KO HOSEA Ko e Talateu
Ko e Talateu
Na‘e malanga ‘a e palofita ko Hōseá ‘i he pule‘anga tokelau ‘o ‘Isilelí, ko e hili ia ‘a e ngāue ‘a e palōfita ko ‘Ēmosí, pea lolotonga ‘a e ngaahi ‘aho faingata‘a kimu‘a ‘i he kapa ‘o Samēlia ‘i he ta‘u 721 kimu‘a ia Kalaisí. Na‘e tokanga makehe ia ki he tauhi ‘aitoli ‘a e kakaí mo ‘enau fa‘a li‘aki ‘a e ‘Otuá. Na‘e fakatātā mata‘ā‘ā ‘e Hōsea ‘enau mo‘ui ta‘efalala‘anga ko ‘ení ‘aki ‘ene mali ki ha fefine ta‘eanganofo peá na iku ‘o māvae. Hangē pē ko e mo‘ui ta‘eanganofo ‘a hono malí, ‘a Koma, kiate iá, na‘e pehē ‘a hono si‘aki ‘e he kakaí ‘a e ‘Eikí. Pea na‘e pau ke tō mai ai ‘a e fakamaau ki ‘Isileli. Ka ‘e faifai pē pea ikuna ‘a e ‘ofa ta‘elauhia ia ‘a e ‘Otuá ki hono kakaí, pea te ne toe fakafoki mai ‘a e kakaí kiate ia pea fakalelei hona vaá. ‘Oku hā sino mai ‘a e ‘ofa ko ia ‘a e ‘Otuá ‘i he ngaahi lea ongo ko ‘eni: “Hono u lava ke fakatukuhāusia‘i koe, si‘i ‘Isileli… Kuo liliu hoku lotó ‘iate au, ‘oku ngaue kotoa hoku fatú.” (Vahe 11.8)
Ko e Kakano ‘o e Tohí
Ko e mali ‘o Hōseá mo hono fāmilí (1.1–3.5)
Ko e ngaahi fakahā ‘o kau ki hano fakamāu‘i ‘o ‘Isileli (4.1–13.16)
Ko e malanga ‘o kau ki he fakatomala mo e tala‘ofa (14.1-9)
Currently Selected:
KO HOSEA Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.