Dɛnnda kiilaa 28
28
Pol tiiya Malte o lɛŋnde co o mɛnndan tɛɛn nden nin
1Naa n fulaa o kɔngɔ, mí n tuɛi maa Malte lɛŋnde len le nɔ diolan ni. 2Mí vanaa co o lɛŋnde len nin-nda a tosal naa dɛnɛ kɛndɔɔ. Má biilu naa, má kiisuu yinnde bɛndulen, mí n balu len sɔ́, kani piɔɔ va siaa, hoeiye i va vɛlɛ. 3Mí Pol cuungiaa yɔmnde kundaa le vowvo o yin. Telen o va ndi vowvo-o, mí ɲɛ tuwvo komal hɔ̀ɔ̀lɔ́ɔ̀, mó fula, mó simbulun ndu o baa. 4Vanaa va o lɛŋnde len nin-nda cɔu hɔ̀ɔ̀lɔ́ kon o landanndo ndu o ba, má dimulan vellaa-velle aa: «Langbanɔɔ ho kɛɛ va vana diyaa n'vanndo le, kani mɛmma ihɛllan ma langa biondu ndu, kɛ dɛnɛ sandaa Hala-o cɛl-lɔ mo va yoomu le.» 5Kɛ mí Pol fasaŋa kɛw kon o yin, o sinan nɛi oo nɛi le. 6Vanaa kan va yiyanndo maa baa va ndu hindɔɔ, te kon te maa o va delɔɔ mi ndóò vi. Kɛ má viaw ka, ɲɛ-ɲɛ vɔɔn tosan ndu le. O kon, má mangala yiyanndo, má dimi aa hala Pol co ni.
7Fondaa pum va naa ikɛi lon, simlacinɔ lebol va o lɛŋnde len nin-ndo ndóò nɔ ndu ni, langbanɔ kon diolan Publius. Mó yiya naa ɲɛkɛndɛi maa caaŋaa ndɔ o ndu lo, mí n hivi palɛi ndii yáá. 8Fuɲa ndɔ va ihini o kpeloo coo. Diallon va ndu nɛiyo, o va vɛlɛ sɔndian-makòó. Mí Pol kɔ tofa ndu, mó piɛi Hala, mó handu ndu balan coo, mó singi ndu. 9O kon mí vanaa lanàà tɔ̀a va o lɛŋnde len nin-nda bɛɛ a hun, má sɔla siongɔɔ. 10Má ke naa bɛɛlen taw. Telen naa n va faŋanndo-o, má ke naa ɲɛ-ɲɛ naa n nɔ makoo le kɔlan.
Pol tiiya Rɔm
11Paangon mún yáá o kon kɔɔli, mí n faŋan, mí n luɛi o dɛ̀ndɛ̀ fula Alɛksandrii-o pum nin, ò tɔɔmasele Diɔskura#28.11 Diɔskura: O bundɛi Krɛkia nin, Diɔskura pɛndua nda va ni, diola ndala kpeekpeilan aa «Kastɔr a Poluks». Nda óò kanda vana o kelaa o mɛnndan coo ni. va o tuulaa coo-o. Dɛ̀ndɛ̀ kalaa yɛ, o fonda simiaa ladɛndɔɔ pum o lo ni mí sialten kpow le hiaw. 12Naa n tiiyaa Sirakus, mí n tosa palɛi ndii yáá. 13Cɔnɔnndo lon, mí n demul kɔngɔɔ, mí n tiiya Rekio. Mí hoeyii fula a ba too-e i hɔŋ. Palɛi ŋiin o kon kɔɔli, mí n tiiya Pusɔlɛs. 14Mí n komal puapilɛa pum o kobi kon nin, má tɛɛlun naa aa n hivi lɔ́ɔ́ pilɛ naa ndaa latulu. Kon yɔŋ ni, mí n kɔa Rɔm. 15Mɛɛ puapilɛa naa va Rɔm-nda tuei naa tɔ́ɔ́, má hun naa bɔŋa háá Apius o lɔ́ɔ́ nin a o Cɛila Yaala Yiyaa mialla. Pol cɔu nda dɔ́ɔ́, mó mel Hala balika, mó sɔla yoomuan. 16Naa n tiiyaa Rɔm, má dimi le Pol yiyaa landɔ, má soli kpalilnɔɔ le ndu hɔlla landɔɔ coo.
Pol pɛɛku vannda Rɔm a masale Hala len o kɔɔ
17Palɛi yaa o kon kɔɔli, mí Pol veelu simlacia Yuifia va Rɔm-nda o ndu lo. Mɛɛ nda cuungian, mó dimul nda aa: «Puapilɛa nia, i tɛɛmbuu isɔɔ oo isɔɔ a vanaa naa le, te kon te o naamula fuɲaa naa mamaa nin te. Kɛ nduyɛ, má bii ya Yerusalɛm, má mal-la rɔmnda o ba. 18Mí Rɔmnda ɲuuniaa ya, ndáà yeema mì ndáà soli ya o kaasoo, kani a ci tɛɛmbuu yáà bɛnda le piɔ́m sɔla le. 19Kɛ mí Yuifia kɛɛ, má baŋ ya, mí veelu Sesar. Nduyɛ, yáà yeema mì yáà handu vanaa nia isɔɔ coo le. 20Lelan ya ɲuna ni mì hun soo o niaa lo. Kani le tiindan Israɛlla nɔ-o ya co o yɔlɔn nuaa ni.»
21Mí simlacia Yuifia mulul ndu aa: «N sɔla sɛbɛ kɛ́-kɛ̀ fulaa Yuda o diola nɔmndan te, paupilɛ naa kɛ́-kɛ̀ fula lon mò hun dimul naa sɔɛi vɔɔn a nɔm o kɔɔ le. 22Kɛ n yeema mì n sínà yiyan nɔmndo. Kani n sínà maa vannda co nɔm cenelanndo nɛɛ-nɛɛ ka.»
23O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo. 24Mí vanaa pum a laalan sɔɔn o va dimi-on, kɛ a pum a laalan te. 25Má sɛyan a sɛɛngianndan, mí Pol dimul nda aa: «Toɲaa mí Hala Kɔl-Diandaa soaa a sondo Esai, vana-tɛɛngaa-diom Hala-o, 26mó dimi aa: ‹Kɔ dimul vannda ha aa:
La tuɛinin ɲɛkɛndɛi, kɛ la biinin bila le,
la tofanin, kɛ la cinin te.
27Kani kɔlta vannda ha la bii isɔɔ le,
a cii nilan baŋul mà kinda hɔltan,
yɔŋii nda cɔ a hɔlta ndalan,
mà tuei a nila ndalan,
mà bii bila a kɔlta ndalan,
yɔŋii nda hun ya o ibuŋ, mà sɔla siongɔɔ.›
28Lelan, la sínà maa sɔɛi cinda fula Hala o ba-o yɔngunnin vanaa co N'Yuifi le-a, mà bii ndi.»
[ 29Pol ciiyo kon dimio, mí Yuifia kɔannun, a va kɔlan a sɛɛngianndan taw nda pilaa tɛɛn#28.29 Bungɛi he co o sɛbɛla paandula bɔɔ-bɔɔ nin te..]
30Vɔsilan tan tiɔn Pol cii o cɛi o va salaa-o nin ni. Lon vanaa va ndu hunɔɔ yilɔɔ-a va ndu komallo ni. 31O va vannda pɛɛkoo a masale Hala len o kɔɔ, mo va nda sɔɛi Maalii Yeesu Krista-e tiiyallo a tiindanndo kpede, ɲɛ-ɲɛ kuuna ndu le.
Currently Selected:
Dɛnnda kiilaa 28: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Dɛnnda kiilaa 28
28
Pol tiiya Malte o lɛŋnde co o mɛnndan tɛɛn nden nin
1Naa n fulaa o kɔngɔ, mí n tuɛi maa Malte lɛŋnde len le nɔ diolan ni. 2Mí vanaa co o lɛŋnde len nin-nda a tosal naa dɛnɛ kɛndɔɔ. Má biilu naa, má kiisuu yinnde bɛndulen, mí n balu len sɔ́, kani piɔɔ va siaa, hoeiye i va vɛlɛ. 3Mí Pol cuungiaa yɔmnde kundaa le vowvo o yin. Telen o va ndi vowvo-o, mí ɲɛ tuwvo komal hɔ̀ɔ̀lɔ́ɔ̀, mó fula, mó simbulun ndu o baa. 4Vanaa va o lɛŋnde len nin-nda cɔu hɔ̀ɔ̀lɔ́ kon o landanndo ndu o ba, má dimulan vellaa-velle aa: «Langbanɔɔ ho kɛɛ va vana diyaa n'vanndo le, kani mɛmma ihɛllan ma langa biondu ndu, kɛ dɛnɛ sandaa Hala-o cɛl-lɔ mo va yoomu le.» 5Kɛ mí Pol fasaŋa kɛw kon o yin, o sinan nɛi oo nɛi le. 6Vanaa kan va yiyanndo maa baa va ndu hindɔɔ, te kon te maa o va delɔɔ mi ndóò vi. Kɛ má viaw ka, ɲɛ-ɲɛ vɔɔn tosan ndu le. O kon, má mangala yiyanndo, má dimi aa hala Pol co ni.
7Fondaa pum va naa ikɛi lon, simlacinɔ lebol va o lɛŋnde len nin-ndo ndóò nɔ ndu ni, langbanɔ kon diolan Publius. Mó yiya naa ɲɛkɛndɛi maa caaŋaa ndɔ o ndu lo, mí n hivi palɛi ndii yáá. 8Fuɲa ndɔ va ihini o kpeloo coo. Diallon va ndu nɛiyo, o va vɛlɛ sɔndian-makòó. Mí Pol kɔ tofa ndu, mó piɛi Hala, mó handu ndu balan coo, mó singi ndu. 9O kon mí vanaa lanàà tɔ̀a va o lɛŋnde len nin-nda bɛɛ a hun, má sɔla siongɔɔ. 10Má ke naa bɛɛlen taw. Telen naa n va faŋanndo-o, má ke naa ɲɛ-ɲɛ naa n nɔ makoo le kɔlan.
Pol tiiya Rɔm
11Paangon mún yáá o kon kɔɔli, mí n faŋan, mí n luɛi o dɛ̀ndɛ̀ fula Alɛksandrii-o pum nin, ò tɔɔmasele Diɔskura#28.11 Diɔskura: O bundɛi Krɛkia nin, Diɔskura pɛndua nda va ni, diola ndala kpeekpeilan aa «Kastɔr a Poluks». Nda óò kanda vana o kelaa o mɛnndan coo ni. va o tuulaa coo-o. Dɛ̀ndɛ̀ kalaa yɛ, o fonda simiaa ladɛndɔɔ pum o lo ni mí sialten kpow le hiaw. 12Naa n tiiyaa Sirakus, mí n tosa palɛi ndii yáá. 13Cɔnɔnndo lon, mí n demul kɔngɔɔ, mí n tiiya Rekio. Mí hoeyii fula a ba too-e i hɔŋ. Palɛi ŋiin o kon kɔɔli, mí n tiiya Pusɔlɛs. 14Mí n komal puapilɛa pum o kobi kon nin, má tɛɛlun naa aa n hivi lɔ́ɔ́ pilɛ naa ndaa latulu. Kon yɔŋ ni, mí n kɔa Rɔm. 15Mɛɛ puapilɛa naa va Rɔm-nda tuei naa tɔ́ɔ́, má hun naa bɔŋa háá Apius o lɔ́ɔ́ nin a o Cɛila Yaala Yiyaa mialla. Pol cɔu nda dɔ́ɔ́, mó mel Hala balika, mó sɔla yoomuan. 16Naa n tiiyaa Rɔm, má dimi le Pol yiyaa landɔ, má soli kpalilnɔɔ le ndu hɔlla landɔɔ coo.
Pol pɛɛku vannda Rɔm a masale Hala len o kɔɔ
17Palɛi yaa o kon kɔɔli, mí Pol veelu simlacia Yuifia va Rɔm-nda o ndu lo. Mɛɛ nda cuungian, mó dimul nda aa: «Puapilɛa nia, i tɛɛmbuu isɔɔ oo isɔɔ a vanaa naa le, te kon te o naamula fuɲaa naa mamaa nin te. Kɛ nduyɛ, má bii ya Yerusalɛm, má mal-la rɔmnda o ba. 18Mí Rɔmnda ɲuuniaa ya, ndáà yeema mì ndáà soli ya o kaasoo, kani a ci tɛɛmbuu yáà bɛnda le piɔ́m sɔla le. 19Kɛ mí Yuifia kɛɛ, má baŋ ya, mí veelu Sesar. Nduyɛ, yáà yeema mì yáà handu vanaa nia isɔɔ coo le. 20Lelan ya ɲuna ni mì hun soo o niaa lo. Kani le tiindan Israɛlla nɔ-o ya co o yɔlɔn nuaa ni.»
21Mí simlacia Yuifia mulul ndu aa: «N sɔla sɛbɛ kɛ́-kɛ̀ fulaa Yuda o diola nɔmndan te, paupilɛ naa kɛ́-kɛ̀ fula lon mò hun dimul naa sɔɛi vɔɔn a nɔm o kɔɔ le. 22Kɛ n yeema mì n sínà yiyan nɔmndo. Kani n sínà maa vannda co nɔm cenelanndo nɛɛ-nɛɛ ka.»
23O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo. 24Mí vanaa pum a laalan sɔɔn o va dimi-on, kɛ a pum a laalan te. 25Má sɛyan a sɛɛngianndan, mí Pol dimul nda aa: «Toɲaa mí Hala Kɔl-Diandaa soaa a sondo Esai, vana-tɛɛngaa-diom Hala-o, 26mó dimi aa: ‹Kɔ dimul vannda ha aa:
La tuɛinin ɲɛkɛndɛi, kɛ la biinin bila le,
la tofanin, kɛ la cinin te.
27Kani kɔlta vannda ha la bii isɔɔ le,
a cii nilan baŋul mà kinda hɔltan,
yɔŋii nda cɔ a hɔlta ndalan,
mà tuei a nila ndalan,
mà bii bila a kɔlta ndalan,
yɔŋii nda hun ya o ibuŋ, mà sɔla siongɔɔ.›
28Lelan, la sínà maa sɔɛi cinda fula Hala o ba-o yɔngunnin vanaa co N'Yuifi le-a, mà bii ndi.»
[ 29Pol ciiyo kon dimio, mí Yuifia kɔannun, a va kɔlan a sɛɛngianndan taw nda pilaa tɛɛn#28.29 Bungɛi he co o sɛbɛla paandula bɔɔ-bɔɔ nin te..]
30Vɔsilan tan tiɔn Pol cii o cɛi o va salaa-o nin ni. Lon vanaa va ndu hunɔɔ yilɔɔ-a va ndu komallo ni. 31O va vannda pɛɛkoo a masale Hala len o kɔɔ, mo va nda sɔɛi Maalii Yeesu Krista-e tiiyallo a tiindanndo kpede, ɲɛ-ɲɛ kuuna ndu le.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée