1 Korinto 13
13
Lasahin tamanan mahāpin
1Bisan ku upama kaꞌurungan kapandeyan missā kēmon bissāhan tuꞌu si dunya, duk sampay bissāhan meꞌ malaꞌikatin tabissāku, saguwaꞌ bang gaꞌ du niyaꞌ lasaku, gaꞌ niyaꞌ guna kapandeyankun. Meꞌ bissākun kuweꞌ hadja hidjulan agung atawa mital tinitik gaꞌ biddaꞌ. 2Bisan ku upama kaꞌurungan kapandeyan magpalataꞌ duk magpahāti bissā Tuhanin atawa kataꞌuhanku kēmon-kēmonin atawa tahātiku kēmon garaꞌ Tuhan manggaꞌ kinataꞌuhan manusiyaꞌin, duk bisan pe upama basag manamal sandelkun hangkan tapaghinang ku hinangan makaꞌulaliꞌ kuweꞌ upama tapalindaku punuhin, saguwaꞌ bang gaꞌ niyaꞌ lasaku si saweꞌku, gaꞌ du niyaꞌ kagunahanku. 3Bisan pe upama pangurungku kēmon alataꞌkun si meꞌ mamiskinin duk bisan pe sampay barankun paglillaꞌku ineggas peggeꞌ sandel ku pu si Isa, bang gaꞌ du niyaꞌ lasaku si saweꞌku, gaꞌ du niyaꞌ pahalaꞌku.
4Bang malasa kite si saweꞌte, gaꞌi kite mura astel si siye duk maꞌaseꞌ kite si siye; gaꞌi kite ngimbū, gaꞌi langkew pagateyten, duk gaꞌi kite abbuhan. 5Bang malasa kite si saweꞌte, magaddat kite si siye, dumaꞌin iye luwal tapikilten diten saguwaꞌ saweꞌten, gaꞌi kite mura-mura ngamā, duk gaꞌi isab kite magennaꞌ dem atey. 6Bang kite malasa, gaꞌi kite kahāpan bang aꞌahin maghinangan laꞌat saguwaꞌ kahāpan kite bang siye maghinangan bentel. 7Bang kite malasa gaꞌi kite mura jumuꞌ si saweꞌte. Ngandel kite si siye duk ngase-ngase kite weꞌ ngahāp du siye. Bisan siye maghinang laꞌat si kite, sandalante hadja.
8Lasahin gaꞌi magtamanan. Palabey du hadja kapandeyan magpalataꞌ bissā Tuhanin duk kapandeyan magbissā meꞌ bissāhan manggaꞌi tasabut weꞌ meꞌ aꞌahin. Damikkiyan isab bang inurungan kite kataꞌu malalemin, palabey du isab hadja. 9Peggeꞌ kinataꞌuhante kuweꞌituhin gaꞌi pe ganap duk meꞌ bissā Tuhan pinalataꞌten gaꞌi pe ganap isab. 10Saguwaꞌ bang tuman ne meꞌ gantaꞌ Tuhanin, palabey du meꞌ kapandeyan manggaꞌ maganap miyaꞌan.
11Dalilnen, matuꞌuhin masa nakanak pe ku teꞌed, pamikilkun duk pamissākun duk pagdaꞌawakun kuweꞌ nakanak. Saguwaꞌ kuweꞌitu peggeꞌ bahiꞌ ne ku, ubus ne lebbahanku kēmon meꞌ pikilanku duk hatulanku kamākanakkun. 12Samantaꞌan tuꞌu pe kite si dunya, gaꞌi pe ganap kinataꞌuhante sabab Tuhanin. Gaꞌi pe pastiꞌ dem pikilante. Dalilnen kuweꞌ kite mayam dem sāmin maggabun hangkan gaꞌi pastiꞌ takiteten. Saguwaꞌ seddili ellew bang ne kite magharap duk Tuhanin, pastiꞌ ne kēmon si kite. Kuweꞌitu gaꞌi pe ganap kinataꞌuhanku sabab Tuhanin, saguwaꞌ bang tekka ellew miyaꞌan, ganap ne pangataꞌuku iyehin kuweꞌ pangataꞌu Tuhan akuhin.
13Manjari, sandelte si Tuhanin, duk pangase-ngasete si Tuhanin, duk lasate si Tuhanin duk si saweꞌten, meꞌ tellu inin teteg du gaꞌ tamanan. Saguwaꞌ si tellu inin iye tamanan mahāpin, lasahin.
Currently Selected:
1 Korinto 13: yakV
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
1 Korinto 13
13
Lasahin tamanan mahāpin
1Bisan ku upama kaꞌurungan kapandeyan missā kēmon bissāhan tuꞌu si dunya, duk sampay bissāhan meꞌ malaꞌikatin tabissāku, saguwaꞌ bang gaꞌ du niyaꞌ lasaku, gaꞌ niyaꞌ guna kapandeyankun. Meꞌ bissākun kuweꞌ hadja hidjulan agung atawa mital tinitik gaꞌ biddaꞌ. 2Bisan ku upama kaꞌurungan kapandeyan magpalataꞌ duk magpahāti bissā Tuhanin atawa kataꞌuhanku kēmon-kēmonin atawa tahātiku kēmon garaꞌ Tuhan manggaꞌ kinataꞌuhan manusiyaꞌin, duk bisan pe upama basag manamal sandelkun hangkan tapaghinang ku hinangan makaꞌulaliꞌ kuweꞌ upama tapalindaku punuhin, saguwaꞌ bang gaꞌ niyaꞌ lasaku si saweꞌku, gaꞌ du niyaꞌ kagunahanku. 3Bisan pe upama pangurungku kēmon alataꞌkun si meꞌ mamiskinin duk bisan pe sampay barankun paglillaꞌku ineggas peggeꞌ sandel ku pu si Isa, bang gaꞌ du niyaꞌ lasaku si saweꞌku, gaꞌ du niyaꞌ pahalaꞌku.
4Bang malasa kite si saweꞌte, gaꞌi kite mura astel si siye duk maꞌaseꞌ kite si siye; gaꞌi kite ngimbū, gaꞌi langkew pagateyten, duk gaꞌi kite abbuhan. 5Bang malasa kite si saweꞌte, magaddat kite si siye, dumaꞌin iye luwal tapikilten diten saguwaꞌ saweꞌten, gaꞌi kite mura-mura ngamā, duk gaꞌi isab kite magennaꞌ dem atey. 6Bang kite malasa, gaꞌi kite kahāpan bang aꞌahin maghinangan laꞌat saguwaꞌ kahāpan kite bang siye maghinangan bentel. 7Bang kite malasa gaꞌi kite mura jumuꞌ si saweꞌte. Ngandel kite si siye duk ngase-ngase kite weꞌ ngahāp du siye. Bisan siye maghinang laꞌat si kite, sandalante hadja.
8Lasahin gaꞌi magtamanan. Palabey du hadja kapandeyan magpalataꞌ bissā Tuhanin duk kapandeyan magbissā meꞌ bissāhan manggaꞌi tasabut weꞌ meꞌ aꞌahin. Damikkiyan isab bang inurungan kite kataꞌu malalemin, palabey du isab hadja. 9Peggeꞌ kinataꞌuhante kuweꞌituhin gaꞌi pe ganap duk meꞌ bissā Tuhan pinalataꞌten gaꞌi pe ganap isab. 10Saguwaꞌ bang tuman ne meꞌ gantaꞌ Tuhanin, palabey du meꞌ kapandeyan manggaꞌ maganap miyaꞌan.
11Dalilnen, matuꞌuhin masa nakanak pe ku teꞌed, pamikilkun duk pamissākun duk pagdaꞌawakun kuweꞌ nakanak. Saguwaꞌ kuweꞌitu peggeꞌ bahiꞌ ne ku, ubus ne lebbahanku kēmon meꞌ pikilanku duk hatulanku kamākanakkun. 12Samantaꞌan tuꞌu pe kite si dunya, gaꞌi pe ganap kinataꞌuhante sabab Tuhanin. Gaꞌi pe pastiꞌ dem pikilante. Dalilnen kuweꞌ kite mayam dem sāmin maggabun hangkan gaꞌi pastiꞌ takiteten. Saguwaꞌ seddili ellew bang ne kite magharap duk Tuhanin, pastiꞌ ne kēmon si kite. Kuweꞌitu gaꞌi pe ganap kinataꞌuhanku sabab Tuhanin, saguwaꞌ bang tekka ellew miyaꞌan, ganap ne pangataꞌuku iyehin kuweꞌ pangataꞌu Tuhan akuhin.
13Manjari, sandelte si Tuhanin, duk pangase-ngasete si Tuhanin, duk lasate si Tuhanin duk si saweꞌten, meꞌ tellu inin teteg du gaꞌ tamanan. Saguwaꞌ si tellu inin iye tamanan mahāpin, lasahin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.