KO TĀNIELA 12
12
Ko e ‘Aho ‘o e Ngata‘anga
1PEA ‘i he taimi ko ia ‘e tu‘u hake ‘a Maikeli, ‘a e ‘eiki lahi ‘oku ne tu‘u ke taukapo‘i ‘a e hako ‘o ho kakai; pea ‘e hoko ha taimi faingata‘a, ‘a ia kuo te‘eki ke ‘i ai ha me‘a pehē, talu mei he ‘i ai ha pule‘anga ‘o a‘u ki he taimi ko ia: pea ‘i he taimi ko ia ‘e fakahaofi ho kakai; ‘a ia fua pē ‘e ‘ilo ki ai kuo tohi ‘i he tohi.#Māt 24.21; Ma‘ake 13.19; Fkhā 7.14; 12.7 2Pea ko e tokolahi ‘iate kinautolu ‘oku mohe ‘i he kelekele efu te nau ‘ā, ko e ni‘ihi ki he mo‘ui ta‘engata, pea ko e ni‘ihi ki he manukia, ki he fakalili‘a‘ia ‘o ta‘engata.#‘Ais 26.19; Māt 25.46; Sioné 5.29 3Ka ko e kau fakapotopoto te nau ngingila hangē ko e ulo ‘a e femamēnite; pea ko kinautolu ‘oku fakatafoki ‘a e tokolahi ki he mā‘oni‘oni te nau hangē ko e ngaahi fetu‘u, ‘o lauikuonga ‘o ta‘engata.
4Pea ko koe, Tāniela, tāpuni ‘a e ngaahi lea, ‘o sila‘i ‘a e tohi, ‘o a‘u ki he taimi fakamui: ‘e lele holo ha tokolahi, pea ‘e fakautuutu ‘a e ‘ilo.#Fkhā 22.10
5Pea u fakasio ‘e au Tāniela, pea tā ko e toko ua kehe ‘ena ‘oku tu‘u, ko e taha ‘i he kauvai ko eni ‘o e vaitafe, pea ko e taha ‘i he kauvai ko ena. 6Pea lea ha taha ki he toko taha kofu hinehina, ‘a ia na‘e nofo mei ‘olunga ‘i he vai ‘o e vaitafe, ‘E hoko fakakū ‘a e faka‘osi ‘o e ngaahi me‘a fakaofo ni?
7Pea na‘a ku fanongo ki he toko taha kofu hinehina, ‘a ia na‘e nofo mei ‘olunga ‘i he vai ‘o e vaitafe, ‘ene hiki hono nima to‘omata‘u mo to‘ohema ki langi, mo fuakava ‘i he ‘Afio ‘oku mo‘ui ‘o ta‘engata, Tū ko e kuonga, ko e kuonga ‘e ua, mo e haafe; pea ka ‘osi ‘enau laiki ‘a e nima ‘o e kakai tapu, ‘e ‘osi‘osingamālie ‘a e ngaahi me‘a ni.#Fkhā 10.5; 12.14
8Pea ko e me‘a kiate au, na‘a ku fanongo ki ai ka na‘e ‘ikai ‘uhinga kiate au; pea u pehē, ‘Ēī, Ko e hā ‘a e iku‘anga ‘o e ngaahi me‘a ni?
9Pea ne pehē mai, ‘Alu ā, Tāniela: he kuo tāpuni mo sila‘i ‘a e ngaahi lea, ‘o a‘u ki he taimi fakamui. 10Ko e tokolahi te nau fakama‘a kinautolu, mo fakahinehina, mo nau sivi ke a‘u; ka ‘e fai angahala ‘a e kau angahala; pea ‘e ‘ikai ‘uhinga ki ha taha ‘o e kau angahala, ka ko e kau fakapotopoto ‘e ‘uhinga ki ai.#Fkhā 22.11
11Pea mei he taimi ‘o e ‘ave ‘a e lotu tu‘u ma‘u mo e fokotu‘u ‘o e me‘a fakalielia ‘oku fakalala,#12.11 me‘a fakalielia ‘oku fakalala; Vakai ki he 9.27. ko e ‘aho ‘e taha afe mā uangeau mā hivangofulu.#Tān 9.27; 11.31; Māt 24.15; Ma‘ake 13.14 12Monū‘ia ā ka ko ia ‘oku matatali, ‘o ne a‘u ki he ngaahi ‘aho ‘e taha afe mā tolungeau mā tolungofulu mā nima.
13Ka ke ‘alu pē ā koe, ‘o a‘u ki he ngata‘anga: pea te ke mālōlō, pea te ke tu‘u ‘i ho tofi‘a ‘i he faka‘osi ‘o e ngaahi ‘aho.
Currently Selected:
KO TĀNIELA 12: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO TĀNIELA 12
12
Ko e ‘Aho ‘o e Ngata‘anga
1PEA ‘i he taimi ko ia ‘e tu‘u hake ‘a Maikeli, ‘a e ‘eiki lahi ‘oku ne tu‘u ke taukapo‘i ‘a e hako ‘o ho kakai; pea ‘e hoko ha taimi faingata‘a, ‘a ia kuo te‘eki ke ‘i ai ha me‘a pehē, talu mei he ‘i ai ha pule‘anga ‘o a‘u ki he taimi ko ia: pea ‘i he taimi ko ia ‘e fakahaofi ho kakai; ‘a ia fua pē ‘e ‘ilo ki ai kuo tohi ‘i he tohi.#Māt 24.21; Ma‘ake 13.19; Fkhā 7.14; 12.7 2Pea ko e tokolahi ‘iate kinautolu ‘oku mohe ‘i he kelekele efu te nau ‘ā, ko e ni‘ihi ki he mo‘ui ta‘engata, pea ko e ni‘ihi ki he manukia, ki he fakalili‘a‘ia ‘o ta‘engata.#‘Ais 26.19; Māt 25.46; Sioné 5.29 3Ka ko e kau fakapotopoto te nau ngingila hangē ko e ulo ‘a e femamēnite; pea ko kinautolu ‘oku fakatafoki ‘a e tokolahi ki he mā‘oni‘oni te nau hangē ko e ngaahi fetu‘u, ‘o lauikuonga ‘o ta‘engata.
4Pea ko koe, Tāniela, tāpuni ‘a e ngaahi lea, ‘o sila‘i ‘a e tohi, ‘o a‘u ki he taimi fakamui: ‘e lele holo ha tokolahi, pea ‘e fakautuutu ‘a e ‘ilo.#Fkhā 22.10
5Pea u fakasio ‘e au Tāniela, pea tā ko e toko ua kehe ‘ena ‘oku tu‘u, ko e taha ‘i he kauvai ko eni ‘o e vaitafe, pea ko e taha ‘i he kauvai ko ena. 6Pea lea ha taha ki he toko taha kofu hinehina, ‘a ia na‘e nofo mei ‘olunga ‘i he vai ‘o e vaitafe, ‘E hoko fakakū ‘a e faka‘osi ‘o e ngaahi me‘a fakaofo ni?
7Pea na‘a ku fanongo ki he toko taha kofu hinehina, ‘a ia na‘e nofo mei ‘olunga ‘i he vai ‘o e vaitafe, ‘ene hiki hono nima to‘omata‘u mo to‘ohema ki langi, mo fuakava ‘i he ‘Afio ‘oku mo‘ui ‘o ta‘engata, Tū ko e kuonga, ko e kuonga ‘e ua, mo e haafe; pea ka ‘osi ‘enau laiki ‘a e nima ‘o e kakai tapu, ‘e ‘osi‘osingamālie ‘a e ngaahi me‘a ni.#Fkhā 10.5; 12.14
8Pea ko e me‘a kiate au, na‘a ku fanongo ki ai ka na‘e ‘ikai ‘uhinga kiate au; pea u pehē, ‘Ēī, Ko e hā ‘a e iku‘anga ‘o e ngaahi me‘a ni?
9Pea ne pehē mai, ‘Alu ā, Tāniela: he kuo tāpuni mo sila‘i ‘a e ngaahi lea, ‘o a‘u ki he taimi fakamui. 10Ko e tokolahi te nau fakama‘a kinautolu, mo fakahinehina, mo nau sivi ke a‘u; ka ‘e fai angahala ‘a e kau angahala; pea ‘e ‘ikai ‘uhinga ki ha taha ‘o e kau angahala, ka ko e kau fakapotopoto ‘e ‘uhinga ki ai.#Fkhā 22.11
11Pea mei he taimi ‘o e ‘ave ‘a e lotu tu‘u ma‘u mo e fokotu‘u ‘o e me‘a fakalielia ‘oku fakalala,#12.11 me‘a fakalielia ‘oku fakalala; Vakai ki he 9.27. ko e ‘aho ‘e taha afe mā uangeau mā hivangofulu.#Tān 9.27; 11.31; Māt 24.15; Ma‘ake 13.14 12Monū‘ia ā ka ko ia ‘oku matatali, ‘o ne a‘u ki he ngaahi ‘aho ‘e taha afe mā tolungeau mā tolungofulu mā nima.
13Ka ke ‘alu pē ā koe, ‘o a‘u ki he ngata‘anga: pea te ke mālōlō, pea te ke tu‘u ‘i ho tofi‘a ‘i he faka‘osi ‘o e ngaahi ‘aho.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.