Hinangan 13
13
Tapeneꞌ si Barnabas duk si Saul duk pinalengngan siye
1Laꞌi si meꞌ masandel pu si Isa si Antiyokin, niyaꞌ meꞌ magpalataꞌ bissā Tuhanin duk niyaꞌ meꞌ magusihat. Siye miyaꞌan disi Barnabas, si Simon ugey-ugeynen si Ittem, si Lukiyus aꞌa Kirene, si Saul, duk si Manaen, bakas saweꞌ-saweꞌ Sultan Herod kadikiꞌden. 2Missā Niyawa Sutsihin si siye miyaꞌan sābude magsambahayang si Tuhan duk magpuwase. Paꞌin Niyawa Sutsihin si siye, “Paseddilihun bi aku Barnabas duk si Saul, niyaꞌ hinang pamasukuꞌanku siye.” 3Magpuwase pe siye balik duk māku-māku si Tuhan, ubus bu binettad weꞌ de tanganden pī si duwanganin duk dinaꞌak ne siye lumengngan.
Laꞌi si pū Kiprus
4Manjari, peggeꞌ dinaꞌak siye weꞌ Niyawa Sutsihin lumengngan, hangkan padurul ne Barnabas duk si Saul hap lahat Seluki duk patulak siye billaꞌi hap pūꞌ Kiprus. 5Pagtekkade si pūꞌ miyaꞌan, laꞌi si kalumaꞌan inēnan Salamis, minahalayak weꞌ de lapal Tuhanin dem meꞌ kalanggalan Yahudi. Laꞌi Yahiya Markus nabangan siye si meꞌ hinangden. 6Binutasan weꞌ de pūꞌ miyaꞌan sampay tekka siye si kalumaꞌan inēnan Papos. Makadugpak siye laꞌi dambuwaꞌ landungan, ēnnen si Bar-Isa. Aꞌa Yahudi iye duk magmā-mā iye magpalataꞌ bissā Tuhanin. 7Magbagay Bar-Isa miyaꞌan duk si Sergus Paulus, gubnul pūꞌ miyaꞌan. Gubnul miyaꞌan aꞌa lalem pikilannen. Tinawag weꞌ gubnulin si Barnabas duk si Saul pī si iye peggeꞌ bayaꞌ iye pakale si lapal Tuhanin. 8Saguwaꞌ sinaggaꞌ duwanganin weꞌ landunganin. (Ēnnen bang si bissāhan Girik, si Elimas.) Gaꞌi bayaꞌ Elimas bang kahagad gubnulin si lapal Tuhanin. 9Manjari si Saul pagbayaꞌan weꞌ Niyawa Sutsihin. Si Saul duwe ēnnen. Ēnne dambuwaꞌin si Paul. Pinayaman teꞌed pahantap weꞌ si Paul landunganin. 10Paꞌin si Paul si iye, “Anak nakuraꞌ seyitanin kew. Ine-ine hāp kuntarahannu. Pangakkal kew teꞌed duk laꞌatan ateynun. Luwal hadja kinuyas-kuyas weꞌ nu meꞌ mabennal amban Tuhanin. 11Payamanun,” paꞌin si Paul, “kuweꞌitu patekkahan Tuhanin kew balaꞌ. Ngapessek kew iyan duk tiggel-tiggel kew gaꞌi makakite dantaꞌ ellew.” Magtawus takalessa Elimas kuweꞌ niyaꞌ gabun ittem nampengan meꞌ matanen duk gaꞌi ne iye ngite. Lumengngan iye miha aꞌa nundan iye. 12Pagkite gubnulin maꞌumantag miyaꞌan, kahagad ne iye; peggeꞌ ulaliꞌ teꞌed iye si meꞌ usihat si Paul sabab si Isa, Panuhutanin.
Tekka disi Paul si Antiyok laꞌi si lahat Pisidiya
13Manjari pagubus disi Paul magusihat laꞌi si Papos, patulak siye hap Perga, laꞌi si lahat Pampiliya. Tekka laꞌi, inambanan siye weꞌ Yahiya Markus duk moleꞌ iye balik hap Awrusalam. 14Amban Perga palanjal si Paul duk Barnabas sampay tekka siye si Antiyok, laꞌi si lahat Pisidiya. Pagellew Sabtuꞌ, liꞌi meꞌ Yahudihin, pī siye si langgal Yahudi duk ningkoloꞌ siye laꞌi diyalem. 15Niyaꞌ binatsa amban saraꞌ si Musa duk amban kitab kanabi-nabihanin. Pagubus miyaꞌan binatsa, ngandaꞌak meꞌ nakuraꞌ langgal miyaꞌan pī pu disi Paul magpaꞌin, “Meꞌ kapungtinaꞌihan, bang niyaꞌ batang bissābi pangusihatbi si meꞌ aꞌahin, missā ne kaꞌam.” 16Manjari nengge si Paul duk ninyas iye duk tanganne supaya meꞌ aꞌahin pakale. Ubus bu missā ne iye. Paꞌinne, “Meꞌ pagkasiku bangsa Israꞌil duk sampay kēmon ne kaꞌam amban kabangsahan seddili saguwaꞌ nambahayang si Tuhan, pakalehun bi ku. 17Meꞌ kapapuꞌan kamihin tapeneꞌ weꞌ Tuhanin, iye asal pagtuhanan kami bangsa Israꞌilin. Pinahadje weꞌ ne bangsa Israꞌilin baytu patennaꞌde si Misilin, lahat bangsa seddili. Duk binoꞌo siye weꞌ Tuhanin paluwas amban lahat miyaꞌan weꞌ balakatne mahadjehin. 18Ampatpūꞌ tahun panandal-nandal Tuhan manggaꞌi panuhut bangsa Israꞌil toloꞌnen laꞌi dem lahat makagindew-gindew īꞌ. 19Pituꞌ bangsa pinakaꞌatan weꞌ Tuhanin laꞌi si lahat Kanaꞌan duk pinangurung weꞌ ne lahat miyaꞌan si meꞌ aꞌanen, bangsa Israꞌilin, pamusakaꞌne siye. 20Amban papīde si lahat Misilin ngeregseꞌ patennaꞌde si lahat Kanaꞌanin, niyaꞌ ampat hatus duk limempūꞌ tahun tiggelannen. Puwas miyaꞌan,” paꞌin si Paul, “niyaꞌ meꞌ hukum peneꞌ Tuhanin magbayaꞌ si siye sampay Nabi Samuel tamanan hukumden.
21“Manjari māku bangsa Israꞌilin sultan magbayaꞌ si siye. Pineneꞌ weꞌ Tuhanin si Saul, anak si Kis, magsultan si siye dem ampatpūꞌ tahun. Si Saul inin tubuꞌ Benjamin. 22Pagubus si Saul inin inānan weꞌ Tuhanin amban pagsultannen, iye pinagantiꞌne sultanden, si Daꞌud. Iye inin pananglit Tuhan si Daꞌudin, paꞌin Tuhanin, ‘Si Daꞌud, anak si Jessehin, aꞌa makasulut ateykun. Hinangne du kēmon kinabayaꞌankun.’ 23Amban tubuꞌ si Daꞌud inin,” paꞌin si Paul, “ngurung Tuhanin si bangsa Israꞌil dambuwaꞌ nimbul siye sa pananggupnen. Manimbul inin, iye ne si Isa. 24Gaꞌ pe tapitu si Isi nagnaꞌan hinangnen, magusihat ne Nabi Yahiya si kēmon bangsa Israꞌilin weꞌ subey lebbahande meꞌ duseden duk subey siye pinandi tawubat, tandaꞌ weꞌ pagsusunande ne meꞌ duseden. 25Pagsōng ubus ne hinang pinasukuꞌ Tuhan pu Yahiyahin, paꞌinne si meꞌ aꞌa Israꞌilin, ‘Bang pikilbi, sine teꞌ ku? Dumaꞌin aku inagad-agadbin. Saguwaꞌ niyaꞌ du paturul si aku, gaꞌi ku bisan pataꞌ ngalekkahan ingket tehompaꞌnen.’
26“Na, meꞌ kapungtinaꞌihanku,” paꞌin si Paul, “sasuku kaꞌam tubuꞌ Ibrahimin, duk sampay kaꞌam amban kabangsahan seddilihin magsambahayang si Tuhanin, si kite bi hep pinaboꞌohan aka-aka mahāpin supaya kite bi lumuwas amban meꞌ duseten bi. 27Meꞌ aꞌa Awrusalamin duk meꞌ nakuraꞌden, gaꞌ hep kataꞌuhande weꞌ si Isa ne miyaꞌan manimbulin. Gaꞌ isab tahātide meꞌ bissā tasulat meꞌ kanabi-nabihan awwalley. Bu meꞌ tasulat miyaꞌan binatsa du dem langgal kahabaꞌ ellew Sabtuꞌ. Saguwaꞌ bisan gaꞌ tahātide, asal katumanan ne weꞌ de meꞌ tasulat meꞌ kanabihan miyaꞌan, pagilaboꞌan ne weꞌ de hukuman si Isa. 28Bisan du gaꞌ niyaꞌ takasuwaꞌde sāꞌ si Isa pataꞌ pamapateyan iye, pākude teꞌed pu Gubnul Pilatus weꞌ pinapatey iye. 29Duk pagubus ne katumanande kēmon tasulat dem kitab sabab si Isahin, ilebbes iye weꞌ de amban diyataꞌ olom pangalansangande iyehin duk kinubul iye weꞌ de dem lingab batu. 30Saguwaꞌ pinakellum iye balik weꞌ Tuhanin amban kamateynen. 31Duk bang piyem bahangi puwas kaꞌellumne mabalikin, takite iye weꞌ meꞌ bakas saweꞌne magtuhut amban Jalil hap Awrusalamin. Duk kuweꞌitu, meꞌ aꞌa inin naksiꞌ sabab si Isa si meꞌ bangsa Israꞌilin. 32Na,” paꞌin si Paul, “tiyaꞌ kami tuꞌu moꞌohan kaꞌam aka-aka hāp. Aka-aka mahāp inin sabab janjiꞌ Tuhan si meꞌ kapapuꞌanten bi. 33Katumanan ne janjiꞌ miyaꞌan si kite bi meꞌ tubuꞌden, sabab tapakellum ne weꞌ ne si Isa balik. Tasulat dem kitab Jabur, si kalangan duwe, paꞌin Tuhanin laꞌi,
‘Anakte kew. Ellew inin pakataꞌuku weꞌ aku Samanun.’
34Duk inin isab pinaꞌin Tuhanin sabab pamakellumne si Isa balikin, gaꞌi makalabey buhuk. Paꞌinne,
‘Asal pangurungku si kaꞌam meꞌ kahāpan pananggupku pu si Daꞌudin.’
35Si ayat seddili si kitab Jabur pinaꞌin isab,
‘Gaꞌi du pasagadannu ngabuhuk daraꞌakannu masutsihin.’
36Si Daꞌud, tiggelanne maꞌellumin hininang weꞌ ne sakap Tuhan para si iyehin, ubus matey du iye. Kinubul iye tapit si meꞌ kamatettoꞌahannen duk ngabuhuk du barannen. 37Saguwaꞌ aꞌa bakas pinakellum Tuhan amban kamateyin, si Isa ne miyaꞌan, gaꞌ teꞌed makalabey buhuk. 38-39Na, meꞌ kapungtinaꞌihanku,” paꞌin si Paul, “subey teꞌed kataꞌuhanbi kēmon weꞌ bisan tuhutbi saraꞌ si Musahin, gaꞌi teꞌed inin makapuwas dusebin. Saguwaꞌ sasuku kaꞌam sandel pu si Isa, puwas ne dusebin kēmon. Hangkan hep minahalayak si kaꞌam lapal sabab si Isa inin. 40Na, pahatul-hatul kaꞌam supaya gaꞌi du umantag si kaꞌam bakas tasulat meꞌ kanabi-nabihanin, pinaꞌin,
41‘Kaꞌam meꞌ manggaꞌi makahagadin duk mangahinang dageyin, payamanun bi. Magulaliꞌ du teꞌed kaꞌam si hinangkun duk magmula du kaꞌam,’ paꞌin Tuhanin, ‘peggeꞌ si kaꞌellumbi pe, niyaꞌ hinangku bu gaꞌi kahagadbi, bisan du kaꞌam inakahan.’ ”
42Pagubus si Paul missā, duk pagsakaliꞌ ne siye duk Barnabas tahalaꞌ amban langgal miyaꞌan, dinaꞌak siye weꞌ meꞌ aꞌahin balik pī Sabtuꞌ dambuwaꞌ ngakahan siye namba sabab meꞌ miyaꞌan. 43Pagtahalaꞌ ne meꞌ aꞌahin amban langgal, ekka siye paturul pu si Paul duk Barnabas. Meꞌ mapaturul miyaꞌan meꞌ Yahudi duk meꞌ bangsa seddili nuhut āgama Yahudi. Missā duwanganin si siye duk dinaꞌak siye pateteg sandel si Tuhan mamalasa si siyehin.
44Pagtaꞌabut Sabtuꞌ dambuwaꞌ, agen kēmon aꞌa si puweblo miyaꞌan laꞌi patipun pakale si lapal Tuhanin. 45Saguwaꞌ pagkite meꞌ Yahudi sinduwehin meꞌ aꞌa mabanes magtipunin, ngimbū siye duk sinagang weꞌ de binissā si Paulin. Pinahinaꞌ isab iye weꞌ de. 46Saguwaꞌ pasōng bahani si Paul duk Barnabas missā. Paꞌinde, “Subey hep si kaꞌam, meꞌ bangsa Israꞌilin, inaka dehellu lapal Tuhanin. Saguwaꞌ peggeꞌ gaꞌi du tayimaꞌbi, duk gaꞌi kimmatanbi dibin pataꞌ inurungan umul salama-lama, na, pī ne kami si meꞌ aꞌa bangsa seddili. 47Peggeꞌ iye du isab inin pangandaꞌakan Tuhan si kamihin, paꞌinne,
‘Kuweꞌ kaꞌam dantaꞌ binettad weꞌ ku ninagan meꞌ kabangsahan seddilihin, supaya umabut si tibuꞌukan dunya lapal inin, weꞌ aku manimbul manusiyaꞌin.’ ”
48Pagkale meꞌ bangsa seddilihin bissā inin, kēgan teꞌed siye. Pinudji weꞌ de lapal Tuhan miyaꞌan. Duk kahagad ne pu si Isa sasuku tapeneꞌ weꞌ Tuhan inurungan umul gaꞌ niyaꞌ tamanannen.
49Lapal Tuhanin palatag ne paꞌin si tibuꞌukan lahat miyaꞌan. 50Saguwaꞌ kinawul weꞌ meꞌ Yahudihin meꞌ nakuraꞌ si lahat miyaꞌan duk meꞌ kadendehan mabangsahan dumaꞌin Yahudihin saguwaꞌ nambahayang si Tuhan, supaya kuntarahande disi Paul duk Barnabas. Hangkan pinatahalaꞌ weꞌ de duwanganin amban lahatde miyaꞌan. 51Pinagpagan weꞌ disi Paul leppug bettisden, tandaꞌ weꞌ papuwas ne siye amban meꞌ aꞌa lahat miyaꞌan. Ubus hap pī siye si lahat Ikoni. 52Saguwaꞌ meꞌ masandel pu si Isa si Antiyokin kēgan ne paꞌin duk pagbayaꞌan siye weꞌ Niyawa Sutsihin.
Currently Selected:
Hinangan 13: yakV
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Hinangan 13
13
Tapeneꞌ si Barnabas duk si Saul duk pinalengngan siye
1Laꞌi si meꞌ masandel pu si Isa si Antiyokin, niyaꞌ meꞌ magpalataꞌ bissā Tuhanin duk niyaꞌ meꞌ magusihat. Siye miyaꞌan disi Barnabas, si Simon ugey-ugeynen si Ittem, si Lukiyus aꞌa Kirene, si Saul, duk si Manaen, bakas saweꞌ-saweꞌ Sultan Herod kadikiꞌden. 2Missā Niyawa Sutsihin si siye miyaꞌan sābude magsambahayang si Tuhan duk magpuwase. Paꞌin Niyawa Sutsihin si siye, “Paseddilihun bi aku Barnabas duk si Saul, niyaꞌ hinang pamasukuꞌanku siye.” 3Magpuwase pe siye balik duk māku-māku si Tuhan, ubus bu binettad weꞌ de tanganden pī si duwanganin duk dinaꞌak ne siye lumengngan.
Laꞌi si pū Kiprus
4Manjari, peggeꞌ dinaꞌak siye weꞌ Niyawa Sutsihin lumengngan, hangkan padurul ne Barnabas duk si Saul hap lahat Seluki duk patulak siye billaꞌi hap pūꞌ Kiprus. 5Pagtekkade si pūꞌ miyaꞌan, laꞌi si kalumaꞌan inēnan Salamis, minahalayak weꞌ de lapal Tuhanin dem meꞌ kalanggalan Yahudi. Laꞌi Yahiya Markus nabangan siye si meꞌ hinangden. 6Binutasan weꞌ de pūꞌ miyaꞌan sampay tekka siye si kalumaꞌan inēnan Papos. Makadugpak siye laꞌi dambuwaꞌ landungan, ēnnen si Bar-Isa. Aꞌa Yahudi iye duk magmā-mā iye magpalataꞌ bissā Tuhanin. 7Magbagay Bar-Isa miyaꞌan duk si Sergus Paulus, gubnul pūꞌ miyaꞌan. Gubnul miyaꞌan aꞌa lalem pikilannen. Tinawag weꞌ gubnulin si Barnabas duk si Saul pī si iye peggeꞌ bayaꞌ iye pakale si lapal Tuhanin. 8Saguwaꞌ sinaggaꞌ duwanganin weꞌ landunganin. (Ēnnen bang si bissāhan Girik, si Elimas.) Gaꞌi bayaꞌ Elimas bang kahagad gubnulin si lapal Tuhanin. 9Manjari si Saul pagbayaꞌan weꞌ Niyawa Sutsihin. Si Saul duwe ēnnen. Ēnne dambuwaꞌin si Paul. Pinayaman teꞌed pahantap weꞌ si Paul landunganin. 10Paꞌin si Paul si iye, “Anak nakuraꞌ seyitanin kew. Ine-ine hāp kuntarahannu. Pangakkal kew teꞌed duk laꞌatan ateynun. Luwal hadja kinuyas-kuyas weꞌ nu meꞌ mabennal amban Tuhanin. 11Payamanun,” paꞌin si Paul, “kuweꞌitu patekkahan Tuhanin kew balaꞌ. Ngapessek kew iyan duk tiggel-tiggel kew gaꞌi makakite dantaꞌ ellew.” Magtawus takalessa Elimas kuweꞌ niyaꞌ gabun ittem nampengan meꞌ matanen duk gaꞌi ne iye ngite. Lumengngan iye miha aꞌa nundan iye. 12Pagkite gubnulin maꞌumantag miyaꞌan, kahagad ne iye; peggeꞌ ulaliꞌ teꞌed iye si meꞌ usihat si Paul sabab si Isa, Panuhutanin.
Tekka disi Paul si Antiyok laꞌi si lahat Pisidiya
13Manjari pagubus disi Paul magusihat laꞌi si Papos, patulak siye hap Perga, laꞌi si lahat Pampiliya. Tekka laꞌi, inambanan siye weꞌ Yahiya Markus duk moleꞌ iye balik hap Awrusalam. 14Amban Perga palanjal si Paul duk Barnabas sampay tekka siye si Antiyok, laꞌi si lahat Pisidiya. Pagellew Sabtuꞌ, liꞌi meꞌ Yahudihin, pī siye si langgal Yahudi duk ningkoloꞌ siye laꞌi diyalem. 15Niyaꞌ binatsa amban saraꞌ si Musa duk amban kitab kanabi-nabihanin. Pagubus miyaꞌan binatsa, ngandaꞌak meꞌ nakuraꞌ langgal miyaꞌan pī pu disi Paul magpaꞌin, “Meꞌ kapungtinaꞌihan, bang niyaꞌ batang bissābi pangusihatbi si meꞌ aꞌahin, missā ne kaꞌam.” 16Manjari nengge si Paul duk ninyas iye duk tanganne supaya meꞌ aꞌahin pakale. Ubus bu missā ne iye. Paꞌinne, “Meꞌ pagkasiku bangsa Israꞌil duk sampay kēmon ne kaꞌam amban kabangsahan seddili saguwaꞌ nambahayang si Tuhan, pakalehun bi ku. 17Meꞌ kapapuꞌan kamihin tapeneꞌ weꞌ Tuhanin, iye asal pagtuhanan kami bangsa Israꞌilin. Pinahadje weꞌ ne bangsa Israꞌilin baytu patennaꞌde si Misilin, lahat bangsa seddili. Duk binoꞌo siye weꞌ Tuhanin paluwas amban lahat miyaꞌan weꞌ balakatne mahadjehin. 18Ampatpūꞌ tahun panandal-nandal Tuhan manggaꞌi panuhut bangsa Israꞌil toloꞌnen laꞌi dem lahat makagindew-gindew īꞌ. 19Pituꞌ bangsa pinakaꞌatan weꞌ Tuhanin laꞌi si lahat Kanaꞌan duk pinangurung weꞌ ne lahat miyaꞌan si meꞌ aꞌanen, bangsa Israꞌilin, pamusakaꞌne siye. 20Amban papīde si lahat Misilin ngeregseꞌ patennaꞌde si lahat Kanaꞌanin, niyaꞌ ampat hatus duk limempūꞌ tahun tiggelannen. Puwas miyaꞌan,” paꞌin si Paul, “niyaꞌ meꞌ hukum peneꞌ Tuhanin magbayaꞌ si siye sampay Nabi Samuel tamanan hukumden.
21“Manjari māku bangsa Israꞌilin sultan magbayaꞌ si siye. Pineneꞌ weꞌ Tuhanin si Saul, anak si Kis, magsultan si siye dem ampatpūꞌ tahun. Si Saul inin tubuꞌ Benjamin. 22Pagubus si Saul inin inānan weꞌ Tuhanin amban pagsultannen, iye pinagantiꞌne sultanden, si Daꞌud. Iye inin pananglit Tuhan si Daꞌudin, paꞌin Tuhanin, ‘Si Daꞌud, anak si Jessehin, aꞌa makasulut ateykun. Hinangne du kēmon kinabayaꞌankun.’ 23Amban tubuꞌ si Daꞌud inin,” paꞌin si Paul, “ngurung Tuhanin si bangsa Israꞌil dambuwaꞌ nimbul siye sa pananggupnen. Manimbul inin, iye ne si Isa. 24Gaꞌ pe tapitu si Isi nagnaꞌan hinangnen, magusihat ne Nabi Yahiya si kēmon bangsa Israꞌilin weꞌ subey lebbahande meꞌ duseden duk subey siye pinandi tawubat, tandaꞌ weꞌ pagsusunande ne meꞌ duseden. 25Pagsōng ubus ne hinang pinasukuꞌ Tuhan pu Yahiyahin, paꞌinne si meꞌ aꞌa Israꞌilin, ‘Bang pikilbi, sine teꞌ ku? Dumaꞌin aku inagad-agadbin. Saguwaꞌ niyaꞌ du paturul si aku, gaꞌi ku bisan pataꞌ ngalekkahan ingket tehompaꞌnen.’
26“Na, meꞌ kapungtinaꞌihanku,” paꞌin si Paul, “sasuku kaꞌam tubuꞌ Ibrahimin, duk sampay kaꞌam amban kabangsahan seddilihin magsambahayang si Tuhanin, si kite bi hep pinaboꞌohan aka-aka mahāpin supaya kite bi lumuwas amban meꞌ duseten bi. 27Meꞌ aꞌa Awrusalamin duk meꞌ nakuraꞌden, gaꞌ hep kataꞌuhande weꞌ si Isa ne miyaꞌan manimbulin. Gaꞌ isab tahātide meꞌ bissā tasulat meꞌ kanabi-nabihan awwalley. Bu meꞌ tasulat miyaꞌan binatsa du dem langgal kahabaꞌ ellew Sabtuꞌ. Saguwaꞌ bisan gaꞌ tahātide, asal katumanan ne weꞌ de meꞌ tasulat meꞌ kanabihan miyaꞌan, pagilaboꞌan ne weꞌ de hukuman si Isa. 28Bisan du gaꞌ niyaꞌ takasuwaꞌde sāꞌ si Isa pataꞌ pamapateyan iye, pākude teꞌed pu Gubnul Pilatus weꞌ pinapatey iye. 29Duk pagubus ne katumanande kēmon tasulat dem kitab sabab si Isahin, ilebbes iye weꞌ de amban diyataꞌ olom pangalansangande iyehin duk kinubul iye weꞌ de dem lingab batu. 30Saguwaꞌ pinakellum iye balik weꞌ Tuhanin amban kamateynen. 31Duk bang piyem bahangi puwas kaꞌellumne mabalikin, takite iye weꞌ meꞌ bakas saweꞌne magtuhut amban Jalil hap Awrusalamin. Duk kuweꞌitu, meꞌ aꞌa inin naksiꞌ sabab si Isa si meꞌ bangsa Israꞌilin. 32Na,” paꞌin si Paul, “tiyaꞌ kami tuꞌu moꞌohan kaꞌam aka-aka hāp. Aka-aka mahāp inin sabab janjiꞌ Tuhan si meꞌ kapapuꞌanten bi. 33Katumanan ne janjiꞌ miyaꞌan si kite bi meꞌ tubuꞌden, sabab tapakellum ne weꞌ ne si Isa balik. Tasulat dem kitab Jabur, si kalangan duwe, paꞌin Tuhanin laꞌi,
‘Anakte kew. Ellew inin pakataꞌuku weꞌ aku Samanun.’
34Duk inin isab pinaꞌin Tuhanin sabab pamakellumne si Isa balikin, gaꞌi makalabey buhuk. Paꞌinne,
‘Asal pangurungku si kaꞌam meꞌ kahāpan pananggupku pu si Daꞌudin.’
35Si ayat seddili si kitab Jabur pinaꞌin isab,
‘Gaꞌi du pasagadannu ngabuhuk daraꞌakannu masutsihin.’
36Si Daꞌud, tiggelanne maꞌellumin hininang weꞌ ne sakap Tuhan para si iyehin, ubus matey du iye. Kinubul iye tapit si meꞌ kamatettoꞌahannen duk ngabuhuk du barannen. 37Saguwaꞌ aꞌa bakas pinakellum Tuhan amban kamateyin, si Isa ne miyaꞌan, gaꞌ teꞌed makalabey buhuk. 38-39Na, meꞌ kapungtinaꞌihanku,” paꞌin si Paul, “subey teꞌed kataꞌuhanbi kēmon weꞌ bisan tuhutbi saraꞌ si Musahin, gaꞌi teꞌed inin makapuwas dusebin. Saguwaꞌ sasuku kaꞌam sandel pu si Isa, puwas ne dusebin kēmon. Hangkan hep minahalayak si kaꞌam lapal sabab si Isa inin. 40Na, pahatul-hatul kaꞌam supaya gaꞌi du umantag si kaꞌam bakas tasulat meꞌ kanabi-nabihanin, pinaꞌin,
41‘Kaꞌam meꞌ manggaꞌi makahagadin duk mangahinang dageyin, payamanun bi. Magulaliꞌ du teꞌed kaꞌam si hinangkun duk magmula du kaꞌam,’ paꞌin Tuhanin, ‘peggeꞌ si kaꞌellumbi pe, niyaꞌ hinangku bu gaꞌi kahagadbi, bisan du kaꞌam inakahan.’ ”
42Pagubus si Paul missā, duk pagsakaliꞌ ne siye duk Barnabas tahalaꞌ amban langgal miyaꞌan, dinaꞌak siye weꞌ meꞌ aꞌahin balik pī Sabtuꞌ dambuwaꞌ ngakahan siye namba sabab meꞌ miyaꞌan. 43Pagtahalaꞌ ne meꞌ aꞌahin amban langgal, ekka siye paturul pu si Paul duk Barnabas. Meꞌ mapaturul miyaꞌan meꞌ Yahudi duk meꞌ bangsa seddili nuhut āgama Yahudi. Missā duwanganin si siye duk dinaꞌak siye pateteg sandel si Tuhan mamalasa si siyehin.
44Pagtaꞌabut Sabtuꞌ dambuwaꞌ, agen kēmon aꞌa si puweblo miyaꞌan laꞌi patipun pakale si lapal Tuhanin. 45Saguwaꞌ pagkite meꞌ Yahudi sinduwehin meꞌ aꞌa mabanes magtipunin, ngimbū siye duk sinagang weꞌ de binissā si Paulin. Pinahinaꞌ isab iye weꞌ de. 46Saguwaꞌ pasōng bahani si Paul duk Barnabas missā. Paꞌinde, “Subey hep si kaꞌam, meꞌ bangsa Israꞌilin, inaka dehellu lapal Tuhanin. Saguwaꞌ peggeꞌ gaꞌi du tayimaꞌbi, duk gaꞌi kimmatanbi dibin pataꞌ inurungan umul salama-lama, na, pī ne kami si meꞌ aꞌa bangsa seddili. 47Peggeꞌ iye du isab inin pangandaꞌakan Tuhan si kamihin, paꞌinne,
‘Kuweꞌ kaꞌam dantaꞌ binettad weꞌ ku ninagan meꞌ kabangsahan seddilihin, supaya umabut si tibuꞌukan dunya lapal inin, weꞌ aku manimbul manusiyaꞌin.’ ”
48Pagkale meꞌ bangsa seddilihin bissā inin, kēgan teꞌed siye. Pinudji weꞌ de lapal Tuhan miyaꞌan. Duk kahagad ne pu si Isa sasuku tapeneꞌ weꞌ Tuhan inurungan umul gaꞌ niyaꞌ tamanannen.
49Lapal Tuhanin palatag ne paꞌin si tibuꞌukan lahat miyaꞌan. 50Saguwaꞌ kinawul weꞌ meꞌ Yahudihin meꞌ nakuraꞌ si lahat miyaꞌan duk meꞌ kadendehan mabangsahan dumaꞌin Yahudihin saguwaꞌ nambahayang si Tuhan, supaya kuntarahande disi Paul duk Barnabas. Hangkan pinatahalaꞌ weꞌ de duwanganin amban lahatde miyaꞌan. 51Pinagpagan weꞌ disi Paul leppug bettisden, tandaꞌ weꞌ papuwas ne siye amban meꞌ aꞌa lahat miyaꞌan. Ubus hap pī siye si lahat Ikoni. 52Saguwaꞌ meꞌ masandel pu si Isa si Antiyokin kēgan ne paꞌin duk pagbayaꞌan siye weꞌ Niyawa Sutsihin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.