KO HOSEA 1
1
1KO E folofola ‘a Sihova ‘a ia na‘e hoko kia Hosea foha ‘o Pē‘eli, ‘i he kuonga ‘o ‘Ūsaia, Siolame, ‘Āhasi, mo Hesekaia, ko e ngaahi Tu‘i Siuta, pea ‘i he kuonga ‘o Selopoame foha ‘o Soasi ko e Tu‘i ‘Isileli.#2 Tu‘i 14.23–15.7; 15.32–16.20; 18.1–20.21; 2 Kal 26.1–27.8; 28.1–32.33
Ko e Mali ‘o Hosea mo ‘ena Fānau
2Ko e kamata eni ‘o e folofola ‘a Sihova ‘ia Hosea. Pea folofola ‘a Sihova kia Hosea, ‘Alu ‘o to‘o mai ha fefine fe‘auaki, mo e fānau fe‘auaki,#1.2 to‘o… mo e fānau fe‘auaki: ‘Oku ngali tonu ‘a hono hiki ‘o e faka-Hepeluú ‘o: ‘o mali; ‘e fe‘auaki ho malí, pea ‘e anga tatau mo ia ‘a ho‘omo fānaú; pe mali mo ha pa‘umutu, peá mo fanau‘i ha fānau ‘e angakovi tatau mo ia. ‘o mali mo ia: he kuo mātu‘aki fai fe‘auaki ‘a e fonua, ‘o tuku ‘ene muimui kia Sihova.
3Pea ne ‘alu, ‘o ne mali mo Kōmela ko e ‘ōfefine ‘o Tipilaimi; pea ne feitama, ‘o ne fā‘ele‘i kiate ia ha tama. 4Pea folofola ‘a Sihova kiate ia, Fakahingoa ia ko Sisilili; he ‘oku toe si‘i pea u ‘eke ‘a e toto ‘o Sisilili#1.4 Sisilili; Ko e kolo ia na‘e fakapoongi ai ‘e Sehu ‘a e tu‘i ‘Isilelí mo e fale ‘aló kotoa, peá ne hoko ai ko e ‘uluaki tu‘i ‘i he ha‘a tu‘u fo‘ou (vakai kia 2 Tu‘i 9-10). ki he fale ‘o Sehu, pea te u ‘ai ke ngata ‘a e pule‘anga ‘o e fale ‘o ‘Isileli,#2 Tu‘i 10.11 5pea ka hoko ‘a e taimi ko ia, te u maumau ‘a e kaufana ‘a ‘Isileli ‘i he lautoka ‘o Sisilili.
6Pea ne toe feitama, ‘o ne fā‘ele‘i ha ta‘ahine. Pea na‘e folofola mai, Fakahingoa ia ko Lōluhama (Ta‘efaka‘atu‘i); he ‘e ‘ikai te u toe faka‘atu‘i ‘a e fale ‘o ‘Isileli, ke momo‘i fakamolemole kinautolu. 7Ka ko e fale ‘o Siuta, te u fai ha ‘ofa ki ai; pea te u fakamo‘ui kinautolu ‘ia Sihova ko honau ‘Otua, pea ‘e ‘ikai te u fakamo‘ui kinautolu ‘aki ‘a e kaufana, mo e heletā, mo e tau; ‘aki ‘a e fanga hoosi, mo e kau heka hoosi.
8Pea kuo ne fakamāvae ‘a Lō-luhama, pea na‘a ne feitama, ‘o ne fā‘ele‘i ha tama tangata. 9Pea na‘e folofola mai, Fakahingoa ia ko Lō-ami (‘Oku-‘ikai-ko-hoku-kakai); he ‘oku ‘ikai ko hoku kakai kimoutolu, pea ‘e ‘ikai te u ‘amoutolu.
‘E Toe langa ‘a ‘Isileli
10Ka ‘e faifai pea tatau ‘a e lau ‘o e hako ‘o ‘Isileli mo e ‘one‘one ‘o e tahi, ‘a ia ‘oku ‘ikai mafua, pea ‘oku ‘ikai malau; pea ‘i he potu ‘oku lau ai ‘a e kakai kiate kinautolu, ‘Oku ‘ikai ko hoku kakai kimoutolu, ‘e faifai pea lau ai kiate kinautolu, ‘o pehē, Si‘i hako ‘o e ‘Otua Mo‘ui.#Lom 9.26 11Pea ko ha‘a Siuta mo ha‘a ‘Isileli te nau tānaki fakataha, pea te nau tu‘utu‘uni hanau ‘ulu pē taha, pea te nau ‘alu hake mei he fonua: he lahi ‘a e ‘aho ‘o Sisilili.#1.11 Sisilili; Ko e ‘uhinga ‘o e hingoá ni ‘i he faka-Hepeluú ko e “‘oku tūtuu‘i ‘e he ‘Otuá, pea ‘oku ho‘ata mai ai ‘a e tupú mo e tu‘umālié. 12Mou lea ki homou ngaahi tokoua, ‘o pehē, ‘Amī (ko-hoku-kakai), pea ki homou ngaahi tuofāfine, Lūhama (‘Ofeina).
Currently Selected:
KO HOSEA 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO HOSEA 1
1
1KO E folofola ‘a Sihova ‘a ia na‘e hoko kia Hosea foha ‘o Pē‘eli, ‘i he kuonga ‘o ‘Ūsaia, Siolame, ‘Āhasi, mo Hesekaia, ko e ngaahi Tu‘i Siuta, pea ‘i he kuonga ‘o Selopoame foha ‘o Soasi ko e Tu‘i ‘Isileli.#2 Tu‘i 14.23–15.7; 15.32–16.20; 18.1–20.21; 2 Kal 26.1–27.8; 28.1–32.33
Ko e Mali ‘o Hosea mo ‘ena Fānau
2Ko e kamata eni ‘o e folofola ‘a Sihova ‘ia Hosea. Pea folofola ‘a Sihova kia Hosea, ‘Alu ‘o to‘o mai ha fefine fe‘auaki, mo e fānau fe‘auaki,#1.2 to‘o… mo e fānau fe‘auaki: ‘Oku ngali tonu ‘a hono hiki ‘o e faka-Hepeluú ‘o: ‘o mali; ‘e fe‘auaki ho malí, pea ‘e anga tatau mo ia ‘a ho‘omo fānaú; pe mali mo ha pa‘umutu, peá mo fanau‘i ha fānau ‘e angakovi tatau mo ia. ‘o mali mo ia: he kuo mātu‘aki fai fe‘auaki ‘a e fonua, ‘o tuku ‘ene muimui kia Sihova.
3Pea ne ‘alu, ‘o ne mali mo Kōmela ko e ‘ōfefine ‘o Tipilaimi; pea ne feitama, ‘o ne fā‘ele‘i kiate ia ha tama. 4Pea folofola ‘a Sihova kiate ia, Fakahingoa ia ko Sisilili; he ‘oku toe si‘i pea u ‘eke ‘a e toto ‘o Sisilili#1.4 Sisilili; Ko e kolo ia na‘e fakapoongi ai ‘e Sehu ‘a e tu‘i ‘Isilelí mo e fale ‘aló kotoa, peá ne hoko ai ko e ‘uluaki tu‘i ‘i he ha‘a tu‘u fo‘ou (vakai kia 2 Tu‘i 9-10). ki he fale ‘o Sehu, pea te u ‘ai ke ngata ‘a e pule‘anga ‘o e fale ‘o ‘Isileli,#2 Tu‘i 10.11 5pea ka hoko ‘a e taimi ko ia, te u maumau ‘a e kaufana ‘a ‘Isileli ‘i he lautoka ‘o Sisilili.
6Pea ne toe feitama, ‘o ne fā‘ele‘i ha ta‘ahine. Pea na‘e folofola mai, Fakahingoa ia ko Lōluhama (Ta‘efaka‘atu‘i); he ‘e ‘ikai te u toe faka‘atu‘i ‘a e fale ‘o ‘Isileli, ke momo‘i fakamolemole kinautolu. 7Ka ko e fale ‘o Siuta, te u fai ha ‘ofa ki ai; pea te u fakamo‘ui kinautolu ‘ia Sihova ko honau ‘Otua, pea ‘e ‘ikai te u fakamo‘ui kinautolu ‘aki ‘a e kaufana, mo e heletā, mo e tau; ‘aki ‘a e fanga hoosi, mo e kau heka hoosi.
8Pea kuo ne fakamāvae ‘a Lō-luhama, pea na‘a ne feitama, ‘o ne fā‘ele‘i ha tama tangata. 9Pea na‘e folofola mai, Fakahingoa ia ko Lō-ami (‘Oku-‘ikai-ko-hoku-kakai); he ‘oku ‘ikai ko hoku kakai kimoutolu, pea ‘e ‘ikai te u ‘amoutolu.
‘E Toe langa ‘a ‘Isileli
10Ka ‘e faifai pea tatau ‘a e lau ‘o e hako ‘o ‘Isileli mo e ‘one‘one ‘o e tahi, ‘a ia ‘oku ‘ikai mafua, pea ‘oku ‘ikai malau; pea ‘i he potu ‘oku lau ai ‘a e kakai kiate kinautolu, ‘Oku ‘ikai ko hoku kakai kimoutolu, ‘e faifai pea lau ai kiate kinautolu, ‘o pehē, Si‘i hako ‘o e ‘Otua Mo‘ui.#Lom 9.26 11Pea ko ha‘a Siuta mo ha‘a ‘Isileli te nau tānaki fakataha, pea te nau tu‘utu‘uni hanau ‘ulu pē taha, pea te nau ‘alu hake mei he fonua: he lahi ‘a e ‘aho ‘o Sisilili.#1.11 Sisilili; Ko e ‘uhinga ‘o e hingoá ni ‘i he faka-Hepeluú ko e “‘oku tūtuu‘i ‘e he ‘Otuá, pea ‘oku ho‘ata mai ai ‘a e tupú mo e tu‘umālié. 12Mou lea ki homou ngaahi tokoua, ‘o pehē, ‘Amī (ko-hoku-kakai), pea ki homou ngaahi tuofāfine, Lūhama (‘Ofeina).
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.