Tite 3
3
Mɛɛ vana Hala-o bɛnda mò va vilio yɛ
1Yiyilan vanaa laalannda maa a tuisin tootoo a simlacia a á masaa lelɛŋnda, mà bii sɔɔn ndan, mà va a bɛɛndiannda lɔ́ɔ́-lɔ́ɔ̀ le dɛnnda kɛndɛlan kpow tosaa. 2A dimi dɛnɛ vɔɔn vana-vana le, a va vanaa kɔlta ɲulua a vanaa kɔlta kɛndɛa, mà va vanaa tuisiannda a vannda kpow. 3Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa. 4Kɛ lɔ́ɔ́ Hala Vana naa Ciindiaa cɔm kɛndɛi ndɔɛi a kaola ndɔɔ le vanndacieea-o, 5mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo. 6Kani Hala sɛŋi naa Kɔl-Diandaa kon coo o diola Yeesu Krista Vana Ciindiaa naa, 7haliko mo siinguu naa vanaa sandaa o kɛndɛi ndɔɛi bɛngu, o kon mì n sɔla cinda fɛɛn-fɛɛndo, o naa n co tiindanndo-o. 8Sɔɛi toɲɛi co hee ni.
I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan. 9Kɛ vow sondoo o sɔɔn idiɔmndon nin te, diola fuɲaa-mamaa dimio o polalen, sɔngɔlan a sɛɛngianndan o tɔŋndo coo. Kani n yɔngù vana tɔnɔ oo tɔnɔ le, n nɛŋì vana ɲɛ-ɲɛ le. 10Kanalan vana co sɛyanndo lueiyo vannda tɛɛn-ndo lepilɛ, mà kanalan ndu vɛlɛ o diinndɔɔ, o kon kɔɔli, a faŋan ndu kɔɔli. 11Sínà maa vana vaa lende co lɛ o nɛi sandaa coo le, o hakio nin o co ni, ndu pila cii yaalan.
Sɔɔn mɛɛlan
12I vem dɔ́ɔ́ pɛ Artemas, te kon te Tsisike o nɔm ndo, a kindin a komal-la Nikopolis, kani lon ya tuu le sialten hivio ni. 13Kindin mà mala Senas, vana sinaa dɛnɛ bɛndu latɔŋndo nda Apolɔs le kɔla ndalan, haliko ɲɛ-ɲɛ va nda lepɛŋ te. 14Mɛɛ mì vanaa naa bɛɛ a pɛɛku, mà yɔngun le dɛnnda kɛndɛlan tosaa, mà malà vanaa co o balahavɛilan nin-nda, yɔŋii nda kɛɛ mako nɛŋi.
15Vanaa co ya ikɛi nanun-nda kpow a yil nɔm. Yil vanaa kaola naa le laalanndo-a.
Màá niaa kpow sɔla dɛnɛ kɛndɔɔ!
Currently Selected:
Tite 3: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Tite 3
3
Mɛɛ vana Hala-o bɛnda mò va vilio yɛ
1Yiyilan vanaa laalannda maa a tuisin tootoo a simlacia a á masaa lelɛŋnda, mà bii sɔɔn ndan, mà va a bɛɛndiannda lɔ́ɔ́-lɔ́ɔ̀ le dɛnnda kɛndɛlan kpow tosaa. 2A dimi dɛnɛ vɔɔn vana-vana le, a va vanaa kɔlta ɲulua a vanaa kɔlta kɛndɛa, mà va vanaa tuisiannda a vannda kpow. 3Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa. 4Kɛ lɔ́ɔ́ Hala Vana naa Ciindiaa cɔm kɛndɛi ndɔɛi a kaola ndɔɔ le vanndacieea-o, 5mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo. 6Kani Hala sɛŋi naa Kɔl-Diandaa kon coo o diola Yeesu Krista Vana Ciindiaa naa, 7haliko mo siinguu naa vanaa sandaa o kɛndɛi ndɔɛi bɛngu, o kon mì n sɔla cinda fɛɛn-fɛɛndo, o naa n co tiindanndo-o. 8Sɔɛi toɲɛi co hee ni.
I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan. 9Kɛ vow sondoo o sɔɔn idiɔmndon nin te, diola fuɲaa-mamaa dimio o polalen, sɔngɔlan a sɛɛngianndan o tɔŋndo coo. Kani n yɔngù vana tɔnɔ oo tɔnɔ le, n nɛŋì vana ɲɛ-ɲɛ le. 10Kanalan vana co sɛyanndo lueiyo vannda tɛɛn-ndo lepilɛ, mà kanalan ndu vɛlɛ o diinndɔɔ, o kon kɔɔli, a faŋan ndu kɔɔli. 11Sínà maa vana vaa lende co lɛ o nɛi sandaa coo le, o hakio nin o co ni, ndu pila cii yaalan.
Sɔɔn mɛɛlan
12I vem dɔ́ɔ́ pɛ Artemas, te kon te Tsisike o nɔm ndo, a kindin a komal-la Nikopolis, kani lon ya tuu le sialten hivio ni. 13Kindin mà mala Senas, vana sinaa dɛnɛ bɛndu latɔŋndo nda Apolɔs le kɔla ndalan, haliko ɲɛ-ɲɛ va nda lepɛŋ te. 14Mɛɛ mì vanaa naa bɛɛ a pɛɛku, mà yɔngun le dɛnnda kɛndɛlan tosaa, mà malà vanaa co o balahavɛilan nin-nda, yɔŋii nda kɛɛ mako nɛŋi.
15Vanaa co ya ikɛi nanun-nda kpow a yil nɔm. Yil vanaa kaola naa le laalanndo-a.
Màá niaa kpow sɔla dɛnɛ kɛndɔɔ!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée