Wawa 20
20
Miliama iwapa
1Wetaki gumegumetana#20:1 Wetaki gumegumetana kida paipaida Matayewa (January), we me Diu diwetaki gumegumetana isauyeni Katuboqi (March) wete Vasewa (April). waineye me Isileli matatabudi ilekwa Sini Pwayapwayamaiqe, Kedesi taoni waineye imiamia. No waineye Miliama#Isa 15:20 iwapa itavunidi.
Me Isileli Mosese ibwaduyeni
2 #
Isa 17:1-7
We pwayapwayamaiqanina bwasi gebuka yoko bwaigina paipaidi beqa me Isileli matatabudi mekadikapoka iyoko Mosese wete Eloni taiauda ivekawalagalaga. 3Mosese ibwaduyeni ivo, “Kima kamalaubwaina base kadawapa tatamavo taiauda tutuyanina iwapa Iave mataneye.#20:3 Wawa 16:1-50 ivoneda tamo tomoqo kanawavaqa Kola wete me Isileli kaditogumeta tupwaidiavo Mosese ivedumwekaikaieni beqa Iave tamo yoyoyo ivetuneni itononidi. 4Uvale Iave natomo'otoqavo kumaiema dede pwayapwayamaiqa waineye kaiwapa makaisayavo taiauda? 5Wete uvale Itipitaeqa kukewaluguaqetema dede vikainina kapoina waineye? Kababagula ge giamaina beqa ge kanasala modaba, witi, gulepa wete tupwaidiavo kaivuavuaqa kaibagulidi, wete dede waineye ge tamo bwasi kabayemu idakenokeno.”
6Beqa Mosese wete Eloni tomo'otoqa matatabudi ikiawedi itauya inaqo Ukweta Maqemaqetana kawaneye maiqidieqa ilaukabubu pwayepwayeye. We Iave mata'udu'udulina ilausimatala waidie. 7Iave Mosese ivoneni ivo, 8“Mu'utoqana kukewai tatamu Eloni taiauda tomo'otoqa matatabudi kwaiqolekauqidi. Tomo'otoqanidiavo matadie gileu kivoneni bwasi inaketo'iwaqa. Dede mesaida komi gileunina waineye bwasi kwaikewaluguaqeteni beqa tomo'otoqa matatabudi wete dikaisayavo inayemu.” 9Beqa Mosese inaqo Ukweta Maqemaqetana waineye utoqana ikewai mesaida Iave ivoneni.
Mosese gileu inigei
10Mosese wete Eloni tomo'otoqa matatabudi iqolekauqidi imai gileu bwaigina mataneye itovoi we Mosese itakalidi ivo, “Komi tolaudebalagava, kwavekwada aivonemi! Banikodiqa, ilaubwainema kima kago gileu dede waineye bwasi kaikewaluguaqeteni kwaiyemu?”
11Mosese dimana isilagai nakainige kailuqa gileunina waineye na'utoqanaeqa, we bwasi isauyeni iketo'iwaqa. Tomo'otoqa matatabudi wete dikaisayavo taiauda iyemu.
12We Iave Mosese wete Eloni ivonedi ivo, “Paina mivetumaqana imwea, Yau maqemaqetagu ge kwadavekaivevenegu me Isileli matadie, beqa komi dede tomo'otoqanidiavo ge kwaimaiedi pwayapwayanina Yau aveleveledi waineye.”
Dede valabubunanina isauyeni vikai kanawavaqa Meliba waineye. Meliba kananuakawananaqai 'vekawalagalaga' paina no waineye me Isileli Iave taiauda ivekawalagalaga.
Eloni iwapa
23Koya Owa waineye wete me Edomu dipwayapwaya kanakabavekakava vivineye, Iave Mosese wete Eloni ivonedi ivo, 24“Komi guvona ge kwadavekimataneni Meliba bwasi waineye, beqa Eloni ge inalugu pwayapwayanina me Isileli aveleveledi waineye. We gumanina yawaina inakakava tubunavo mulidie inanaqo 25Eloni wete natuna Eliesa taiauda kilagavedi Koya Owa waineye. 26Matautauda Eloni kanakaleko kabavelomu#Isa 28:1-3 kwaisitakidi natuna Eliesa kwaivekweseni. We no waineye Eloni inawapa tubunavo mulidie inanaqo.”
27Beqa Iave Mosese ivoneni mesaida ivalabubunedi. We tomo'otoqa matatabudi matadie kadikaitonu ilaga Koya Owa waineye. 28Matautauda Mosese Eloni kanakaleko kabavelomu isitakidi beqa natuna Eliesa ivekweseni. We Eloni koya tabwaneye iwapa. Matautauda Mosese wete Eliesa koyeye'eqa iobuma.
29Tutuyanina waineye me Isileli matatabudi Eloni ikisakavai, itaitaiqa kaiata 30 naqedie.
Currently Selected:
Wawa 20: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Wawa 20
20
Miliama iwapa
1Wetaki gumegumetana#20:1 Wetaki gumegumetana kida paipaida Matayewa (January), we me Diu diwetaki gumegumetana isauyeni Katuboqi (March) wete Vasewa (April). waineye me Isileli matatabudi ilekwa Sini Pwayapwayamaiqe, Kedesi taoni waineye imiamia. No waineye Miliama#Isa 15:20 iwapa itavunidi.
Me Isileli Mosese ibwaduyeni
2 #
Isa 17:1-7
We pwayapwayamaiqanina bwasi gebuka yoko bwaigina paipaidi beqa me Isileli matatabudi mekadikapoka iyoko Mosese wete Eloni taiauda ivekawalagalaga. 3Mosese ibwaduyeni ivo, “Kima kamalaubwaina base kadawapa tatamavo taiauda tutuyanina iwapa Iave mataneye.#20:3 Wawa 16:1-50 ivoneda tamo tomoqo kanawavaqa Kola wete me Isileli kaditogumeta tupwaidiavo Mosese ivedumwekaikaieni beqa Iave tamo yoyoyo ivetuneni itononidi. 4Uvale Iave natomo'otoqavo kumaiema dede pwayapwayamaiqa waineye kaiwapa makaisayavo taiauda? 5Wete uvale Itipitaeqa kukewaluguaqetema dede vikainina kapoina waineye? Kababagula ge giamaina beqa ge kanasala modaba, witi, gulepa wete tupwaidiavo kaivuavuaqa kaibagulidi, wete dede waineye ge tamo bwasi kabayemu idakenokeno.”
6Beqa Mosese wete Eloni tomo'otoqa matatabudi ikiawedi itauya inaqo Ukweta Maqemaqetana kawaneye maiqidieqa ilaukabubu pwayepwayeye. We Iave mata'udu'udulina ilausimatala waidie. 7Iave Mosese ivoneni ivo, 8“Mu'utoqana kukewai tatamu Eloni taiauda tomo'otoqa matatabudi kwaiqolekauqidi. Tomo'otoqanidiavo matadie gileu kivoneni bwasi inaketo'iwaqa. Dede mesaida komi gileunina waineye bwasi kwaikewaluguaqeteni beqa tomo'otoqa matatabudi wete dikaisayavo inayemu.” 9Beqa Mosese inaqo Ukweta Maqemaqetana waineye utoqana ikewai mesaida Iave ivoneni.
Mosese gileu inigei
10Mosese wete Eloni tomo'otoqa matatabudi iqolekauqidi imai gileu bwaigina mataneye itovoi we Mosese itakalidi ivo, “Komi tolaudebalagava, kwavekwada aivonemi! Banikodiqa, ilaubwainema kima kago gileu dede waineye bwasi kaikewaluguaqeteni kwaiyemu?”
11Mosese dimana isilagai nakainige kailuqa gileunina waineye na'utoqanaeqa, we bwasi isauyeni iketo'iwaqa. Tomo'otoqa matatabudi wete dikaisayavo taiauda iyemu.
12We Iave Mosese wete Eloni ivonedi ivo, “Paina mivetumaqana imwea, Yau maqemaqetagu ge kwadavekaivevenegu me Isileli matadie, beqa komi dede tomo'otoqanidiavo ge kwaimaiedi pwayapwayanina Yau aveleveledi waineye.”
Dede valabubunanina isauyeni vikai kanawavaqa Meliba waineye. Meliba kananuakawananaqai 'vekawalagalaga' paina no waineye me Isileli Iave taiauda ivekawalagalaga.
Eloni iwapa
23Koya Owa waineye wete me Edomu dipwayapwaya kanakabavekakava vivineye, Iave Mosese wete Eloni ivonedi ivo, 24“Komi guvona ge kwadavekimataneni Meliba bwasi waineye, beqa Eloni ge inalugu pwayapwayanina me Isileli aveleveledi waineye. We gumanina yawaina inakakava tubunavo mulidie inanaqo 25Eloni wete natuna Eliesa taiauda kilagavedi Koya Owa waineye. 26Matautauda Eloni kanakaleko kabavelomu#Isa 28:1-3 kwaisitakidi natuna Eliesa kwaivekweseni. We no waineye Eloni inawapa tubunavo mulidie inanaqo.”
27Beqa Iave Mosese ivoneni mesaida ivalabubunedi. We tomo'otoqa matatabudi matadie kadikaitonu ilaga Koya Owa waineye. 28Matautauda Mosese Eloni kanakaleko kabavelomu isitakidi beqa natuna Eliesa ivekweseni. We Eloni koya tabwaneye iwapa. Matautauda Mosese wete Eliesa koyeye'eqa iobuma.
29Tutuyanina waineye me Isileli matatabudi Eloni ikisakavai, itaitaiqa kaiata 30 naqedie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.