqo Belami waineye. Ivoneni kago inamai me Isileli inavulataqonidi, tutula bwaigina inaveleni. Tutuyanina dede waineye Iave Belami ivoneni tomoqovo bwaigidi taiauda inanaqo Kini Belaki waineye, we kaia vakai Iave ivoneni inavalabubuni.
Belami nadoniki ivesipupu
21Kawakawaie Belami itovoi nadoniki ivalabubuni. Matautauda me Moabe tomoqovo bwaigidi taiauda inaqo Kini Belaki waineye. 22Belami nadoniki tabwaneye imiabui natolituqavo kadikailuqa taiauda inaqonaqo. We Iave kanakapoka ioqala Belami waineye paina tomoqovonidiavo bwaigidi taiauda inaqo. Beqa Iave na'anelose kedeye itovoibodeni.
23We doniki anelosenina ikiseni kepata ikavekavini itovotovoi kedeye. Beqa doniki itunuvilai inaqo tanoqe'eqa. We Belami doniki inigei wayaqina wete inasivileni kedeye.
24We anelosenina iveqanaqo keda simomona waineye itovoi, oine kaditanoqa kailuqa kawasasadie, we tanoqanidiavo gileueqa ikaladi. 25We tutuyanina doniki anelosenina ikiseni Belami kaqena kala waineye itoge ivenigeyeni, beqa Belami doniki wete inige-vaituqani.
26We anelosenina igumeta saiqana iveqanaqo keda simomo-otoqina waineye itovoi, beqa doniki ge kanasala inatunuvilavilai kataqinaeqa o kanakelie'eqa. 27Tutuyanina doniki anelosenina ikiseni iketobala Belami kakauneye. We Belami kanakapoka ioqala na'utoqana beqa doniki inigei.
28We Iave doniki kawana igiaveokei Belami ivoneni ivo, “Yau ge tamo adavalabubuna-kapo waimue, we uvale mukainige kaitonu waigue?”
29Belami ibaivila ivo, “Yau kugogovigu tadavona kwavakwavagu. Kago megukepata deqoina adaluvewapamu.”
30Doniki Belami ivoneni ivo, “Yau mudoniki tutuya puena dumwegue kumimiabui musasala waidie. We kudanuani, tamo tutuya mesaida avalabubunedi waimue?”
Belami ibaivila ivo, “Gebuka!”
31Matautauda Iave Belami matana igiavekawananaqaia na'anelose nakepata ikakavikavini ikiseni itovotovoi kedeye. Beqa Belami isobwanu maiqinaeqa pwayepwayeye.
32We Iave na'anelose ivelautolieni ivo, “Uvale mudoniki kunigei kanakainige kaitonu? Kuvevaneneqa! Musasala Kini Belaki waineye paipaina ge adamwasaneni, beqa muvedebapakala paipaina Yau amai mukeda atovoibodai. 33We mudoniki ikisegu kaitonu itunuvilai waigue'eqa. Kago ge idatunuvilai mwaqitanaotoqa adaluvewapamu, we mudoniki giamaina idamiamia.”
34Belami ibaivila anelosenina waineye ivo, “Yau akapoina matamue, ge adayagovi gukeda kutovoibodai. Kago gusasala paipaina ge kudamwasaneni, deqoina aivila vanuqe.”
35We anelosenina ivoneni ivo, “Kinaqo tomoqovonidiavo bwaigidi taiauda, we kaia vakai aivonemu gumanina kivesipupuyeni.” Beqa Belami Kini Belaki natomoqovo bwaigidi taiauda inaqo.
Currently Selected:
Wawa 22: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Wawa 22
22
Belami ge wayaqina me Isileli inavulataqonidi
1Matautauda me Isileli itauya inaqo Moabe dumia waineye ivebaekwa Bwasi Iolidani vikaineye, Ieliko taoni vivineye.
2Me Moabe di Kini Belaki, Sipola natuna, ikiseni me Isileli vakai puena ivalabubunidi me Amoli waidie. 3Paina me Isileli kadiyoko isaki-otoqa, beqa me Moabe igololoyedi wete ivebunugologololoyedi. 4Me Moabe ivesipupu me Midiani tomoqovo bwaigidi waidie ivo, “Dede yokonidiavo kawaie inakodakodaqeda mesaida bawe vakai matatabuna inakavekapoidi.”
Beqa me Moabe di Kini Belaki 5#Wawa 31:8tomoqovo bwaigidi ivesinuedi navalea inanaweni Bilo natuna Belami waineye, gumanina imiamia Peto taoni waineye, Bwasi Iupelesiti vivineye me Ama dipwayapwaya naqeneye. Navaleanina waineye Kini Belaki Belami ivoneni inamai waineye ivo, “Tomo'otoqa yoko bwaigiotoqina Itipitaeqa imai pwayapwaya matatabuna ikaiumai mesaida kwaima we tupwaidiavo vivigue imiamia. 6No gumanidiavo veluvelulunaotoqidi matautauda yau gutomo'otoqavo, beqa kumai kubwalatedi. We ayagovi kago aitoi kivonavenapwayeweni inavegiagiamai we kago aitoi kibwalateni inaveilaqi. We kago kibwalatedi oge yau kagusala aivelulunapeledi we aikwavinedi inasauyedi gupwayapwaya waineye.”
7We me Midiani wete me Moabe tomoqovo bwaigidi mane ikewai inaqo Belami inatutuli beqa me Isileli inavulataqonidi. Tutuyanina imai Belami waineye, Kini Belaki navalea ivesipupuyeni.
8We Belami ivonedi ivo, “Lovana kaitamoqana taimiamia, kawaie gubaivila aivonemi mesaida Iave inavonegu.” Beqa tomoqovonidiavo bwaigidi taiauda ikeno. 9We lovane Yaubada imai Belami ivelautolieni ivo, “Meqavoi taiauda kwamiamia?”
10Belami Iave ivoneni ivo, “Moabe di Kini Belaki, gumanina Sipola natuna, navalea ivetuneni imai waigue ivesipupu ivo, 11‘Tomo'otoqa pueotoqidi Itipitaeqa isauyedi imai we pwayapwaya matatabuna ikaiumai mesaida kwaima, beqa wayaqigu kivulataqonidi paipaigu, matautauda oge taiauda kaivetalaqa aikwavinedi.”
12We Iave Belami ivoneni ivo, “Ge kinaqo tomoqovonidiavo bwaigidi taiauda, Yau me Isileli avovonavenapwayewedi beqa ge kivulataqonidi.”
13Kawakawaie Belami itovoi Kini Belaki natomoqovo bwaigidi ivonedi ivo, “Iave ge idatagwanegu taiauda tainaqo, beqa komi kwaivila kwainaqo taunimi mivikaie.”
14Beqa tomoqovonidiavo bwaigidi ivila inaqo Kini Belaki waineye ivesipupu ivo, “Belami ibaila, ge taiauda kadamai.”
Matautauda Kini Belaki tomoqovo bwaigidi ivetune-vaituqanedi inaqo Belami waineye. Ivoneni kago inamai me Isileli inavulataqonidi, tutula bwaigina inaveleni. Tutuyanina dede waineye Iave Belami ivoneni tomoqovo bwaigidi taiauda inanaqo Kini Belaki waineye, we kaia vakai Iave ivoneni inavalabubuni.
Belami nadoniki ivesipupu
21Kawakawaie Belami itovoi nadoniki ivalabubuni. Matautauda me Moabe tomoqovo bwaigidi taiauda inaqo Kini Belaki waineye. 22Belami nadoniki tabwaneye imiabui natolituqavo kadikailuqa taiauda inaqonaqo. We Iave kanakapoka ioqala Belami waineye paina tomoqovonidiavo bwaigidi taiauda inaqo. Beqa Iave na'anelose kedeye itovoibodeni.
23We doniki anelosenina ikiseni kepata ikavekavini itovotovoi kedeye. Beqa doniki itunuvilai inaqo tanoqe'eqa. We Belami doniki inigei wayaqina wete inasivileni kedeye.
24We anelosenina iveqanaqo keda simomona waineye itovoi, oine kaditanoqa kailuqa kawasasadie, we tanoqanidiavo gileueqa ikaladi. 25We tutuyanina doniki anelosenina ikiseni Belami kaqena kala waineye itoge ivenigeyeni, beqa Belami doniki wete inige-vaituqani.
26We anelosenina igumeta saiqana iveqanaqo keda simomo-otoqina waineye itovoi, beqa doniki ge kanasala inatunuvilavilai kataqinaeqa o kanakelie'eqa. 27Tutuyanina doniki anelosenina ikiseni iketobala Belami kakauneye. We Belami kanakapoka ioqala na'utoqana beqa doniki inigei.
28We Iave doniki kawana igiaveokei Belami ivoneni ivo, “Yau ge tamo adavalabubuna-kapo waimue, we uvale mukainige kaitonu waigue?”
29Belami ibaivila ivo, “Yau kugogovigu tadavona kwavakwavagu. Kago megukepata deqoina adaluvewapamu.”
30Doniki Belami ivoneni ivo, “Yau mudoniki tutuya puena dumwegue kumimiabui musasala waidie. We kudanuani, tamo tutuya mesaida avalabubunedi waimue?”
Belami ibaivila ivo, “Gebuka!”
31Matautauda Iave Belami matana igiavekawananaqaia na'anelose nakepata ikakavikavini ikiseni itovotovoi kedeye. Beqa Belami isobwanu maiqinaeqa pwayepwayeye.
32We Iave na'anelose ivelautolieni ivo, “Uvale mudoniki kunigei kanakainige kaitonu? Kuvevaneneqa! Musasala Kini Belaki waineye paipaina ge adamwasaneni, beqa muvedebapakala paipaina Yau amai mukeda atovoibodai. 33We mudoniki ikisegu kaitonu itunuvilai waigue'eqa. Kago ge idatunuvilai mwaqitanaotoqa adaluvewapamu, we mudoniki giamaina idamiamia.”
34Belami ibaivila anelosenina waineye ivo, “Yau akapoina matamue, ge adayagovi gukeda kutovoibodai. Kago gusasala paipaina ge kudamwasaneni, deqoina aivila vanuqe.”
35We anelosenina ivoneni ivo, “Kinaqo tomoqovonidiavo bwaigidi taiauda, we kaia vakai aivonemu gumanina kivesipupuyeni.” Beqa Belami Kini Belaki natomoqovo bwaigidi taiauda inaqo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.