Ezekiyɛle 30
30
GALA ná-tukpɔi zɛlɛ fai Ezipete yooi maazu
1Ɠɔoɠɔ GALAGI ɓɔɛni pɔ̀, é ɠɛ mà:
2«Ɗa ʋe, zunui, GALA gooi wo, è ɠɛ ma:
‹Maliɠii Ɠɔoɠɔ GALAGI wooi ɠaa:
À kpeei loo, wo ɠɛ ma: Ee! Foloi ma ɓɛgele ɠaa!
3Mazɔlɔɔ foloi maa ɠa na ɓuɠa,
Ɠɔoɠɔ GALAGI ná-foloi maaɓuɠaa,
folo ʋe é ɠɛɛzu ga tonaɓiin tetelegi,
toɠa ga yeeɠɛɠalai
nii zɔɔma nuɓusɛiti ta-lukpɔi ɠaa ʋaazu leʋezu ma.
4Kɔɔi ɠa ɓɔi Ezipete yooi zu,
nuiti ta ɠɛ luazu, ti zasu ɗa ɓali Etiyopi,
siɛgi zu nu ʋoomaiti ti ʋuuzu la Ezipete,
ta ɠɛna loa ti-ɠɔligiti su,
ti ɗa ta-yooi ɠoloɠolo.
5Etiyopi, ta Pute, ta Lude, naa ʋɛɛ nuɓusɛ zupui naati pɛ ba, Liɓi ɓalaa,
ta nuɓusɛiti ti zooiti su ti yeezogai,
ta za ga boɠa zɔkpɔi ʋɔɔma ta Ezipete nuiti.
6Ɠɔoɠɔ GALAGI wooi ɠaa:
Ezipete maalobo nuiti ta za kɔɔi zu,
Ezipete ná-zobogi é wasosu da, gaa ɠa ʋala ba,
é zo Migedɔle, é li Siyɛne, ta loo bu ga boɠa zɔkpɔi,
Maliɠii Ɠɔoɠɔ GALAGI wooi ɠana.
7Ezipete ɠa ɠɛ ga teʋebai zu, é leʋe teʋebai zu yooiti pɛ ba,
ná-taaiti gaa ɠa luu taaiti saama ti ɠoloɠologai.
8Ta suɠwɛɛ naazu ga nà ɠa gè ga Ɠɔoɠɔ GALAGI,
siɛgi zu gè abui losu da Ezipete ʋa,
ná-kpɔba nuiti pɛ ti zuɠoloɠolo.
9Naama voloi, keelaiti nà ti leʋe, ta li ɓatoi zu,
ti Etiyopi ɲiikpi, ná-ziilɛigi ɠula zea,
ti zasu ɠa ɓali, ta ɓɔlɔ,
voloi gè ʋaazu Ezipete ɠoloɠolosu da.
Mazɔlɔɔ wɛlɛ, toɠa na ʋa!
10Maliɠii Ɠɔoɠɔ GALAGI wooi ɠaa:
Nà Ɓaɓilɔne masagi Neɓukadenɛzaal zeɠe,
gè Ezipete ʋɛbɛi ma zuwu ɠaaleʋe la.
11Tɔ-o, ná-nuɓusɛiti-yo,
zunuiti ti ga nu ʋaa nu wolaiti ziiti saama,
ta ʋa, ti zooi ɠoloɠolo.
Ta ta-woɠa zɔkpɔi ʋili Ezipete laalɔɠɔma,
ti zooi zulaave ga nu ʋoomai.
12Nà ziɛ wolai Nile ma ɓekegiti fɔ su,
nà Ezipete yooi ʋɔdi nu ɲɔiti ma.
Nà zobo fe wɛɛinti bɛ, ti zooi ɠoloɠolo ta gaa aniiti.
Nà, Ɠɔoɠɔ GALAGI, nà ɠa kpɔ̀ɛai.
13Maliɠii Ɠɔoɠɔ GALAGI wooi ɠaa:
Nà kɔɔɠɔ gani nɔɠɔiti koloɠolo mɛtu,
gè zɛɛ ɠalagiti ta-vai zeɠe ga Mɛmefise.
Kundiɠi la mɔ ɠɛa Ezipete yooi zu eyɛsu pɛ.
Nà dualuagi lɔ ɛsɛ pɛ su Ezipete yooi zu.
14Nà Ezipete yooi ɠoloɠolo lɛkpɛmaʋɛ nu yeezazu ʋelei,
gè abui lo Soan taa wolai ʋa,
gè tukpɔi laalɛ No taa wolai wu.
15Nà yiiɠula Sin laalɔɠɔma, Ezipete ná-poluzeigi,
gè No nu mɔinmɔingi ɠaaleʋe.
16Nà abui lo Ezipete yooi ʋa,
Sin nuiti sasu ɠa ɓali ga taɓai.
Zeɠei ɠa wɔ No siɠigi ʋa,
Mɛmefise taa wolai ɠa zo kɛlɛmaʋɛ.
17Won nu niinɛiti ta Pi-Bezɛte geleiti
ta za kɔɔmaʋɛ ga boɠa zɔkpɔi,
ma laaiti ta li duɔlai zu.
18Foloi la toa Taapanɛse,
siɛgi zu gè Ezipete ná-zobogi zuɠoloɠolosu da,
gè ná-wasogi ɠula ba é ɠɛni su.
Tonaɓiingi ɠa ʋɛɛ Taapanɛse maazu,
ná-taaʋeaiti ta li duɔlai zu.
19Nà Ezipete lukpɔɠaaleʋezu.
Ta suɠwɛɛ naazu ga nà ɠa gè ga Ɠɔoɠɔ GALAGI.› »
Ɓaɓilɔne masagi ɠa ga GALA nà-botiɠɛ aniɲakai ta
20Kona puugɔ maazu ɠilasiɛi (11) ma alu mɔungi ma volo lɔfelasiɛi ma, Maliɠii Ɠɔoɠɔ GALAGI ɓɔɛni pɔ̀, é ɠɛ mà: 21«Ɗa ʋe, zunui, gè Ezipete masagi Falaɠɔn yeei ɠaleni, gaa la ɠilini é ʋa ʋalo, é la laani kpazavɛlɛa zu, nii a kɛ é zɛbɛ zɔlɔɔ, é zoo é boɠa zɔkpɔi ʋili. 22Maliɠii Ɠɔoɠɔ GALAGI wooi ɠaa: ‹Nà wuzeɠezu Ezipete masagi Falaɠɔn laalɔɠɔma. Nà zee felegɔiti galeɠalezu, é la nɔ ga zɔi galeai, kɛlɛ ma ʋagɔi ɓalaa, gè ná-boɠa zɔkpɔi ɠula zea, é loo. 23Naazu nà Ezipete nuiti faza zii ɠiligiti saama, nà ti zuvaza zou mɔinmɔin kiligaa zu. 24Nà ta ɓɔ Ɓaɓilɔne masagi ná-zobogi ʋa, nà, nà ɓɔɠɔi nà-boɠa zɔkpɔi la zea. Falaɠɔn nii gè zeei zuɠaleɠalezu, toɠa yɛ ɓalasu zili nui ya, eyɛsu é za. 25Ungo, nà zobogi ve Ɓaɓilɔne masagi ya, kɛlɛ Falaɠɔn yeei zu ɠa ɓɔlɔ. Ta suɠwɛɛ naazu ga nà ɠa gè ga Ɠɔoɠɔ GALAGI, siɛgi zu gè nà-boɠa zɔkpɔi laazu la Ɓaɓilɔne masagi ya, é ɗa pili Ezipete yooi laalɔɠɔma. 26Nà Ezipete nuiti faza zii ɠiligiti saama, nà ti zuvaza zou mɔinmɔin kiligaa zu. Ta suɠwɛɛ naazu ga nà ɠa gè ga Ɠɔoɠɔ GALAGI.› »
Currently Selected:
Ezekiyɛle 30: GDZ
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.
Ezekiyɛle 30
30
GALA ná-tukpɔi zɛlɛ fai Ezipete yooi maazu
1Ɠɔoɠɔ GALAGI ɓɔɛni pɔ̀, é ɠɛ mà:
2«Ɗa ʋe, zunui, GALA gooi wo, è ɠɛ ma:
‹Maliɠii Ɠɔoɠɔ GALAGI wooi ɠaa:
À kpeei loo, wo ɠɛ ma: Ee! Foloi ma ɓɛgele ɠaa!
3Mazɔlɔɔ foloi maa ɠa na ɓuɠa,
Ɠɔoɠɔ GALAGI ná-foloi maaɓuɠaa,
folo ʋe é ɠɛɛzu ga tonaɓiin tetelegi,
toɠa ga yeeɠɛɠalai
nii zɔɔma nuɓusɛiti ta-lukpɔi ɠaa ʋaazu leʋezu ma.
4Kɔɔi ɠa ɓɔi Ezipete yooi zu,
nuiti ta ɠɛ luazu, ti zasu ɗa ɓali Etiyopi,
siɛgi zu nu ʋoomaiti ti ʋuuzu la Ezipete,
ta ɠɛna loa ti-ɠɔligiti su,
ti ɗa ta-yooi ɠoloɠolo.
5Etiyopi, ta Pute, ta Lude, naa ʋɛɛ nuɓusɛ zupui naati pɛ ba, Liɓi ɓalaa,
ta nuɓusɛiti ti zooiti su ti yeezogai,
ta za ga boɠa zɔkpɔi ʋɔɔma ta Ezipete nuiti.
6Ɠɔoɠɔ GALAGI wooi ɠaa:
Ezipete maalobo nuiti ta za kɔɔi zu,
Ezipete ná-zobogi é wasosu da, gaa ɠa ʋala ba,
é zo Migedɔle, é li Siyɛne, ta loo bu ga boɠa zɔkpɔi,
Maliɠii Ɠɔoɠɔ GALAGI wooi ɠana.
7Ezipete ɠa ɠɛ ga teʋebai zu, é leʋe teʋebai zu yooiti pɛ ba,
ná-taaiti gaa ɠa luu taaiti saama ti ɠoloɠologai.
8Ta suɠwɛɛ naazu ga nà ɠa gè ga Ɠɔoɠɔ GALAGI,
siɛgi zu gè abui losu da Ezipete ʋa,
ná-kpɔba nuiti pɛ ti zuɠoloɠolo.
9Naama voloi, keelaiti nà ti leʋe, ta li ɓatoi zu,
ti Etiyopi ɲiikpi, ná-ziilɛigi ɠula zea,
ti zasu ɠa ɓali, ta ɓɔlɔ,
voloi gè ʋaazu Ezipete ɠoloɠolosu da.
Mazɔlɔɔ wɛlɛ, toɠa na ʋa!
10Maliɠii Ɠɔoɠɔ GALAGI wooi ɠaa:
Nà Ɓaɓilɔne masagi Neɓukadenɛzaal zeɠe,
gè Ezipete ʋɛbɛi ma zuwu ɠaaleʋe la.
11Tɔ-o, ná-nuɓusɛiti-yo,
zunuiti ti ga nu ʋaa nu wolaiti ziiti saama,
ta ʋa, ti zooi ɠoloɠolo.
Ta ta-woɠa zɔkpɔi ʋili Ezipete laalɔɠɔma,
ti zooi zulaave ga nu ʋoomai.
12Nà ziɛ wolai Nile ma ɓekegiti fɔ su,
nà Ezipete yooi ʋɔdi nu ɲɔiti ma.
Nà zobo fe wɛɛinti bɛ, ti zooi ɠoloɠolo ta gaa aniiti.
Nà, Ɠɔoɠɔ GALAGI, nà ɠa kpɔ̀ɛai.
13Maliɠii Ɠɔoɠɔ GALAGI wooi ɠaa:
Nà kɔɔɠɔ gani nɔɠɔiti koloɠolo mɛtu,
gè zɛɛ ɠalagiti ta-vai zeɠe ga Mɛmefise.
Kundiɠi la mɔ ɠɛa Ezipete yooi zu eyɛsu pɛ.
Nà dualuagi lɔ ɛsɛ pɛ su Ezipete yooi zu.
14Nà Ezipete yooi ɠoloɠolo lɛkpɛmaʋɛ nu yeezazu ʋelei,
gè abui lo Soan taa wolai ʋa,
gè tukpɔi laalɛ No taa wolai wu.
15Nà yiiɠula Sin laalɔɠɔma, Ezipete ná-poluzeigi,
gè No nu mɔinmɔingi ɠaaleʋe.
16Nà abui lo Ezipete yooi ʋa,
Sin nuiti sasu ɠa ɓali ga taɓai.
Zeɠei ɠa wɔ No siɠigi ʋa,
Mɛmefise taa wolai ɠa zo kɛlɛmaʋɛ.
17Won nu niinɛiti ta Pi-Bezɛte geleiti
ta za kɔɔmaʋɛ ga boɠa zɔkpɔi,
ma laaiti ta li duɔlai zu.
18Foloi la toa Taapanɛse,
siɛgi zu gè Ezipete ná-zobogi zuɠoloɠolosu da,
gè ná-wasogi ɠula ba é ɠɛni su.
Tonaɓiingi ɠa ʋɛɛ Taapanɛse maazu,
ná-taaʋeaiti ta li duɔlai zu.
19Nà Ezipete lukpɔɠaaleʋezu.
Ta suɠwɛɛ naazu ga nà ɠa gè ga Ɠɔoɠɔ GALAGI.› »
Ɓaɓilɔne masagi ɠa ga GALA nà-botiɠɛ aniɲakai ta
20Kona puugɔ maazu ɠilasiɛi (11) ma alu mɔungi ma volo lɔfelasiɛi ma, Maliɠii Ɠɔoɠɔ GALAGI ɓɔɛni pɔ̀, é ɠɛ mà: 21«Ɗa ʋe, zunui, gè Ezipete masagi Falaɠɔn yeei ɠaleni, gaa la ɠilini é ʋa ʋalo, é la laani kpazavɛlɛa zu, nii a kɛ é zɛbɛ zɔlɔɔ, é zoo é boɠa zɔkpɔi ʋili. 22Maliɠii Ɠɔoɠɔ GALAGI wooi ɠaa: ‹Nà wuzeɠezu Ezipete masagi Falaɠɔn laalɔɠɔma. Nà zee felegɔiti galeɠalezu, é la nɔ ga zɔi galeai, kɛlɛ ma ʋagɔi ɓalaa, gè ná-boɠa zɔkpɔi ɠula zea, é loo. 23Naazu nà Ezipete nuiti faza zii ɠiligiti saama, nà ti zuvaza zou mɔinmɔin kiligaa zu. 24Nà ta ɓɔ Ɓaɓilɔne masagi ná-zobogi ʋa, nà, nà ɓɔɠɔi nà-boɠa zɔkpɔi la zea. Falaɠɔn nii gè zeei zuɠaleɠalezu, toɠa yɛ ɓalasu zili nui ya, eyɛsu é za. 25Ungo, nà zobogi ve Ɓaɓilɔne masagi ya, kɛlɛ Falaɠɔn yeei zu ɠa ɓɔlɔ. Ta suɠwɛɛ naazu ga nà ɠa gè ga Ɠɔoɠɔ GALAGI, siɛgi zu gè nà-boɠa zɔkpɔi laazu la Ɓaɓilɔne masagi ya, é ɗa pili Ezipete yooi laalɔɠɔma. 26Nà Ezipete nuiti faza zii ɠiligiti saama, nà ti zuvaza zou mɔinmɔin kiligaa zu. Ta suɠwɛɛ naazu ga nà ɠa gè ga Ɠɔoɠɔ GALAGI.› »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.