KO SIOPE 35
35
1PEA fokotu‘u atu ‘e ‘Ilaiū, ‘o ne pehē,
2‘Oku ke pehē ‘e totonu ‘i he fakamaau ‘a e me‘a ni?
He ‘oku ke lau, ‘Oku lahi ‘eku totonu ‘ia ‘Ela.
3‘A ho‘o pehē, Ko e hā hono fakalave kiate au,
‘Io, ‘o hulu fēfē hono ‘aonga ‘i ha‘aku hia?
4Ko au te u tali koe,
Pea mo ho ngaahi kaume‘a foki.
5Hanga hake ki he langi, ‘o vakai;
Pea ke sio ki he ‘atānoa ‘ene mā‘olunga ‘iate koe.
6Kapau kuo ke hia, ko e hā ‘au kuo lave kiate Ia?#Siope 22.2-3
Pea neongo kuo lahi ho‘o angahala, ko e hā kuo ke fai kiate Ia?
7Kapau kuo ke faitotonu, kuo ke ‘atu kiate Ia ha me‘a?
Pe kuo ne ma‘u ha me‘a mei ho nima?
8‘E lave ho‘o angahala ki ha tangata hangē ko koe;
Pea ‘e lave ho‘o faitotonu ki he hako‘i tangata.
9Ko e me‘a ‘i he lahi ‘o e fakamālohi, ‘oku fai ha tautapa;
‘Io, ‘oku fai ha kaila he falala ‘a e nima ‘o ha‘a mā‘olunga.
10Ka hono lau ‘e ha taha, “Kofa‘ā ‘a ‘Elohā na‘e ngaohi au,
‘A ia ‘oku ne ‘omi ‘ani hiva lolotonga ‘a e po‘uli?
11‘Ene ako kitautolu ke poto ange ‘i he fanga manu ‘o e fonua,#35.11 ke… fonua; pe mei he fanga manu.
‘O ne ngaohi kitautolu ke tau poto ange ‘i he fanga manu ‘o e ‘atā.”
12‘Oku tautapa hē ‘a e kakai–pea ‘oku ‘ikai tali–
Koe‘uhi ko e fielahi ‘a e kakai kovi.
13‘Ā, ‘e ‘ikai ongo‘i ‘e ‘Ela ha nge‘esi tangi;#35.13 Ko e potu eni ‘oku fihi.
Pea ‘e ‘ikai tokanga ki ai ‘a Sātai.
14Neongo ho‘o pehē ‘oku ‘ikai te ke sio kiate Ia,
‘Oku ‘i hono ‘ao ho‘o me‘a,
Pea na‘a ke mei tatali kiate Ia.
15Pea ko eni, ko e me‘a ‘i he ‘ikai te ne tautea ‘a e ‘ita ‘a ē,
‘O ‘ikai te ne loko toka‘i ‘a e foa mai ‘a e loto ‘oku fonu;#35.15 Ko e potu fihi ‘aupito.
16Ko ia kuo pu‘aki ‘e Siope mei hono ngutu ‘a e muna;
‘Oku ne fakalahi lea ‘oku ‘ikai ō mo e ‘ilo.
Currently Selected:
KO SIOPE 35: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
