लूका दी थेपकी कोर्ला
दी थेपकी कोर्ला
दी लूकाकी टिवु कोन्छ्योककी लेन ल्यामुला येशूकी कोर्ला दुक सिक्या वे: येशू इस्राएलकी मीतिवी पर्ला फेप्किवी सिनी थाक्छ्येतुप दिक्पा ने थर्वा नङ्गुप ताङ तेरी मीतिवाला र्होकुप मसीह यिन। दुक्पाला ख्येलुपतिवा ताङ पेराङ्बुतिवा तेरीला लेन ल्यामु ख्याप्टाक किशी सिनी कोन्छ्योककी थु चाङ्मा नेसुर खोला जम्बुलिङला तङ्गुप यिन। दी लेन ल्यामु ति तेरी पारकी कतुकारला ख्येलुपतिवाला ङ्याम्ले क्यानी टिनी वे। दी थेपला लेन ल्यामुकी कोर्ला ठछ्येली थोङ्गिवी। खक्छ्येवुला दीकी गोमी लोप्च्येनतिवाला ति येशू फेपुप कोर्ला टिनी वे। तमा तिङ्मी लोप्च्येनतिवाला ति खो देवाच्येनला फेपुप ताम्ङेकी कोर्ला टिनी वे। खो देवाच्येनला फेप्सिमा खोला तेपा कितुपतिवी तेपा फेलिन गलुप कोर्ला लूकाकी “लोमा छ्येतिवी लाका (प्रेरित)” सिरुप थेपला टिनी वे।
दी लेन ल्यामुला ति देवाच्येनकी लेन क्योलुप थुतिवी सोवा देकुप लु लावु, येशू क्येसिमा गोठालातिवा खोला ज्यालुपला वावु, येशू टिक्पे वोतुप पेला के यहूदी ल्हङाङला फेपुप, सामरी टेङ्बु ताङ तोरुप पुज्युङकी पेतिवा वे। दी थेपकी नाङ्ला मोपोर ताङ कोन्छ्योककी थु चाङ्मा ताङ येशूला शब्ज्यी क्यावु पुम्पेजातिवा ताङ कोन्छ्योक नेसुर मीला दिक्पा ता च्यितुप कोर्ला टिनी वे।
मुला राङ वोतुप लोप्च्येनतिवा
थेपकी कोर्ला १:१-४
बप्तिस्मा तेरुप यूहन्ना, येशू क्येवु ताङ खो टिक्पे वोतुप पेलाकी कोर्ला १:५–२:५२
बप्तिस्मा तेरुप यूहन्नाकी ख्याप्टाक क्यावु ३:१-२०
येशूकी बप्तिस्मा लङ्गुप ताङ शैतानकी खोला खोक्पा ल्हावु ३:२१–४:१३
गालीलला येशूकी ख्याप्टाक क्या नङ्गुप ४:१४–९:५०
येशू गालील नेज्युनी यरूशलेम सेक फेपुप ९:५१–१९:२७
यरूशलेमला येशूकी तिङ्मी दिन्जा १९:२८–२३:५६
येशू टुङ्गुप ने ङोसु लानी देवाच्येनला फेपुप २४:१-५३
Currently Selected:
लूका दी थेपकी कोर्ला: xsrNT
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.