KO SIOPE 38
38
Ko e Tali ‘a Sihova kia Siope
1TOKI tali ‘a Sihova kia Siope mei he loto taufa, ‘o ne folofola mai,
2Ko hai tū hena ‘oku ‘ai ke hā faka‘ui‘uilātai ‘a e tu‘utu‘uni
‘Aki ‘ene ngaahi lea ta‘epoto?
3Huke mu‘a ho vala hangē ha to‘a;
Ka u fehu‘i atu ka ke hīnoi‘i au.
4Na‘a ke ‘i fē ‘i he‘eku tanupou ‘a māmani?
Tala mai, ‘o kapau ‘oku ke lava ke fakamahino.
5Ko hai na‘a ne tu‘utu‘uni hono fua–kapau ‘oku ke ‘ilo?
Pe ko hai na‘e falō ‘a e kafa ki ai?
6‘Oku velo ki he hā hono ngaahi tefito‘i pou?
Pe ko hai na‘e fakatoka hono maka tuliki?
7‘A e taimi na‘e hiva fakataha ai ‘a e ngaahi fetu‘u pongipongi,
Pea hiki mavava kotoa pē ‘a e ngaahi foha ‘o e ‘Otua.#38.7 ‘a e ngaahi foha ‘o e ‘Otuá; Vakai ki he 1.6.
8Pea ko hai na‘e tāpuni ‘a e tahi#38.8 tāpuni ‘a e tahí; Vakai ki he 26.12. #Sel 5.22 ‘aki ‘a e ngaahi matapā,
‘I he‘ene hae mai, ‘o hū ki tu‘a mei he fatu?
9‘A e taimi na‘a ku ‘ai ‘ani ‘ao moano kofu,
Mo e ‘ao fakapo‘uli moano kofu valevale.
10Pea u laiki atu ki ai ke tu‘u ‘eku fakangatangata;
Pea u ‘ai matapā mo e fakama‘u;
11‘O u pehē, Ngata ē ho‘o ha‘u;
Pea ‘oua te ke toe taha mai,
Pea ‘e fakangatangata ē ‘a e mofuta ho ngaahi peau.
12Lolotonga ho‘o mo‘ui kuo ke fai tu‘utu‘uni koā ki he pongipongi?
Pea faka‘ilo ki he hengihengi hono potu?
13Ke ne puke ki he ngaahi tapatapa ‘o māmani,
Ko ia ‘oku tupe‘i ‘a e kau angahala mei ai.
14‘Oku hā kehe leva ‘o hangē ko e ‘umea ‘oku ‘ai ki ai ‘a e sila;
Pea tekefili mai ‘a e me‘a kehekehe hangē kuo ‘ai kofu.
15Pea ‘oku hiki mei he kau angahala ‘a e me‘a ‘oku nau māma‘aki,
Pea kuo laikia ‘a e nima na‘e hiki tā.
16Kuo ke a‘u ‘apē ki he ngaahi fauniteni ‘o e tahi?
Mo ke ha‘ele ‘i he takele ‘o e moana?
17Na‘e fakaava nai kiate koe ‘a e ngaahi matanikolo ‘o Mate?
‘Io, ne ke sio koā ki he ngaahi matanikolo ‘o e Maama ‘Ata?
18Kuo ke sivi ‘o ‘ilo ‘apē ‘a e laulahi ‘o māmani?
Tala mai, ‘o kapau ‘oku ke ‘ilo ‘a e ngaahi me‘a ni kotoa.
19Ko e fē tū ‘a e hala ki he nofo‘anga ‘o e maama?
Mo e po‘uli foki, ko e fē hono potu ‘o‘ona?
20He kuo pau te ke lava ke to‘o ia, ‘o ‘ave ki hono kau‘ā,
Pea tā ‘oku ke ‘ilo ‘a e ngaahi afenga ki hono fale.
21‘Oku ke ‘ilo ki ai; he na‘e fanau‘i koe ‘i he taimi ko ia,
Pea ko e lau ‘o ho ta‘u ko e me‘a fakamanavahē!
22Kuo ke a‘u ‘apē ki he ngaahi feleoko ‘o e sinou,
‘Io, kuo ke sio nai ki he ngaahi feleoko ‘o e ‘uha maka?
23‘A ia kuo u ta‘ofi ki ha taimi faingata‘a,
Ki he ‘aho ‘o e fepaki mo e tau.
24Ko e hā nai ‘a e ‘alunga ‘o e tufa maama?
‘A e veteki atu ‘a e matangi hahake ki he fonua?
25Ko hai na‘a ne foa ha tafenga ki he lōvai?
Mo ha hala ki he ‘uhila ‘o e mana?
26Koe‘uhi ke ai ha ‘uha ki he fonua ‘oku ‘ikai ‘i ai ha taha,
‘A e toafa ‘oku ‘ikai ‘i ai ha tangata:
27Ke fakamākona ‘a e potu maveu mo anganoa,
Pea ke laku mai ‘e he mohuku hono muka.
28‘Oku ma‘u ‘e he ‘uha ha tamai?
‘Io, ko hai ‘oku fakatupu ‘a e ngaahi tulutā hahau?
29‘Oku ‘alu atu ‘a e ‘aisi mei he fatu ‘o hai?
‘Io, ko hai ‘oku ne fanau‘i ‘a e hahau maka ‘o e ‘atā?
30‘Oku mohe ‘a e vai hangē ha maka,
Pea ‘oku fema‘uma‘utaki ‘a e funga ‘o e loloto.
31Te ke lava koā ke ha‘i ‘a e veteki ‘a Mataliki?#Siope 9.9; ‘Ēmosi 5.8
Pe ke vete ‘a e ha‘i ‘a ‘Olioni?
32Te ke lava ke fakaholo mai ‘a e Sōtiaka ‘i hono taimi totonu?
Pea ke taki ‘a e Pea mo ‘ene fānau?
33‘Oku ke ‘ilo ‘a e ngaahi lao ‘o e langi?
Te ke lava ke fakaai ‘enau pule ki he fonua?
34Te ke ofa‘aki ho le‘o ke a‘u ki he ‘ao,
Kae pulonga koe ‘e he lōmaki?
35‘Oku ke fekau atu ‘ani ‘uhila pea nau ‘alu?
Pea te nau tali mai,
Ko kimautolu eni?
36Ko hai na‘e tuku ‘a e potu ki he fanga pīkoka?#38.36 ki he fanga pīkoka; ‘Oku hiki ‘e he ni‘ihi: tuku ‘a e potú ki he kofuuá. Ka ‘oku ngali tonu ange ‘a hono hiki ‘o: tala ki he ‘aipisí ‘a e teu lōmaki ‘a e Nailá. Ko e ‘Aipisí ko e manupuna na‘e tui ‘a e kakai ‘Isipité ‘i ono‘aho ‘okú ne tala ‘a e teu lōmaki ‘a e vaitafe ko Nailá.
‘Io, ko hai na‘e ‘ange ki he moa ta‘ane#38.36 moa ta‘ane; ‘Oku hiki ‘e he ni‘ihi: ki he ‘atamai. Ka ‘oku ‘ikai ke mahino hono faka-Hepeluú. ‘ene poto ke vavalo?
37Ko hai ha poto te ne lava ke malau ‘a e ngaahi ‘ao?
‘Io, pea ko hai ‘e lava ke matule ‘a e ngaahi hina ‘o e langi?
38‘I ha taimi ‘oku hangē kuo haka mo lilingi ‘a e efu;
‘O hoko ko e ukamea ‘atā
‘O fema‘uma‘utaki ‘a e kauefu.
39Te ke tuli ‘a‘alu ma‘a e laione toutama,
‘O fakamākona ‘a e fiekaia ‘a e laione mui?
40‘Oka nau ka tokoto ‘i honau nofo‘anga,
‘O nofo he ngapulopulou ko e tokamalumu.
41Ko hai ‘oku ne tokonaki kakano ma‘a e lēveni,
‘Oka tangi ‘ene fānau kia ‘Ela,
Si‘enau hē holo he masiva me‘akai?
Currently Selected:
KO SIOPE 38: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
